អ្នកតាមដានក្លែងក្លាយរបស់ Ronaldo អាចរកចំណូលឱ្យលោកជាងកន្លះលានដុល្លារ

ប្រិយមិត្តធ្លាប់ដឹងរួចមកហើយថា កីឡាករបាល់ទាត់ Cristiano Ronaldo បានក្លាយជាមនុស្សដំបូងគេក្នុងពិភពលោក ដែលមានអ្នក Follow ដល់ទៅ ៤០០លាននាក់ នៅលើ Instagram។

ដោយសារលោកជាកីឡាករលំដាប់កំពូល និងដោយមានអ្នកតាមដានលើសលុបលើបណ្ដាញសង្គមដ៏ធំ តារាវ័យបាល់ទាត់វ័យ ៣៧ឆ្នាំរូបនេះ ស៊ីថ្លៃខ្ពស់រាល់ការបង្ហោះផ្សាយផលិតផល ឬប្រេនល្បីនានា ខណៈប្រភពពីប្រព័ន្ធផ្សព្វផ្សាយកីឡា Givemesport បានឱ្យដឹងថា មួយ Post លោករកចំណូលបានពី ៦០ម៉ឺន ទៅ១លានដុល្លារអាមរិក។

យ៉ាងណាមិញ ថ្មីៗនេះ ប្រភពពី ​The Sun អះអាងថា Ronaldo មានអ្នកតាមដានដល់ ៤០០លាននាក់ពិតមែន ប៉ុន្តែគណនីក្លែងក្លាយរបស់ Follower មានរហូតដល់ ៩២លាននាក់ ឬស្មើនឹង ២៣% នៃចំនួនអ្នកតាមដានសរុប។

ទោះជាយ៉ាងណាក្ដី Follower ក្លែងក្លាយដែល Ronaldo កំពុងមាន អាចជួយទាញចំណូលឱ្យតារាប្រុសរូបនេះយ៉ាងហោច ៥៤ម៉ឺនដុល្លារអាមេរិកឯណោះ ​រាល់ការបង្ហោះម្ដងៗ៕

ប្រែសម្រួល៖ សន្យា

ចុចអាន៖ អ្នកតាមដានក្លែងក្លាយរបស់ Ronaldo អាចរកចំណូលឱ្យលោកជាងកន្លះលានដុល្លារ