កីឡា

ក្លឹបថ្មីរបស់គ្រូឆ្នើម ពេជ្រ សុផាន់សាងសង់ ១២បន្ទប់អាចចូលស្នាក់នៅហ្វឹកហាត់អំឡុងខែមីនា ២០២៦

បានផុស

៩ ខែ មុន

នៅ

ថ្ងៃសុក្រ ១០ តុលា ២០២៥

ដោយ

ក្លឹបប្រដាល់ថ្មីរបស់លោកគ្រូឆ្នើម ពេជ្រ សុផាន់ មានរហូតដល់ទៅ ១២បន្ទប់ និងកំពុងសាងសង់បានប្រហែល ៣០-៤០% ហើយអាចចូលស្នាក់នៅ និងហ្វឹកហាត់ជាបណ្ដើរៗអំឡុងខែមីនា ឆ្នាំ២០២៦ ខាងមុខនេះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពេជ្រ សុផាន់ នៅក្លឹបថ្មី

លោក ពេជ្រ សុផាន់ បានឲ្យដឹងថា ក្លឹបថ្មីនេះកំពុងដំណើរការសាងសងជាដំណាក់កាលៗដោយឥលូវនេះរៀបចំចាក់ប្លង់សេសន្លឹកទី៣ បន្តទៀត។ ការសាងសងនេះបានប្រហែល ៣០-៤០% នៃគម្រោងហើយ។

ប្លង់ក្លឹបថ្មីពេជ្រសុផាន់គុនខ្មែរ

ក្លឹបថ្មីនេះនៅជាន់ខាងលើមាន ១២បន្ទប់សម្រាប់សិស្សៗស្នាក់នៅជាន់ក្រោមៗមានដូចជាបន្ទប់ការិយាល័យសម្រាប់ធ្វើការ និងបន្ទប់អាហារជាដើម។ គ្រូឆ្នើមរូបនេះបន្តទៀតថា គម្រោងនៃការសាងសង់នេះគឺនៅច្រើនដំណាក់កាលទៀត ដូច្នេះមិនទាន់អាចកំណត់ធ្វើបញ្ចប់ទាំងស្រុងនៅពេលណានោះទេ។ យ៉ាងណាអំឡុងខែមីនា ឆ្នាំ២០២៦ នេះអាចនឹងចូលស្នាក់នៅ និងហ្វឹកហាត់សិនបានហើយ។

លោក ពេជ្រ សុផាន់ នៅក្លឹបថ្មី

បញ្ជាក់ដែរថា ក្លឹបប្រដាល់ពេជ្រសុផាន់គុនខ្មែរនាពេលបច្ចុប្បន្នដែលនៅក្រោយពន្ធនាគារព្រៃសសព្វថ្ងៃនេះគឺជួលដីគេនោះទេ។ លោក ពេជ្រ សុផាន់ បានទិញដីក្បែរក្លឹបចាស់នោះដែរ និងកំពុងសាងសង់ក្លឹបថ្មីរបស់លោកដើម្បីបម្រើដល់ការហ្វឹកហាត់ ស្នាក់នៅ ឲ្យបានសមរម្យ និងមានផាសុកភាពផងដែរ៕

អត្ថបទដោយ៖ នួន ស៊ីណា