កីឡា

ទីលានបាល់ទាត់ខេត្តកំពង់ស្ពឺនឹងសាងសង់រួចរាល់នាពាក់កណ្ដាលឆ្នាំនេះ ដូចការគ្រោងទុក

បានផុស

៣ years មុន

នៅ

ថ្ងៃអង្គារ ១៥ មីនា ២០២២

ដោយ

ដំណើរការសាងសង់កីឡដ្ឋានខេត្តកំពង់ស្ពឺស្ថិតនៅក្រុងច្បារមន សម្រេចបានប្រមាណ ៨០ ភាគរយ ចាប់តាំងពីចាប់ផ្ដើមបុកគ្រឹះសាងសង់កាលពីថ្ងៃទី ២១ ខែកុម្ភៈ ដើមឆ្នាំ ២០២១ ហើយគ្រោងបញ្ចប់នៅខែមិថុនា ពាក់កណ្ដាលឆ្នាំនេះ ២០២២នេះ ដូចការគ្រោងទុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ី សំណាង អភិបាលខេត្តកំពង់ស្ពឺ បានឱ្យដឹងថា គម្រោងកីឡដ្ឋាននៅកំពង់ស្ពឺកំពុងដំណើរការសាងសង់ដែលសម្រេចបានប្រមាណ ៨០ ភាគរយ ក្នុងនោះកន្លែងទាត់បាល់បានរួចរាល់ហើយ ខណៈគម្រោងទាំងស្រុងនឹងបញ្ចប់នៅខែមិថុនា ពាក់កណ្ដាលឆ្នាំនេះ ហើយគ្រោងសម្ពោធជាផ្លូវការនាចុងឆ្នាំនេះ។

កីឡដ្ឋានថ្មីសន្លាង គឺជាគំនិតផ្ដួចផ្ដើមរបស់លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងតំណាងរាស្ដ្រប្រចាំមណ្ឌលខេត្តកំពង់ស្ពឺ ដើម្បីរួមចំណែកអភិវឌ្ឍវិស័យកីឡាបាល់ទាត់កម្ពុជាឲ្យរីកចម្រើន និងចូលរួមដំណើរឆ្ពោះទៅស៊ីហ្គេម ឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ។

គម្រោងសាងសង់កីឡដ្ឋានស្ដង់ដារអន្ដរជាតិនេះ បានទទួលការឧបត្ថម្ភថវិកា ២លានដុល្លារពីគម្រោងណាហ្គាវើលដ៏បេះដូងសប្បុរស៕