កីឡា
កីឡាករដែលសង្ស័យមានសញ្ជាតិពីរ អេក្វាឌ័រ-កូឡុំប៊ី នៅតែអាចបន្តលេង World Cup 2022
FIFA បានច្រានចោលការលើកឡើងរបស់ឈីលី ដែលថាកីឡាករជម្រើសជាតិអេក្វាឌ័រ Byron Castillo គឺជាជនជាតិកូឡុំប៊ី និងមិនមានសិទ្ធិលេងនៅ World Cup។
ឈីលី បានចាញ់ការតវ៉ារបស់ខ្លួនទៅកាន់ស្ថាប័នគ្រប់គ្រងបាល់ទាត់ពិភពលោក (FIFA) ដែលប្រឆាំងទល់នឹងកៅអីរបស់ជម្រើសជាតិអេក្វាឌ័រ ក្នុងការប្រកួតបាល់ទាត់ពិភពលោកនាពេលខាងមុខ នៅប្រទេសកាតា។
FIFA កាលពីថ្ងៃសុក្របានច្រានចោលការលើកឡើងរបស់ឈីលី ដែលថាកីឡាករអេក្វាឌ័រ Byron Castillo ជាកីឡាករមានសញ្ជាតិកូឡុំប៊ី ដោយស្ថាប័នបាល់ទាត់កំពូលនេះបាននិយាយថា “ផ្អែកលើឯកសារដែលបានបង្ហាញ កីឡាករនឹងត្រូវបានចាត់ទុកថាមានសញ្ជាតិអេក្វាឌ័រជាអចិន្ត្រៃយ៍ ស្របតាមលក្ខន្តិកៈផ្លូវច្បាប់របស់កីឡាបាល់ទាត់។”
ឈីលី តែងតែតវ៉ាជារឿយដោយសារតែបើសិនជាគេឈ្នះ នោះនឹងអាចទទួលបានកៅអីជំនួសក្រុមជម្រើសជាតិអេក្វាឌ័រ ដើម្បីប្រកួត FIFA World Cup។ ទោះយ៉ាងណាក៏ដោយ ការប្រឈមផ្នែកច្បាប់របស់ប្រទេសឈីលីអាចបន្តបាន។ សហព័ន្ធបាល់ទាត់ឈីលី ឥឡូវនេះអាចប្តឹងឧទ្ធរណ៍ប្រឆាំងនឹងសាលក្រមរបស់ FIFA ទៅកាន់តុលាការអាជ្ញាកណ្តាលសម្រាប់កីឡា (CAS) នៅទីក្រុង Lausanne ប្រទេសស្វីស។ CAS ដែលជាតុលាការកំពូលរបស់កីឡា អាចរៀបចំសវនាការជាបន្ទាន់ និងផ្តល់សេចក្តីសម្រេច ក្នុងខណៈនៅសល់រយៈពេល ៩ សប្តាហ៍ទៀត ការប្រកួតបាល់ទាត់ពិភពលោក នឹងចាប់ផ្តើម។ ឈីលីបានអះអាងថា មានភស្តុតាងបញ្ជាក់ថា Castillo ជាជនជាតិកូឡុំប៊ី ហើយមិនគួរបានលេងឱ្យអេក្វាឌ័រទេ។
ឈីលី បានរៀបចំសំណុំរឿងរបស់ខ្លួនបន្ទាប់ពីការចាប់ឆ្នោត World Cup ត្រូវបានធ្វើឡើងនៅថ្ងៃទី ០១ ខែមេសា ហើយបន្ទាប់ពីអ្នករៀបចំ FIFA និងកាតា បានលក់សំបុត្ររាប់ពាន់សន្លឹក និងបន្ទប់ស្នាក់នៅដល់អ្នកគាំទ្រអេក្វាឌ័រ។
បញ្ហានៃរឿងនេះ គឺនៅត្រង់ថា យោងតាមលក្ខន្តិកៈច្បាប់របស់ FIFA រួមមានផ្នែកមួយស្តីពីសិទ្ធិទទួលបានការលេងឱ្យក្រុមជម្រើសជាតិ នៅពេលដែលរដ្ឋាភិបាលរដ្ឋបានផ្តល់សញ្ជាតិដល់កីឡាករ។ “ជនណាដែលមានសញ្ជាតិអចិន្ត្រៃយ៍ ដែលមិនអាស្រ័យទៅលើលំនៅឋានក្នុងប្រទេសណាមួយ មានសិទ្ធិលេងឱ្យក្រុមតំណាងនៃប្រទេសនោះ”។
កីឡាករ Byron Castillo ដែលជាខ្សែការពារស្តាំ បានបង្ហាញខ្លួនចំនួន ៨ ដង ក្នុងវគ្គជម្រុះ World Cup គឺបានក្លាយជារឿងដ៏គួរឱ្យចាប់អារម្មណ៍មួយពាក់ព័ន្ធនឹងការចោទប្រកាន់អត្តសញ្ញាណក្លែងក្លាយ (មានសញ្ជាតិកូឡុំប៊ី) និងការបិទបាំងជាក់ស្តែងដោយសហព័ន្ធអេក្វាឌ័រ។
កាតា គ្រោងនឹងប្រកួតជាមួយនឹង អេក្វាឌ័រ ក្នុងការប្រកួតបើកឆាកនៃការប្រកួតបាល់ទាត់ពិភពលោក នៅថ្ងៃទី ២១ ខែវិច្ឆិកា៕
ប្រភព៖ aljazeera.com
អត្ថបទ៖ មន្នីរ័ត្ន
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៣ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៦ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៤ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៤ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៦ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៦ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៥ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ