ត្រឹមមួយយប់ រកឃើញដល់ទៅ៤ក្រុម ឡើងវគ្គ១៦ក្រុមចុងក្រោយ យូរ៉ូ

បន្ទាប់ពីបញ្ចប់ការប្រកួតចំនួន៤គូក្នុងពូល A និងពូល B កាលពីយប់មិញនេះ គេបានរកឃើញ៤ក្រុមទៀត ឡើងទៅកាន់វគ្គ១៦ក្រុមចុងក្រោយ នៃពានរង្វាន់ទ្វីបអឺរ៉ុបឆ្នាំ២០២០។

សម្រាប់ពូល A ២ក្រុមដែលបានឡើងទៅកាន់វគ្គបន្ទាប់គឺ ប៊ែលហ្សិកនិងដាណឺម៉ាក ចំណែកក្រុមធ្លាក់គឺរុស្ស៊ី រីឯក្រុមចាំអ៊ុតមើលលេខ៣ល្អគឺ ហ្វាំងឡង់។

ប៊ែលហ្សិកបានយកឈ្នះ ហ្វាំងឡង់ ដោយលទ្ធផល ២-០ ស្របពេល រុស្ស៊ី ចាញ់ដាណឺម៉ាក ៤-១។ ប៊ែលហ្សិក ឈរលេខ១មាន៩ពិន្ទុពេញ ខណៈក្រុមលេខ២ដល់លេខ៤ មាន៣ពិន្ទុដូចគ្នាទាំងអស់ខុសតែគ្រាប់បាល់ប៉ុណ្ណោះ។

សម្រាប់ពូល C ឯណោះវិញ ក្រុមដែលបានឡើងទៅកាន់វគ្គបន្ទាប់គឺ ហូឡង់ និងអូទ្រីស ចំណែកក្រុមធ្លាក់គឺម៉ាសេដូនីខាងជើង រីឯក្រុមចាំអ៊ុតមើលលេខ៣ល្អគឺ អ៊ុយក្រែន។

ហូឡង់បានបំបាក់ ម៉ាសេដូនីខាងជើង ដោយលទ្ធផល ៣-០ ខណៈអូទ្រីសឈ្នះ អ៊ុយក្រែន ១-០៕

ដោយ៖ Vann Vann

ចុចអាន៖ កីឡាករជម្រើសជាតិអង់គ្លេសទាំងអស់ នឹងប្តូរសក់ទៅពណ៌ទង់ដែង បើធ្វើរឿងនេះបាននៅយូរ៉ូ