កីឡា
តស់បងប្អូន សំបុត្រតម្លៃតែ ៨០០០ រៀល ទស្សនាបាន ២ ប្រកួតពានអាស៊ី AFC នៅថ្ងៃអាទិត្យនេះ
ក្លិបបាល់ទាត់ព្រះខ័នរាជស្វាយរៀង បានប្រកាសលក់សំបុត្រជាផ្លូវការហើយសម្រាប់ចូលរួមទស្សនាការប្រកួតពានរង្វាន់ក្លិបអាស៊ី AFC Challenge League វគ្គសន្សំពិន្ទុពូល D នៅពហុកីឡដ្ឋានជាតិមរតកតេជោ។
តម្លៃសំបុត្រចំនួន ៨០០០ រៀល ទាំងតំបន់ A និងតំបន់ B ដែលអាចទស្សនាបានដល់ទៅ ២ ប្រកួត។ ការប្រកួតធ្វើឡើង ២ ប្រកួតក្នុង ១ ថ្ងៃ ដែលគូទី ១ ចាប់ផ្តើមវេលាម៉ោង ៤ រសៀល និងគូទី២ ចាប់ផ្តើមនៅវេលាម៉ោង ៧យប់។ ដូច្នេះអ្នកគាំទ្រទិញសំបុត្រ ១ សន្លឹក អាចទស្សនាបាន ២ ប្រកួតជាប់គ្នា។
សូមបញ្ជាក់ថា សំបុត្រមានដាក់លក់នៅតែតាមអនឡាញ (App របស់ក្លិប) ប៉ុណ្ណោះ ដោយគ្មានការលក់ជាសំបុត្រនៅខាងក្រៅឡើយ។ ការដាក់លក់សំបុត្រតាមអនឡាញសុទ្ធបែបនេះគឺបង្កលក្ខណៈងាយស្រួលដល់អ្នកគាំទ្រដោយមិនចាំបាច់ចំណាយពេលទៅរកទិញ ហើយក៏មិនបារម្ភខូចដែរ និងជាពិសេសមិនធ្វើឲ្យមានសំរាមដល់បរិស្ថាន។
សំបុត្រសម្រាប់ទស្សនានៅតំបន់ A គឺជាទីតាំងអង្គុយសម្រាប់អ្នកគាំទ្ររបស់ក្រុមម្ចាស់ផ្ទះ ខណៈតំបន់ A ជាទីតាំងអង្គុយសម្រាប់អ្នកគាំទ្ររបស់ ក្រុមភ្ញៀវ។
ថ្ងៃបើកឆាក ព្រះខ័នរាជស្វាយរៀង ប្រកួតជាមួយក្រុមរបស់ម៉ុងហ្គោលី SP Falcons នៅវេលាម៉ោង ៤ រសៀល នៅថ្ងៃអាទិត្យ ទី២៦ ខែតុលា ឆ្នាំ ២០២៥ ហើយវេលាម៉ោង ៧ យប់ថ្ងៃដដែល ក្រុមរបស់ហ្វីលីពីន Manila Digger ប្រកួតជាមួយក្រុមរបស់ឡាវ Ezra FC។
៣ថ្ងៃបន្ទាប់ ពោលគឺថ្ងៃពុធ ទី២៩ ខែតុលា វេលាម៉ោង ៤ រសៀល ក្រុម SP Falcons ប្រកួតជាមួយ Manila Digger និងវេលាម៉ោង ៧ យប់ ថ្ងៃដដែល ក្រុមម្ចាស់ផ្ទះ ព្រះខ័នរាជស្វាយរៀង ប្រកួតជាមួយ ក្រុម Ezra FC។
ការប្រកួតចុងក្រោយនៅថ្ងៃទី១ ខែវិច្ឆិកា វេលាម៉ោង ៤ រសៀល ក្រុម SP Falcons ប្រកួតជាមួយក្រុម Ezra FC និងវេលាម៉ោង ៧ យប់ ថ្ងៃដដែល ព្រះខ័នរាជស្វាយរៀង ប្រកួតជាមួយ Manila FC។
ការប្រកួតនេះនៅពូល D នឹងជ្រើសរើស ២ ក្រុមឡើងទៅកាន់វគ្គពាក់កណ្តាលផ្តាច់ព្រ័ត្រប្រចាំតំបន់អាស៊ីខាងកើត ត្រូវជួបក្រុម ២ នៅពូល E ដែលប្រកួតសន្សំពិន្ទុនៅប្រទេសឥណ្ឌូណេស៊ី ក្នុងនោះមានក្រុមរបស់កម្ពុជាគឺ ភ្នំពេញក្រោន ដែរ៕
អត្ថបទ៖ វីរបុត្រ
-
ព័ត៌មានអន្ដរជាតិ១ សប្តាហ៍ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ២ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានជាតិ១ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ១ សប្តាហ៍ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ
-
ព័ត៌មានអន្ដរជាតិ១ ថ្ងៃ agoពូទីន៖ រុស្ស៊ីតែម្នាក់ឯង ត្រូវប្រយុទ្ធជាមួយ លោកខាងលិចទាំងមូល ក្នុងសង្គ្រាមនៅ អ៊ុយក្រែន