កីឡា
គូរ៉ាសៅ ជាប្រទេសកោះតូចជាងគេ ស្ថិតក្នុងប្រទេស ៣ ទៀត បានឡើងទៅ World Cup លើកដំបូង
ការប្រកួតជម្រុះតាមទ្វីបនីមួយៗ ដើម្បីរកក្រុមឡើងទៅជុំចុងក្រោយពានរង្វាន់បាល់ទាត់ជើងឯកពិភពលោក (World Cup 2026) ចំនួន ៤៨ ក្រុម ពេលនេះបានរកឃើញក្រុមចំនួន ៤២ ហើយ ខណៈរឿងគួរចាប់អារម្មណ៍ គឺមានក្រុម ៤ ដែលទើបឆ្លងផុតវគ្គជម្រុះ ឡើងទៅជុំចុងក្រោយជាលើកដំបូងក្នុងប្រវត្តិសាស្ត្រ។
ក្រុមចំនួន ៤២ ដែលបានកក់កៅអីឡើងទៅជុំចុងក្រោយ World Cup 2026 រួចរាល់ រួមមានប្រទេសសហម្ចាស់ផ្ទះ សហរដ្ឋអាមេរិក កាណាដា និងម៉ិចស៊ិក។ ទ្វីបអាស៊ី មានក្រុម ជប៉ុន កូរ៉េខាងត្បូង អ៊ីរ៉ង់ អូស្ត្រាលី អ៊ុយបេគីស្ថាន ហ្ស៊កដានី កាតា និងអារ៉ាប៊ីសាអូឌីត។ តំបន់អូសេអានី មាន នូវែលហ្សេឡង់។ ទ្វីបអាមេរិកខាងត្បូង មានក្រុម អាហ្សង់ទីន ប្រេស៊ីល អ៊ុយរូហ្គាយ អេក្វាឌ័រ កូឡុំប៉ី និងប៉ារ៉ាហ្គាយ។
តំបន់អាហ្វ្រិក មាន ម៉ារ៉ុក ទុយនីស៊ី អេហ្ស៊ីប អាល់ហ្ស៊េរី ហ្គាណា សេណេហ្គាល់ កូតឌីវ័រ អាហ្វ្រិកខាងត្បូង និងកាបវែរ ។ ទ្វីប អាមេរិកខាងជើង មានក្រុម ប៉ាណាម៉ា ហៃទី និង គូរ៉ាសៅ។ ទ្វីបអឺរ៉ុប មាន អង់គ្លេស បារាំង អេស្ប៉ាញ អាល្លឺម៉ង់ ព័រទុយហ្កាល់ ហូល្លង់ បែលហ្ស៊ិក ក្រូអាត ន័រវែស ស្កុតលែនដ៍ ស្វីស និង អូទ្រីស។
ក្នុងចំណោមក្រុមទាំង ៤២ ខាងលើ មានក្រុមចំនួន ៤ ដែលទើបទទួលបានកៅអីឡើងជុំចុងក្រោយពាន World Cup 2026 លើកដំបូងនៅក្នុងប្រវត្តិសាស្ត្រ រួមមាន អ៊ុយបេគីស្ថាន (ទ្វីបអាស៊ី) ហ្ស៊កដានី (ទ្វីប អាស៊ី) កាបវែរ (ទ្វីបអាហ្វ្រិក) និង គូរ៉ាកាវ (ទ្វីប អាមេរិកខាងជើង)។ នេះជាប្រវត្តិសាស្ត្រថ្មីមួយសម្រាប់ព្រឹត្តិការណ៍ World Cup 2026 ខាងមុខ។
យ៉ាងណា រឿងដែលកាន់តែចាប់អារម្មណ៍មួយទៀតនោះ គឺ កោះគូរ៉ាសៅ បានក្លាយជាប្រទេសតូចជាងគេបំផុត ពោលគឺតូចជា កោះកាបវែរ ទៅទៀត ដែលបានឡើងជុំចុងក្រោយ World Cup 2026។ ប្រទេសនេះមានផ្ទៃដីត្រឹម ៤៤៤ គីឡូម៉ែត្រការ៉េ និងមានប្រជាជនត្រឹម ១៥៥,៩០០ នាក់ប៉ុណ្ណោះ៕
អត្ថបទ៖ សេម កុសល
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២០ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៥ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន