កីឡា
ម៉ុន វ៉ាន់ដា ចង់ឈ្នះពានសម្តេចតេជោ ហ៊ុន សែន ជាលើកទី ២ ជាមួយព្រះខ័នរាជស្វាយរៀង
ខ្សែបម្រើស្លាប ម៉ុន វ៉ាន់ដា ចង់ឈ្នះពានរង្វាន់សម្តេចអគ្គមហាសេនាបតីតេជោ ហ៊ុន សែន ជាលើកទី ២ ក្នុងអាជីពរបស់ខ្លួនជាមួយក្លិបព្រះខ័នរាជស្វាយរៀង នៅរដូវកាល ២០២២ នេះ។
និយាយដូច្នេះ គឺក្នុងពេលដែលក្រុមរបស់ខ្លួន ក្លិបបាល់ទាត់ព្រះខ័នរាជស្វាយរៀង កំពុងត្រៀមខ្លួនប្រកួតជាមួយ ក្លិបបាល់ទាត់អគ្គិសនីកម្ពុជា វគ្គ៨ក្រុមចុងក្រោយ ថ្នាក់ជាតិ ជើងទី ១ ពានរង្វាន់ដដែលខាងលើ។
ម៉ុន វ៉ាន់ដា បានប្រាប់ ‘កម្ពុជាថ្មី’ ឱ្យដឹងថា សម្រាប់ការត្រៀមខ្លួន គឺត្រៀមរួចរាល់បានល្អសម្រាប់ទាំងរូបគេ និងមិត្តរួមក្រុម ក្នុងជួបប្រកួតជាមួយក្រុមដែលកំពុងឡើងជើងនៅលីគទី ២ កម្ពុជា។ កីឡាករវ័យ ២៥ ឆ្នាំរូបនេះ បាននិយាយពីគូប្រកួត ដែលគេនិយមហៅ EDC ថា៖ «EDC ជាក្រុមខ្លាំងមួយដែលមិនអាចមើលរំលងបាន ព្រោះក្រុមនេះប្រើកីឡាករខ្មែរសុទ្ធ ហើយក៏ជាក្រុមដែលកំពុងធ្វើព្យុះភ្លៀងនៅលីគ ២ ផងដែរ។»
អតីតយុវជនរបស់ក្លិបបឹងកេត រូបនេះធ្លាប់បានឈ្នះពានរង្វាន់សម្តេចអគ្គមហាសេនាបតីតេជោ ហ៊ុន សែន ជាលើកដំបូងកាលពីឆ្នាំ ២០១៩ រូបគេក៏ជាអ្នករួមចំណែករកគ្រាប់បាល់បាន ១ គ្រាប់ផងដែរ។ ខណៈកាលពីឆ្នាំទៅក្រោយចូលរួមជាមួយ ព្រះខ័នរាជស្វាយរៀង បានទាត់គ្រាប់ជ័យជម្នះឱ្យបានឡើងដល់វគ្គផ្ដាច់ព្រ័ត្រ ទម្លាក់ភ្នំពេញក្រោន ក្នុងវគ្គពាក់កណ្ដាលផ្ដាច់ព្រ័ត្រ ប៉ុន្តែខកខានមិនអាចលេងនៅវគ្គផ្ដាច់ព្រ័ត្រ ដោយសារជាប់បម្រាមកាតលឿង។
វ៉ាន់ដា បានសង្កត់ធ្ងន់ដូច្នេះថា៖ «ពិតជាចង់ឈ្នះវាខ្លាំងណាស់ ព្រោះសោកស្ដាយសម្រាប់ឆ្នាំមុន ដែលមិនអាចចូលលេងបាននៅវគ្គផ្ដាច់ព្រ័ត្របាន។ សម្រាប់ការតាំងចិត្ត គឺជាការហ្វឹកហាត់រាល់ថ្ងៃដែលអាចឈានទៅដល់ពានមួយនេះ។»
បញ្ជាក់ថា ព្រះខ័នរាជស្វាយរៀង នឹងត្រូវជួប អគ្គិសនីកម្ពុជា ជើងទី ១ នៅថ្ងៃទី ២៤ ខែសីហានេះ នៅកីឡដ្ឋានអគ្គិសនីកម្ពុជា មុននឹងត្រលប់ជើងទី ២ ទៅទឹកដីកីឡដ្ឋានខេត្តស្វាយរៀង វិញនៅថ្ងៃទី ៣១ ខែសីហា៕
អត្ថបទ៖ មន្នីរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង