U-16 កម្ពុជា កំពុងសំងំធ្វើតេស្តកីឡាករ ២៧នាក់ ដើម្បីត្រៀមចេញទៅប្រកួតពាន​យុវជននៅឥណ្ឌូនេស៊ី

សហព័ន្ធកីឡាបាល់ទាត់កម្ពុជា នៅថ្ងៃទី១៦ និងទី១៧ ខែកក្កដា បាននិងកំពុងធ្វើតេស្តយុវជនអាយុក្រោម១៦ឆ្នាំ ដំណាក់កាលចុងក្រោយ មុនជ្រើសរើសចូលក្រុមជម្រើសជាតិកម្ពុជា អាយុក្រោម ១៦ឆ្នាំ ត្រៀមប្រកួតពាន​យុវជនអាស៊ីអាគ្នេយ៍អាយុក្រោម ១៦ឆ្នាំ នៅចុងខែកក្កដា ខាងមុខ។

យោងតាមបញ្ជីឈ្មោះកីឡាករដែលទទួលបានពីក្លិប យុវជនចំនួន ២៧នាក់នោះមានមកពីក្រុមតែ២ប៉ុណ្ណោះ នោះគឺ U-16 សាលាបាល់ទាត់ជាតិបាទី ២៥នាក់ និង U-15 វិសាខា ២នាក់។ បញ្ជីឈ្មោះរួមមាន៖ សាលាបាល់ទាត់ជាតិបាទី ២៥នាក់: អ៊ុក ដេវីន, ទាំ មការា, សុន ថាវិស៊ីវ, សារ យ៉ូសុះ, សួន មករា, អ៊ិត សូនី, ធី វសនា, សឿន ផានិត, ទុំ សុផាត, សុខ ស៊ីណេ, ញ៉ង ពន្លក, ប៊ុន វិសាលី, ប៊ន ម៉ៅ, ខឿង គៀងវិរៈបុត្រ, សុង រ៉ានុត, ស៊ូ មេងហុង, ទ្រី ស៊ីណារិន្ទ, នឿម សូនិក, វ៉ារ ដេវីត, រុន ចុងមីង, សំអាត សុម៉ាលី, បេង សុវន, រូ ស៊ីធន់, សេង ឆាយរ៉ាយុទ្ធ, ទូច រ៉ាវី ខណៈកីឡាករ ២នាក់របស់វិសាខា គឺកីឡាករ សឹង សំបូររិទ្ធី និងសេង សុវណ្ណារ៉ា។

យុវជនទាំង ២៧នាក់ នឹងត្រូវហ្វឹកហាត់ចំនួន២ថ្ងៃ មុនការជម្រុះចេញមកនៅត្រឹម ២៣នាក់ចុងក្រោយ ដើម្បីចេញទៅ​ប្រកួតនៅឥណ្ឌូនេស៊ី ពានយុវជនអាស៊ីអាគ្នេយ៍អាយុក្រោម ១៦ឆ្នាំ (AFF U-16 Championship) ដែលគ្រោង​ធ្វើពីថ្ងៃទី៣១ ខែកក្កដា ដល់ថ្ងៃទី១២ នៅខែសីហា ឆ្នាំ២០២២ ដោយក្រុមជម្រើសជាតិកម្ពុជា អាយុក្រោម ១៦ឆ្នាំ ស្ថិតនៅពូល C ជាមួយ ម៉ាឡេស៊ី, អូស្ត្រាលី និងមីយ៉ាន់ម៉ា៕ អត្ថបទ៖ មន្នីរ័ត្ន