កីឡា

ពិតជាមិនធម្មតា វ៉ាន់ ភារ៉ា រត់ចម្ងាយជាប់ចំណាត់ថ្នាក់លេខ២ ខណៈអ្នកលេខ១ និង លេខ៣ សុទ្ធតែម្ចាស់ផ្ទះវៀតណាម

បានផុស

៦ ខែ មុន

នៅ

ថ្ងៃចន្ទ ១២ មករា ២០២៦

ដោយ

កីឡាករកម្ពុជា វ៉ាន់ ភារ៉ា បង្ហាញមោទកភាពដល់កម្ពុជា និងបានបង្ហាញពីសមត្ថភាពខ្លាំងរបស់ក្រុមរត់ប្រណាំងរបស់កម្ពុជាដោយប្រកួតជាប់ចំណាត់ថ្នាក់លេខ២ លើវិញ្ញាសាចម្ងាយ ៤២គីឡូម៉ែត្រ (Full Marathon) ក្នុងកម្មវិធី HCMC Marathon 2026 នៅប្រទេសវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពហ្វេសបុក ភារ៉ា

ព្រឹត្តិការណ៍រត់ប្រណាំង HCMC Marathon 2026 នេះគឺធ្វើឡើងនៅថ្ងៃទី១១ ខែមករា ឆ្នាំ២០២៦ នៅទីក្រុងហូជីមិញ ប្រទេសវៀតណាម។ កីឡាករកម្ពុជា វ៉ាន់ ភារ៉ា គឺធ្វើបានល្អមែនទែនដោយប្រជែងបានចំណាត់ថ្នាក់លេខ២ លើវិញ្ញាសាចម្ងាយ ៤២គីឡូម៉ែត្រ។ ភារ៉ា នៅក្នុងចម្ងាយ ៤២គីឡូម៉ែត្រនេះរូបគេធ្វើបានក្នុងរយៈពេល ០២ម៉ោង ២៧នាទី និង ២៥វិនាទី។

រូបភាពហ្វេសបុក ភារ៉ា

ភារ៉ា បានផ្ដល់ភាពភ្ញាក់ផ្អើល និងបង្ហាញការប្រជែងខ្ពស់មែនទែនដោយសារអ្នកជាប់ចំណាត់ថ្នាក់លេខ១ លេខ៣ លេខ៤ សុទ្ធតែជាកីឡាករម្ចាស់ផ្ទះវៀតណាម។ យ៉ាងណាកីឡាករកម្ពុជារូបនេះនៅតែអាចធ្វើបានល្អ និងនាំមោទកភាពជូនកម្ពុជាបើទោះជាវិញ្ញាសានេះថ្មីសម្រាប់រូបគេ និងមានការប្រជែងខ្ពស់ដូចនេះក្ដី។

បញ្ជាក់ដែរថា វាន់ ភារ៉ា ជាកីឡាករអត្តពលកម្មល្បីឈ្មោះ និងជាកីឡាករជម្រើសជាតិផងដែរ។ រូបគេជាកីឡាករដែលមានបទពិសោធច្រើន និងធ្លាប់ឆ្លងកាត់ការប្រកួតកម្រិតអន្តរជាតិជាច្រើនដងផងដែរនាពេលកន្លងមកនេះ៕