កីឡា

លោក ពេជ្រ សុផាន់ ផ្ដាំអ្នកចង់យកកូនមកហាត់ប្រដាល់ជាមួយលោកសូមកុំលូកដៃច្រើន

បានផុស

៤ ខែ មុន

នៅ

ថ្ងៃព្រហស្បតិ៍ ១៩ មីនា ២០២៦

ដោយ

បន្ទាប់ពីការមានការចាក់ចេញពីក្លឹបជាបន្តបន្ទាប់លោក ពេជ្រ សុផាន់ បានផ្ដាំផ្ញើក្នុងវីដេអូឡាយរបស់លោកថា អ្នកដែលចង់យកកូនមកហ្វឹកហាត់ជាមួយលោកសូមកុំលូកដៃច្រើនពេកដែលនាំឲ្យមានបញ្ហារហូតមិនអាចហ្វឹលកហាត់ជាប់លាប់ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពេជ្រ សុផាន់

លោក ពេជ្រ សុផាន់ គ្រូបង្វឹកក្លឹបប្រដាល់ពេជ្រសុផាន់គុនខ្មែរ បានលើកឡើងក្នុងការឡាយលើហ្វេសបុកថា បន្ទាប់ពីសិស្សៗមួយចំនួនបានចាក់ចេញពីក្លឹបគឺលោកទទួលបានបទពិសោធថ្មីៗមួយចំនួនពីរឿងទាំងនេះផងដែរ។ លោកចង់ផ្ដាំផ្ញើទៅកាន់អ្នកដែលចង់យកកូនក្មួយមកហ្វឹកហាត់ជាមួយលោកសូមកុំលូកដៃច្រើនដែលការធ្វើបែបនេះបានប៉ះពាល់ដល់ការរស់នៅហ្វឹកហាត់របស់សិស្ស។ ក្នុងន័យនេះលោកចង់បញ្ជាក់ថា ការលូកដៃផ្សេងៗនោះគឺអាចនឹងធ្វើឲ្យកីឡាករបែកអារម្មណ៍ ឬដកចិត្តពីការរស់នៅហ្វឹកហាត់រហូតឈានដល់ការឈប់ពីអាជីពប្រដាល់នេះ។

លោក ពេជ្រ សុផាន់

គ្រូឆ្នើមរូបនេះបន្ថែមទៀតថា លោកពិតជាសោកស្ដាយទឹកចិត្តដែលលោកបានស្រឡាញ់ និងដាក់ចិត្តបង្ហាត់បង្រៀនដោយអស់ពីចិត្ត ប៉ុន្តែការទទួលបានពីសិស្សវិញមិនដូច្នោះនោះឡើយ។ នេះជាបទពិសោធថ្មីសម្រាប់លោក ដូច្នេះរាល់ការទទួលសិស្សចូលមកហ្វឹកហាត់ក្រោយៗនឹងមានការបញ្ជាក់ច្បាស់លាស់ពីអាណាព្យាបាល។

សិស្សលោក ពេជ្រ សុផាន់

បញ្ជាក់ដែរថា ក្លឹបលោក ពេជ្រ សុផាន់ ជាក្លឹបដែលល្បីឈ្មោះ និងមានការគាំទ្រច្រើនក្នុងវិស័យប្រដាល់នាពេលបច្ចុប្បន្ននេះ។ សិស្សគុនរបស់លោកគឺមានទីផ្សារប្រកួតច្រើននៅតាមស្ថានីយទូរទស្សន៍ផ្សេងៗ។ ទន្ទឹមនិងភាពជោគជ័យនេះក្លឹបរបស់លោកក៏មានសិស្សចេញច្រើនផងដែរដោយសារវិន័យតឹងរឹងខ្លាំង និងមានការហ្វឹកហាត់ខ្លាំង។ ថ្មីៗនេះកីឡាករដែលកំពុងមានសាធារណៈជនស្គាល់ និងចាប់អារម្មណ៍ច្រើនគឺ ពេជ្រ ម៉ាយហាត ទើបឈប់ពីក្លឹបដោយសារនឹកផ្ទះមិនអាចបន្តនៅបាន៕

អត្ថបទដោយ៖ នួន ស៊ីណា