កីឡា
៤ចំណុចឆ្ពោះទៅជ័យជម្នះរៀងៗខ្លួនរវាង Sitthichai និង Tawanchai នៅសង្វៀន ONE: BATTLEGROUND III នាថ្ងៃសុក្រនេះ
អ្នកលេងមួយថៃលេចធ្លោពីររូបគឺ Tawanchai PK.Saenchai Muaythaigym និង Sitthichai “Killer Kid” Sitsongpeenong ឡើងប៉ះគ្នាក្នុងនាមគូឯក ONE: BATTLEGROUND III ក្នុងការប្រកួតមួយថៃទម្ងន់ featherweight នៅថ្ងៃសុក្រទី ២៧ សីហា ពីកីឡដ្ឋាន Indoor Singapore Stadium។
បើសិន Tawanchai ឈ្នះការប្រកួតនេះ គេអាចនឹងឡើងទៅដណ្ដើមខ្សែក្រវាត់មួយថៃពិភពលោក ONE Bantamweight ពី Nong-O Gaiyanghadao បាន។ ប៉ុន្តែ បើសិន Sitthichai ឈ្នះវិញ គេក៏អាចដណ្ដើមបានឱកាសឡើងទៅដណ្ដើមខ្សែក្រវាត់ គេក៏អាចឡើងទៅដណ្ដើមខ្សែក្រវាត់មួយថៃ ONE Featherweight ពី Petchmorakot Petchyindee Academy ផងដែរ។
Tawanchai មិនដែលប្រកួតក្នុងទម្ងន់ featherweight នោះឡើយ។ ចំណែក Sitthichai មិនដែលប្រកួតមួយថៃជិត ៦ ឆ្នាំមកហើយ។ សូមតាមដានចំណុចទាំង ៤ ខាងក្រោមដែលឆ្ពោះទៅរកជ័យជម្នះរៀងៗខ្លួន។
#1 Tawanchai មានជំនាញធាក់ទប់
នៅពេលគូប្រកួតដើរចូល Tawanchai មានជំនាញធាក់ទប់ការពារខ្លួនដ៏មានប្រសិទ្ធភាព។ កីឡាករថៃរូបនេះអាចលើកជើងរហ័សទាត់ចំកណ្ដាលពោះតែម្ដង និងអាចធាក់ឲ្យគូប្រកួតធ្លាក់ទៅក្បែររេញគ្រប់ពេលវេលា ដើម្បីឈានទៅវ៉ៃផ្ដាច់ ហើយយ៉ាងហោចណាស់ក៏ធ្វើឲ្យគូប្រកួតបាត់បង់លំនឹងផងដែរ។
ពេលគូបដិបក្ខចូលវាយលុក សិស្សគុនក្លិប PK.Saenchai Muaythaigym ប្រើស្នៀតនេះជារឿយៗ។ គេរំពឹងថា Tawanchai នឹងប្រើក្បាច់ទាំងនេះលើ Sitthichai ដែលព្យាយាមវ៉ៃចេញកណ្ដាប់ញាប់ៗស្មេរនោះ។
#2 Sitthichai មានកណ្ដាប់ដៃខ្លាំងល្អ
តារាមួយថៃភាគច្រើនអភិវឌ្ឍជំនាញទាត់, ជង្គង់, កែង, និងការចាប់អុក។ ប៉ុន្តែ Sitthichai បានចំណាយពេល ៧ ឆ្នាំក្នុងការប្រកួតឃីកបុកសីង គេផ្ដោតលើកណ្ដាប់ដៃច្រើនជាងអ្នកផ្សេងទៀតក្នុងមួយថៃ។
កីឡាករជំនាញឆ្វេងរូបនេះ ក៏ខ្លាំងខាងក្បាច់ខាវស្ដាំផងដែរ ហើយ គេប្រើកណ្ដាប់ដៃខាវញាប់ៗមួយពីរល្អណាស់។ មិនធម្មតាទេ Sitthichai ធ្លាប់បញ្ចប់ Superbon ត្រឹមទឹកទី ២ កាល ឆ្នាំ ២០១៦ ម្ដងរួចហើយ។
#3 Tawanchai មានជំនាញដ៏គ្រោះថ្នាក់ក្នុងការប្រកួតចេញពីឆ្វេង
Tawanchai មានជំនាញទាត់ផ្ទប់ជាក្បាច់មួយក្នុងចំណោមក្បាច់ទាំងឡាយ។ ហើយ ការទាត់ឆ្វេងខ្ពស់, កណ្ដាប់ដៃឆ្វេង, និង កែងឆ្វេង គឺពិតជាគ្រោះថ្នាក់ណាស់។ ក្នុងការបង្ហាញខ្លួនដំបូងរបស់ Tawanchai នៅ ONE Championship ទល់នឹង Sean “Clubber” Clancy នាសង្វៀន ONE: DANGAL បានឃើញអំពីការប្រយុទ្ធលើកីឡាករអៀឡង់ពីឆ្វេងបានយ៉ាងល្អ។ គេវ៉ៃស្រោចលើ “Clubber” ជាមួយកណ្ដាប់ដៃ និង ការទាត់ខ្ពស់ដើម្បីយកឈ្នះនៅទឹកទី៣។
#4 Sitthichai ពូកែជង្គង់ឆ្វេង
“Killer Kid” បានប្រកួតក្នុងក្បាច់គុនឃីកបុកសីងរយៈពេល ៧ ឆ្នាំ មកហើយ ប៉ុន្តែ ក៏មិនភ្លេចអំពីមួយថៃដែរ និងអាចចូលវ៉ៃជង្គង់ឆ្វេងបានយ៉ាងល្អ។ សិស្សមកពីក្លិប Sitsongpeenong ឈរប្រើជង្គង់ឆ្វេងដ៏មានប្រសិទ្ធភាព។ គេបានបញ្ចប់បានបញ្ចប់អ្នកលេងឃីកបុកសីងពិភពលោក Davit Kiria យ៉ាងល្អ។
Tawanchai មិនភ័យចំពោះ Sitthichai ឬ ការចូលចាប់អុកនោះឡើយ។ “Killer Kid” មានស្នៀតវ៉ៃជង្គង់កម្រិតខ្ពស់ ដែលធ្វើឲ្យទទួលជ័យជម្នះជារឿយៗ។ Sitthichai នឹងចេញស្នៀតនេះដាក់ Tawanchai នៅពេលចូលទៅកៀក។
តើជើងខ្លាំងមួយថៃទាំងពីរមួយណាទទួលជ័យជម្នះ?៕
-
ព័ត៌មានជាតិ១ សប្តាហ៍ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
KPT+១ សប្តាហ៍ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានអន្ដរជាតិ៧ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ជីវិតកម្សាន្ដ៤ ថ្ងៃ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ៧ ថ្ងៃ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានជាតិ៤ ថ្ងៃ ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
-
ព័ត៌មានអន្ដរជាតិ១៣ ម៉ោង ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ជីវិតកម្សាន្ដ៧ ថ្ងៃ ago
តារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី