កីឡា
ព្រឹត្តិការណ៍បាល់ទាត់អន្តរជាតិរបស់កម្ពុជា សំខាន់ៗ ៣ ដែលអ្នកគាំទ្រទន្ទឹងរង់ចាំនៅខែកញ្ញានេះ
ត្រឹមយប់ថ្ងៃទី ៣១ ខែសីហា ពានរង្វាន់បាល់ទាត់ក្នុងស្រុករបស់កម្ពុជា នឹងត្រូវសម្រាកទាំងអស់ ដើម្បីទុកពេលឱ្យក្រុមជម្រើសជាតិមានសកម្មភាពប្រកួតលើឆាកអន្តរជាតិ។
ក្នុងខែកញ្ញា ឆ្នាំ ២០២២ នេះ មានព្រឹត្តិការណ៍បាល់ទាត់សំខាន់ៗ ៣ ដែលអ្នកគាំទ្រទន្ទឹងរង់ចាំ ក្នុងនោះមានការប្រកួតរបស់ ក្រុមជម្រើសជាតិ U-20 កម្ពុជា, U-23 កម្ពុជា និងជម្រើសជាតិឈុតធំ។
ជម្រើសជាតិ U-20 កម្ពុជា ក្នុងខែកញ្ញានេះនឹងត្រូវប្រកួតក្នុងពានរង្វាន់ដ៏សំខាន់ ពោលគឺការប្រកួតវគ្គជម្រុះ ពានយុវជនអាស៊ីអាយុក្រោម ២០ ឆ្នាំ (AFC U-20 Asian Cup Qualification Round) ដែលគ្រោងធ្វើពីថ្ងៃទី ១៤ ដល់ថ្ងៃទី ១៨ ខែកញ្ញា ឆ្នាំ ២០២២ នៅទឹកដីកណ្ដាលប្រទេសតាជីគីស្ថាន។
ពាននេះក្រុមជម្រើសជាតិកម្ពុជា អាយុក្រោម ២០ ឆ្នាំ ស្ថិតនៅពូល I ជាមួយ តាជីគីស្ថាន, សិង្ហបុរី និងលីបង់។ U-20 កម្ពុជា ត្រូវប្រកួតនៅថ្ងៃទី ១៤ ជួបលីបង់ ម៉ោង ៨ យប់, ថ្ងៃទី ១៦ ជួបសិង្ហបុរី ម៉ោង ១១ យប់ និងថ្ងៃទី ១៨ ម៉ោង ១១ យប់ដូចគ្នាជួបម្ចាស់ផ្ទះតាជីគីស្ថាន។
បន្ទាប់មក គឺការប្រកួតមិត្តភាពអន្តរជាតិរវាង U-23 កម្ពុជា ជាមួយ U-23 ជប៉ុន ដែលនឹងធ្វើឡើងនៅថ្ងៃទី ២០ ខែកញ្ញា ឆ្នាំ ២០២២ នៅពហុកីឡដ្ឋានជាតិមរតកតេជោ វេលាម៉ោង ៧ យប់។ នេះជាការប្រកួតដកស្រង់បច្ចេកទេស ដើម្បីត្រៀមការប្រកួតស៊ីហ្គេម លើកទី ៣២ ឆ្នាំ ២០២៣ នៅកម្ពុជា។
ចុងក្រោយគេ គឺជាការប្រកួតរបស់ក្រុមជម្រើសជាតិឈុតធំកម្ពុជា ជាមួយ ក្រុមជម្រើសជាតិឈុតធំបង់ក្លាដេស នៅថ្ងៃទី ២២ ខែកញ្ញាដដែល លើទឹកដីពហុកីឡដ្ឋានជាតិមរតកតេជោ វេលាម៉ោង ៧យប់ដូចគ្នាផងដែរ។ ការប្រកួតមិត្តភាពនេះក៏ជាការដកស្រង់ដើម្បីត្រៀមប្រកួតក្នុងពានរង្វាន់ជើងឯកប្រចាំតំបន់អាស៊ីអាគ្នេយ៍ (AFF Mitsubishi Electric Cup 2022) នៅចុងឆ្នាំ ២០២២។
គិតមកទល់ពេលនេះ បញ្ជីឈ្មោះបឋមរបស់ក្រុមជម្រើសជាតិកម្ពុជា ទាំង ៣ ឈុត បានចេញរួចរាល់អស់ហើយ ខណៈ U-20 កម្ពុជា ចេញបញ្ជី ២៣ នាក់ផ្លូវការ និងគ្រោងចាកចេញទៅប្រទេសនៅតំបន់អាស៊ីកណ្ដាល អំឡុងថ្ងៃទី ១០ ខែកញ្ញា៕
អត្ថបទ៖ មន្នីរ័ត្ន
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)