កីឡា

មហាសេដ្ឋី Elon Musk ថាការចង់ទិញ Manchester United គ្រាន់ជាការលេងសើចប៉ុណ្ណោះ

បានផុស

៤ years មុន

នៅ

ថ្ងៃពុធ ១៧ សីហា ២០២២

ដោយ

Elon Musk បាននិយាយថា សម្ដីរបស់ខ្លួននៅលើ Twitter អំពីការទិញក្លិប Manchester United គឺជា “រឿងលេងសើច” បន្ទាប់ពីក្លិបបាល់ទាត់អង់គ្លេសមួយនេះ បានក្លាយជាប្រធានបទលើជំនួញទីផ្សារសម្រាប់មហាសេដ្ឋី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីល្ងាចថ្ងៃអង្គារ បន្ទាប់ពីការបង្ហោះអំពីនយោបាយអាមេរិក លោក Musk ហាក់ដូចជានិយាយលេងសើចអំពីបញ្ហារបស់លោក ដែលបានសរសេរថា “ខ្ញុំទិញ Manchester United” ។ ប្រហែលបួនម៉ោងក្រោយមក លោកបានបន្ថែមថា៖ «នេះជារឿងកំប្លែងដែលមានយូរមកហើយនៅលើ Twitter។ ខ្ញុំមិនទិញក្រុមកីឡាទេ»។

អ្នកតាមដាន ចំនួន ១០៣ លាននាក់ របស់មហាសេដ្ឋីមួយចំនួននៅលើ Twitter បាននិងកំពុងចង់ឱ្យលោកទិញក្លិបដែលកំពុងយ៉ាប់យឺននៅបាតតារាងនៃក្របខ័ណ្ឌ Premier League របស់អង់គ្លេស បន្ទាប់ពីចាប់ផ្តើមរដូវកាលដ៏អាក្រក់បំផុតក្នុងរយៈពេលមួយសតវត្ស។

ការខកចិត្តជាច្រើនចំពោះទម្រង់លេងរបស់ក្លិបក្នុងរយៈពេលប៉ុន្មានឆ្នាំចុងក្រោយនេះ ជាពិសេសចាប់តាំងពីការចាកចេញរបស់អ្នកចាត់ការជាទីស្រឡាញ់ លោក Sir Alex Ferguson ត្រូវបានដឹកនាំដោយគ្រួសារ Glazer ដែលបានគ្រប់គ្រងក្លិបចាប់តាំងពីការទិញក្លិបក្នុងតម្លៃ ៧៩០ លានផោន ក្នុងឆ្នាំ ២០០៥។

គួររំលឹកថា សារព័ត៌មាន The Mirror បានលាតត្រដាងកាលពីឆ្នាំមុនថា Glazers នឹងលក់ក្លិបបិសាចក្រហម ប៉ុន្ដែគឺមិនក្រោមតម្លៃ ៤ ពាន់លានដុល្លារឡើយ។ នេះត្រូវបានគេនិយាយថាជាតម្លៃអប្បបរមារបស់ពួកគេ។ ប៉ុន្មានថ្ងៃមុនក៏មានសេចដ្ដីរាយការណ៍ថា គ្រួសារម្ចាស់ក្លិប Glazers កំពុងត្រូវបានអ្នកគាំទ្រទទាមឱ្យក្លិបផងដែរ ដោយសារការមិនអើពើ និងមិនចំណាយលើការនាំចូលកីឡាករជាដើម ដែលធ្វើឱ្យក្លិបកាន់តែដុនដាប់ទៅ៕

អត្ថបទ៖ មន្នីរ័ត្ន