កីឡា

ព្រឹត្តិការណ៍ម៉ារ៉ាតុង ៣ នៅតំបន់អាស៊ានមានប្រាក់រង្វាន់ច្រើន

បានផុស

៤ ខែ មុន

នៅ

ថ្ងៃពុធ ២៥ មីនា ២០២៦

ដោយ

នៅបណ្តាប្រទេសក្នុងតំបន់អាស៊ីអាគ្នេយ៍មានព្រឹត្តិការណ៍ម៉ារ៉ាតុងអន្តរជាតិពេញជាច្រើនដែលប្រទេសខ្លះមាន ២ ទៅ ៣ កម្មវិធីក្នុងមួយឆ្នាំ ប៉ុន្តែបើនិយាយពីប្រាក់រង្វាន់ និងប្រាក់ឧបត្ថម្ភផ្សេងៗវិញមិនសូវច្រើនទេ ពីព្រោះជាព្រឹត្តិការណ៍រត់ដើម្បីទេសចរណ៍ សាមគ្គីភាព មិត្តភាព និងសុខភាព។

ទោះបីជាយ៉ាងណា ព្រឹត្តិការណ៍ម៉ារ៉ាតុងខ្លះមានប្រាក់រង្វាន់ច្រើនគួរសមដោយអាស្រ័យទៅលើម្ចាស់ឧបត្ថម្ភក្នុងព្រឹត្តិការណ៍ទាំងនោះ។ ព្រឹត្តិការណ៍ម៉ារ៉ាតុងចំនួន ៣ នៅក្នុងតំបន់អាស៊ានដែលមានប្រាក់រង្វាន់ច្រើនជាងគេគឺ នៅឥណ្ឌូណេស៊ី សិង្ហបុរី និងម៉ាឡេស៊ី។

ឥណ្ឌូណេស៊ី

ព្រឹត្តិការណ៍ម៉ារ៉ាតុងអន្តរជាតិពេញគឺ Bali International Full Marathon
ការប្រកួតថ្ងៃទី ២៣ ខែសីហា ឆ្នាំ ២០២៦
តម្លៃចុះឈ្មោះ ជនជាតិឥណ្ឌូណេស៊ី ៥៦ ដុល្លារ និងបរទេស ៩៥ ដុល្លារ សម្រាប់ ៤២ គីឡូម៉ែត្រ។ តម្លៃចុះឈ្មោះ ជនជាតិឥណ្ឌូណេស៊ី ៤៧ ដុល្លារ និងជនបរទេស តម្លៃ ៥៩ ដុល្លារ សម្រាប់ ២១ គីឡូម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាក់រង្វាន់សម្រាប់វិញ្ញាសាចម្ងាយ ៤២ គីឡូម៉ែត្រ

មេដាយមាស ២៧,៧០០ ដុល្លារ
មេដាយប្រាក់ ១៦,៩០០ ដុល្លារ
មេដាយសំរិទ្ធ ១០,៨០០ ដុល្លារ

ប្រាក់រង្វាន់សម្រាប់វិញ្ញាសាចម្ងាយ ២១ គម

មេដាយមាស ៤,៣០០ ដុល្លារ
មេដាយប្រាក់ ២,៨០០ ដុលលារ
មេដាយសំរិទ្ធ ១,៨៥០ ដុល្លារ

សិង្ហបុរី

Singapore International Full Marathon
ប្រកួតនៅ ថ្ងៃទី ៥-៦ ខែធ្នូ ឆ្នាំ ២០២៦
តម្លៃចុះឈ្មោះ ១៣០ ដុល្លារ ទៅ ១៦០ ដុល្លារសម្រាប់ ៤២ គីឡូម៉ែត្រ និង ៩០ ដុល្លារ ទៅ ១១០ ដុល្លារ សម្រាប់ ២១ គីឡូម៉ែត្រ

ប្រាក់រង្វាន់

លេខ ១ មេដាយមាស ទទួលបាន ៦៥,០០០ ដុល្លារ
លេខ ២ មេដាយប្រាក់ ទទួលបាន ៣០,០០០ ដុល្លារ
លេខ ៣ មេដាយសំរិទ្ធ ទទួលបាន ១៥,០០០ ដុល្លារ
លេខ ៤ ទទួលបាន ១០,០០០ ដុល្លារ
លេខ ៥ ទទួលបាន ៦,០០០ ដុល្លារ
លេខ ៦ ទទួលបាន ៣,០០០ ដុល្លារ
លេខ ៧ ទទួលបាន ២,០០០ ដុល្លារ
លេខ ៨ ទទួលបាន ១,៦០០ ដុល្លារ
លេខ ៩ ទទួលបាន ១,២០០ ដុល្លារ
លេខ ១០ ទទួលបាន ១,០០០ ដុល្លារ

ប្រាក់លើកទឹកចិត្តបំបែកកំណត់ត្រាប្រចាំព្រឹត្តិការណ៍ ១២,០០០ ដុល្លារ និងប្រាក់លើកទឹកចិត្តបង្ហាញគុណផលល្អ ៥,០០០ ទៅ ៨,០០០ ដុល្លារទៀត។

ម៉ាឡេស៊ី

Kuala Lumpur Standard Chartered Marathon
ការប្រកួត ថ្ងៃទី ៣-៤ ខែតុលា ឆ្នាំ ២០២៦
សំបុត្រត្រូវបានលក់អស់សម្រាប់ជនជាតិម៉ាឡេស៊ី បន្ទាប់ពីបើកបាន ៥ ម៉ោង ប៉ុន្តែត្រៀមចំនួន ៤០០០ សម្រាប់ជនបរទេស នៅបើករហូតដល់ ថ្ងៃទី៣១ កក្កដា ២០២៦
អ្នកចូលរួមតាមផែនការ ៤ ម៉ឺននាក់ ជាព្រឹត្តិការណ៍រត់មានអ្នកចូលរួមច្រើនបំផុតនៅអាស៊ាន
តម្លៃចុះឈមោះ ១៦៥ ដុល្លារ សម្រាប់ ៤២ គីឡូម៉ែត្រ និង ១៥០ ដុល្លារ សម្រាប់ ២១ គីឡូម៉ែត្រ

ប្រាក់រង្វាន់

ប្រាក់រង្វាន់សម្រាប់ព្រឹត្តិការណ៍ Kuala Lumpur Standard Chartered Marathon មិនត្រូវបានបង្ហាញលំអិតទេ ប៉ុន្តែសម្រាប់មេដាយមាស ទទួលបាន ១៥,០០០ ដុល្លារអាមេរិក លើវិញ្ញាសាចម្ងាយ ៤២ គីឡូម៉ែត្រ៕

អត្ថបទ៖ វិរបុត្រ

Related Topics:កីឡារត់ម៉ារ៉ាតុង