កីឡា

កីឡាករឃីកបុកស៊ីងកម្ពុជា ឡើងទៅប្រជែងមេដាយមាស ៣នាក់ ក្នុងស៊ីហ្គេម២០២២ នៅវៀតណាម

បានផុស

២ years មុន

នៅ

ថ្ងៃអង្គារ ១០ ឧសភា ២០២២

ដោយ

កីឡាករឃីកបុកស៊ីងកម្ពុជា ៣រូប បានឱកាសឡើងទៅប្រកួតវគ្គផ្ដាច់ព្រ័ត្រ ដណ្ដើមមេដាយមាស ក្នុងព្រឹត្តិការណ៍កីឡាស៊ីហ្គេម លើកទី៣១ ឆ្នាំ២០២២ នៅប្រទេសវៀតណាម គិតត្រឹមថ្ងៃទី១០ ខែឧសភា ឆ្នាំ២០២២ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើកឆាកមុនគេកីឡាករ ទូច រ៉ាឆាន់ ហៅ (បឹត សង្ឃឹម) បានឡើងវគ្គផ្តាច់ព្រ័ត្រដណ្តើមមេដាយមាស បន្ទាប់ពីឈ្នះកីឡាករម៉ាឡេស៊ី Seaw Wei Sheng ក្នុងវគ្គពាក់កណ្តាលផ្តាច់ព្រ័ត្រ ដោយពិន្ទុ ក្នុងប្រភេទទម្ងន់ ៥៧គីឡូក្រាម។ ទី២ គឺកីឡាករ លន់ បញ្ញា បានឡើងទៅកាន់វគ្គផ្តាច់ព្រ័ត្រប្រជែងមេដាយមាសដូចគ្នា បន្ទាប់ពីទទួលបានជ័យជម្នះដោយពិន្ទុលើកីឡាករថៃ Rodnok Ophat ក្នុងវគ្គពាក់កណ្តាលផ្តាច់ព្រ័ត្រ សម្រាប់វិញ្ញាសាទម្ងន់ ៦៧គីឡូក្រាម។

មិនទាន់អស់នៅឡើយ កីឡាករ កាន់ ម៉េងហុង បានយកឈ្នះកីឡាករម៉ាឡេស៊ី Awang Marajaya Awangku Abdul Rahman ដោយពិន្ទុនៅវគ្គពាក់កណ្តាលផ្តាច់ព្រ័ត្រ ក្នុងវិញ្ញាសាទម្ងន់ ៥៤គីឡូក្រាម ការប្រកួតនេះអាជ្ញាកណ្ដាលបានរាប់កីឡាករម៉ាឡេស៊ី ម្ដងផងដែរនៅទឹក២។ យ៉ាងណាមិញ គូចុងក្រោយគឺកីឡាករ សាន រ៉ាគីម បានរងបរាជ័យក្រោមថ្វីដៃកីឡាករថៃ Santidongsakun Chaleamlap ដោយពិន្ទុ ក្នុងប្រភេទទម្ងន់ ៦៣គីឡូក្រាម។

សរុបមកថ្ងៃទី១០ ខែឧសភា ឆ្នាំ២០២២ នេះ កីឡាករកម្ពុជា ៣រូបរួមមាន ទូច រ៉ាឆាន់, កាន់ ម៉េងហុង, លន់ បញ្ញា បានឡើងវគ្គផ្តាច់ព្រ័ត្រដណ្ដើមមេដាយមាស នៅថ្ងៃទី១៣ ខែឧសភា ដោយមានមេដាយប្រាក់ ៣គ្រឿង ក្នុងដៃផងដែរ៕

អត្ថបទ ៖ មន្នីរ័ត្ន