ក្នុង​សម័យ​កូវីដ​ អ្នក​គាំទ្រ​អាមេរិក​ចូល​មើល​ប្រដាល់​បំបែក​កំណត់​ត្រា​ជាង​៤០​ឆ្នាំ

ការ​​ប្រកួត​ប្រដាល់​សកល​​ដណ្តើម​ខ្សែ​ក្រវាត់​ពិភព​លលោក ដែល​ជើង​ខ្លាំង​ Canelo Alvarez បាន​បញ្ឈប់ Billy Joe Saunders នៅ​​យប់​ថ្ងៃសៅរ៍ ត្រូវ​នឹង​ព្រឹក​ថ្ងៃ​អាទិត្យ ម្សិលមិញ​នេះ​មាន​អ្នក​ចូល​ទស្សនា​ផ្ទាល់​រហូត​ដល់​ ៧៣ ១២៦​នាក់​ នៅ​សង្វៀន AT&T Stadium ក្នុង​រដ្ឋ​តិចសាស សហរដ្ឋអាមេរិក។

និយាយ​ពី​ការ​ប្រកួត​កាល​ពី​ម្សិល​មិញ​វិញ ជើង​ខ្លាំង​ម៉ិកស៊ិក​ Canelo Alvarez នៅ​ចំពោះ​មុខ​អ្នក​គាំទ្រ​ជាង​៧​ម៉ឺន​នាក់​បាន​យក​ឈ្នះ​កីឡាករ​អង់គ្លេស Billy Joe Saunders នៅ​ត្រឹម​ទឹក​ទី​៨ បន្ទាប់​ពី​របួស​ធ្ងន់​​ដោយ​លោក​អាជ្ញា​កណ្តាល​បញ្ឈប់​ការ​ប្រកួត​។

សម្រាប់​ជ័យជម្នះ​នេះ Canelo Alvarez ការពារ​​ខ្សែ​ក្រវាត់​ពិភព​លោក WBA (Super) របស់​ខ្លួន​បាន​ជោគជ័យ និង​បាន​ឈ្នះ​ខ្សែ​ក្រវាត់​ពិភពលោក WBO បន្ថែមមួយ​គ្រឿង​ទៀត​​ពី​កីឡាករ Billy Joe Saunders៕

ប្រែ​សម្រួល៖ វីរបុត្រ
ប្រភព៖ CNN