កីឡា
ជំនួបព្រះខ័នរាជស្វាយរៀង និង បឹងកេត មានអ្នកគាំទ្រច្រើនបំផុតប្រចាំសប្តាហ៍ទី១៧
អ្នកគាំទ្របានចូលទស្សនាផ្ទាល់ក្នុងការប្រកួតរវាងម្ចាស់ផ្ទះព្រះខ័នរាជស្វាយរៀង និង បឹងកេត ច្រើនជាងការប្រកួតផ្សេងៗសម្រាប់សប្តាហ៍ទី១៧នៃជម្រើសជើងឯកខេមបូឌានព្រីមៀរលីគ ឆ្នាំ២០២២។
សម្រាប់ការប្រកួតរវាងព្រះខ័នរាជស្វាយរៀងកាលពីថ្ងៃសៅរ៍ ទី២៧ខែសីហា នៅកីឡដ្ឋានស្វាយរៀង មានអ្នកគាំទ្រចំនួន២៧៩៣នាក់បានចូលទស្សនាផ្ទាល់។ មែនទែនទៅ នេះជាចំនួនអ្នកគាំទ្រដែលបានទិញសំបុត្រចូលទស្សនាផ្លូវការ ប៉ុន្តែនៅមានអ្នកគាំទ្រដែលមិនបានទិញសំបុត្រឈរមើលពេញជុំវិញទីលានប្រកួត។ ចំនួនទស្សនានេះមានអ្នកគាំទ្ររបស់ព្រះខ័នរាជស្វាយរៀងនៅខេត្តស្វាយរៀងផ្ទាល់ និងអ្នកគាំទ្ររបស់បឹងកេតដែលបានធ្វើដំណើរពីចម្ងាយ។
លទ្ធផលនៃការប្រកួតក្រុមទាំងពីរចែកគ្នាបាន១ពិន្ទុម្នាក់ប៉ុណ្ណោះ បន្ទាប់ពីស្មើគ្នា ២-២។ ២គ្រាប់របស់ម្ចាស់ផ្ទះរកបានដោយខ្សែការពារ សឿយ វិសាល នៅនាទីទី៥៤ និងខ្សែប្រយុទ្ធ Marcus Haber នៅនាទីទី៨៤ ខណៈ២គ្រាប់របស់ក្រុមភ្ញៀវរកបានដោយខ្សែប្រយុទ្ធ ម៉ាត់ នូរុណ នៅនាទីទី៤៨ និងកីឡាករ Sakari ILamari នៅនាទីទី៦៧។
ចំពោះអ្នកគាំទ្រ៣គូផ្សេងទៀតគឺ អង្គរថាយហ្គឺរជាមួយភ្នំពេញក្រោនមានអ្នកទស្សនា ១៨៥០នាក់។ ការប្រកួតរវាងកងយោធពលខេមរភូមិន្ទជាមួយណាហ្គាវើលដ៍មាន៤៥៧នាក់ និងវិសាខាប្រកួតជាមួយគិរីវង់សុខសែនជ័យមាន៣៨៧នាក់។
បន្ទាប់ពីចប់សប្តាហ៍ទី១៧ គម្លាតពិន្ទុរវាងក្រុមចំណាត់ថ្នាក់លេខ១ និងលេខ២កាន់តែកាត់បន្ថយ ខណៈពេលនេះ ព្រះខ័នរាជស្វាយរៀងឈរលើកំពូលតារាងមាន៣៩ពិន្ទុ តាមពីក្រោយដោយវិសាខា ដែលមាន៣៤ពិន្ទុ ហើយបឹងកេតមាន៣១ពិន្ទុ និងភ្នំពេញក្រោនមាន២៦ពិន្ទុ៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង