កីឡា

លោក Klopp ថា Liverpool មិនមានបំណងបំបាក់មុខ Bournemouth ក្នុងជ័យជម្នះ ៩-០ ឡើយ

បានផុស

៤ years មុន

នៅ

ថ្ងៃអាទិត្យ ២៨ សីហា ២០២២

ដោយ

គ្រូបង្វឹកក្រុមហង្សក្រហម Liverpool លោក Jurgen Klopp បាននិយាយថា ខ្លួនមិនចង់ធ្វើឱ្យ Bournemouth អាម៉ាសមុខឡើយ បន្ទាប់ពីក្រុមរបស់លោក បានតាមស្មើកំណត់ត្រាជ័យជម្នះ ក្នុងលទ្ធផល ៩-០ ក្នុងក្របខ័ណ្ឌ Premier League កាលពីយប់មិញ។

លោក Klopp បានប្រតិកម្មក្រុមរបស់លោក បន្ទាប់ពីត្រូវបានស្មើជាមួយក្រុម Fulham និង Crystal Palace ក៏ដូចជាការបរាជ័យក្រោមស្នាដៃក្រុម Manchester United កាលពីថ្ងៃចន្ទ។

ជាការឆ្លើយតប Liverpool រកបាន ៥ គ្រាប់ក្នុងតង់ទី ១ ដោយរាប់បញ្ចូលទាំងការរកបាន ២ គ្រាប់ ក្នុង ១០ នាទីដំបូងនៃការប្រកួត ហើយបាននាំមុខគេដោយស៊ុតបញ្ចូលទី ៤ គ្រាប់បន្ថែមទៀតក្នុងតង់ទី ២ ដោយមានកីឡាករ ៦ នាក់ទាត់ចូលទី។

Klopp បាននិយាយក្រោយការប្រកួតថា៖ «យើងរកបានគ្រាប់បាល់ដ៏អស្ចារ្យ។ ការប្រកួតត្រូវបានដោះស្រាយ ហើយយើងបានរក្សាការស៊ុតបាល់បញ្ចូលទី វាគឺសំដៅតែទៅលើការបន្តប្រឹងប្រែង។ មិនមែនដើម្បីធ្វើឱ្យ Bournemouth បាក់មុខទេ យើងមិនអាចគោរពពួកគេបន្ថែមទៀតបាន វាគឺអំពីការដាក់សម្ពាធលើគូប្រកួត។»

លទ្ធផលនេះបានធ្វើឱ្យ Liverpool ឈរនៅលេខរៀងទី ៨ ក្នុងតារាងចំណាត់ថ្នាក់ បន្ទាប់ពីពួកគេទទួលបានត្រឹមតែ ២ ពិន្ទុប៉ុណ្ណោះពីការប្រកួត ៣លើកដំបូងរបស់ពួកគេ។

ការស៊ុតចូល ៩ គ្រាប់នៅក្របខ័ណ្ឌ Premier League គឺតាមស្មើជាមួយកំណត់ត្រាដូចគ្នា ៣ផ្សេងទៀត រួមមានកាលពីរដូវកាល ១៩៩៤-៩៥ Man Utd ឈ្នះ Ipswich ៩-០, រដូវកាល ២០១៩-២០ Southampton ចាញ់ Leicester ០-៩, រដូវកាល ២០២០-២១ Man Utd ជាថ្មីឈ្នះ Southampton ៩-០ និងចុងក្រោយគេ Liverpool ផ្ទាល់ឈ្នះ Bournemouth ៩-០៕

អត្ថបទ៖ មន្នីរ័ត្ន