កីឡា

អត្តពលកម្មហែលទឹក ទទួលបានសិទ្ធិអនុគ្រោះពីរប្រភេទកីឡា ចូលរួមប្រកួតអូឡាំពិកហ្គេម នៅជប៉ុន

បានផុស

៥ years មុន

នៅ

ថ្ងៃសៅរ៍ ២៦ ធ្នូ ២០២០

ដោយ

កម្ពុជាទទួលបានសិទ្ធិអនុគ្រោះ(Wilrd Card)ចំនួនពីរប្រភេទកីឡា ដែលចាំបាច់ជាគោលការណ៍ គឺកីឡាអត្តពលកម្ម និងហែលទឹក ទៅចូលរួមប្រកួតនៅក្នុងព្រឹត្តិការណ៍ប្រកួតកីឡាអូឡាំពិក នៅទីក្រុងតូត្យូ ប្រទេសជប៉ុន នាខែកក្កដា ឆ្នាំ២០២១ខាងមុខ។

លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកម្ពុជា(NOCC) បានបញ្ជាក់ឲ្យដឹងថា កម្ពុជានឹងបញ្ជូនប្រតិភូនិងកីឡាករ កីឡាការិនីជម្រើសជាតិ ទៅចូលរួមប្រកួតអូឡាំពិកហ្គេមនេះ ប៉ុន្តែមានចំនួនតិចតួចទេប្រមាណ១០នាក់ប៉ុណ្ណោះ ដែលទទួលបាននូវសិទ្ធិអនុគ្រោះ។លោកបញ្ជាក់បន្ថែមថា បច្ចុប្បន្នកម្ពុជាទទួលបានសិទ្ធិអនុគ្រោះចំនួនពីរប្រភេទកីឡាដែលចាំបាច់ជាគោលការណ៍ប៉ុណ្ណោះ គឺកីឡាអត្តពលកម្ម និងហែលទឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអគ្គលេខាNOCC មានប្រសាសន៍ថា ការប្រកួតអូឡាំពិកហ្គេម នៅទីក្រុងតូក្យូលើកនេះ ខុសពីការប្រកួតមុនៗ ដោយសារវិបត្តិជំងឺកូវីដ-១៩ ទើបមិនអាចរៀបចំការប្រកួតជម្រុះបាន ហើយអូឡាំពិកអន្តរជាតិកំណត់យកចំណាត់ថ្នាក់បច្ចេកទេសខ្ពស់ៗកម្រិតពិភពលោក (World Ranking)តែម្តង។ ដោយឡែក សម្រាប់កីឡាករ កីឡាការិនីកម្ពុជា មិនទាន់ចូលដល់ចំណាត់ថ្នាក់ពិភពលោកបែបនេះទេ ដោយគ្រាន់តែទទួលបានត្រឹមសិទ្ធិអនុគ្រោះពីអូឡាំពិកអន្តរជាតិតែប៉ុណ្ណោះ។ លោកវ៉ាត់ ចំរើន បញ្ជាក់ជូនបន្ថែមថា បច្ចុប្បន្នកម្ពុជាទទួលបានសិទ្ធិអនុគ្រោះចំនួនពីរប្រភេទកីឡាដែលចាំបាច់ជាគោលការណ៍ប៉ុណ្ណោះ គឺកីឡាអត្តពលកម្ម និងហែលទឹក ហើយយើងកំពុងស្នើសុំសិទ្ធិអនុគ្រោះ(Wilrd Card)បន្ថែមលើប្រភេទកីឡាចំបាប់ តេក្វាន់ដូWT ទូកក្តោង គុនដាវ ជាដើម៕

អត្ថបទ៖ វិសិទ្ធ

សូមចុចអាន៖ CAMSOC កំណត់រួចស្រេចហើយនូវទីលានប្រកួតកីឡាលើទឹក សម្រាប់ស៊ីហ្គេមឆ្នាំ២០២៣

Related Topics:កីឡា