Connect with us

កីឡា

ចិន​​បើក​​កីឡា​អូឡាំពិក​​ដើម​​ខែ​​​ក្រោយ​​​ លោក​ ស៊ី អត់​ខ្វល់​ចំនួន​​​មេដាយ​​មាស​ តែ​​ខ្វល់​​រឿង​​នេះ​​ជាង

បានផុស

នៅ

លោក​ប្រធានាធិបតី​ចិន​ ស៊ី ជីនពីង មិន​ខ្វល់​ពី​ចំនួន​មេ​ដាយ​មាស​ដែល​អត្តពលិក​ចិន​​ទទួល​បាន​នោះ​ទេ​សម្រាប់​ព្រឹត្តិការណ៍​កីឡា​អូឡាំពិក​រដូវ​រងា​នៅ​ទី​ក្រុង​ប៉េកាំង​ដែល​នឹង​ចាប់​បើក​ប្រកួត​ជា​ផ្លូវការ​ដើម​ខែ​កុម្ភៈ​ខាង​មុខ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ី បាន​ប្រធាន​គណៈកម្មាធិការ​អូឡាំពិក​អន្តរជាតិ (IOC) លោក Thomas Bach ​ថា ៖«លើក​នេះ ខ្ញុំ​មិន​ខ្វល់​ពី​ចំនួន​មេ​ដាយ​មាស​​ដែល​​កីឡាករ កីឡាការិនី​ចិន​ឈ្នះ​នោះ​ទេ។ ខ្ញុំ​ខ្វល់​ខ្វាយ​ខ្លាំង​អំពីការ​ជំរុញ​ទឹក​ចិត្ត និង​ភាព​រឹង​មាំ​ដែល​នឹង​ផ្តល់​ឲ្យ​ពួក​យើង​នា​ពេល​អនាគត»។

លោក Thomas Bach និង​លោក ស៊ី

លោក​ប្រធានាធិបតី​ចិន​មាន​ប្រសាសន៍​ក្នុង​វីដេអូឃ្លីប​មួយ​ចេញ​ផ្សាយ​កាល​ពី​ថ្ងៃ​ពុធ​ដោយ​ទូរទស្សន៍​ CCTV ​ថា លោក​ចាប់​អារម្មណ៍​ខ្លាំង​លើ​ការ​បង្កើន​​​ចំនួន​អ្នក​ចូល​រួម​​ព្រឹត្តិការណ៍​ ដែល​​​សំដៅ​ទៅ​លើការសន្យា​​​សារធារណ​សម្រាប់​កីឡាអូឡាំពិក​ប៉េកាំង​ឆ្នាំ​២០២២​​ដែល​​​មាន​ពលរដ្ឋ​ចិន​៣០០​លាន​នាក់​ចូល​រួម​ព្រឹត្តិការណ៍​រដូវ​រងា​នេះ។

ប្រទេស​ចិន​បាន​និយាយ​កាល​ពី​ដើម​ខែ​នេះ​ថា គោល​ដៅ​នេះ​​បានសម្រេច​​ហើយ ប៉ុន្តែ​​​មិន​បាន​ផ្តល់​ព័ត៌មាន​លំអិត​អំពី​អ្នក​ចូល​រួម​ទេ។

លោក ស៊ី ​ប្រាប់​លោក Bach ថា ៖«ភាព​ល្បី​ល្បាញ​របស់​កីឡា​ជិះ​ស្គី​ទឹក​កក និង​ព្រិល​គឺ​ពិត​ជា​ធ្វើ​ឲ្យ​មានភាព​ល្អ​ប្រសើរ​ចំពោះ​ថាមពល​កីឡា​របស់​ជាតិ»។

ចិនបាន​ក្លាយ​ជាមហាអំណាច​កីឡា​មួយ​នៅ​ក្នុង​ព្រឹត្តិការណ៍​កីឡា​អូឡាំពិក​រដូវ​ក្តៅ​ដែល​តែង​តែ​​ទទួល​បាន​មេដាយ​ជិត​កំពូល​តារាង​រហូត និង​ទទួល​បាន​​កំពូល​តារាង​មេដាយ​លើក​ដំបូង​នៅ​ពេល​ទី​ក្រុង​ប៉េកាំង​ធ្វើ​ម្ចាស់​ផ្ទះ​កីឡាអូឡាំពិក​រដូវ​ក្តៅ​ឆ្នាំ​២០០៨​ដែល​ឈ្នះ​មេដាយ​មាស​ជាប់​កំណត់​ត្រា​ដល់​ទៅ​៤៨​គ្រឿង។

សូម​បញ្ជាក់​ថា ព្រឹត្តិការណ៍​កីឡា​អូឡាំពិក​រដូវ​រងា​នៅ​ប្រទេស​ចិន​នឹង​បើក​ដំណើរ​ការ​ជា​ផ្លូវ​ការ​នា​ថ្ងៃ​ទី​៤ ដល់​ថ្ងៃ​ទី​២០ ខែ​កុម្ភៈ​ ឆ្នាំ​២០២២៕

ប្រែ​សម្រួល៖ វីរបុត្រ
ប្រភព៖ reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម