Connect with us

កីឡា

ពេជ្រ សម្បត្តិ​ ផ្តួល​​ដៃ​​គូ​​ឲ្យ​​សន្លប់​ដោយ​​កែង​​២​​លើក​​ជាប់​​គ្នា

បានផុស

នៅ

អ្នក​ប្រដាល់​គុន​ខ្មែរ​កំពុង​ល្បី​ឈ្មោះ ពេជ្រ សម្បត្តិ ​បាន​ផ្តួល​ជើង​ខ្លាំង ធន់ ផានិត ​ឲ្យ​សន្លប់​នៅ​ដើម​ទឹក​ទី​១​ក្នុង​​​វគ្គ​ពាក់​កណ្តាល​ផ្តាច់​ព្រ័ត្រ​ខ្សែ​ក្រវាត់​ភេសជ្ជៈប៉ូវកម្លាំងខារ៉ាបាវ កាល​ពី​ថ្ងៃ​អាទិត្យ​ម្សិល​មិញនៅ​សង្វៀន​បាយ័ន​ស្ទឹង​មាន​ជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជ័យជម្នះ​​ក្នុង​​វគ្គ​ពាក់​កណ្តាល​ផ្តាច់​ព្រ័ត្រ​នេះ​​ផ្តល់​ឲ្យ ពេជ្រ សម្បត្តិ​ ឡើង​ទៅ​វគ្គ​ផ្តាច់​ព្រ័ត្រ​ជួប​ជើង​ខ្លាំង​ថៃ ផាត់ថាណា ដើម្បី​ដណ្តើម​ខ្សែ​ក្រវាត់​ដែល​មាន​ប្រាក់​រង្វាន់​រហូត​ដល់​៦​ពាន់​ដុល្លារ​អាមេរិក។ កាល​ពី​ម្សិល​មិញ គូ​ដែល​កក្រើក​ខ្លាំង​មិន​ចាញ់​គូ​ខ្មែរ​គឺជំនួបកីឡាករ​ថៃ​ទាំង​ពីរ​នៅ​វគ្គ​ពាក់​កណ្តាល​ផ្តាច់​ព្រ័ត្រ ដែល ផាត់ថាណា យក​ឈ្នះ​រៀម​ច្បង ទួនប៉េ ដោយ​ពិន្ទុ បន្ទាប់​ពី​តស៊ូ​គ្នា​៥​ទឹក​ដ៏​ស្វិត​ស្វាញ។

និយាយ​ពី ពេជ្រ សម្បត្តិ​ ជា​អ្នក​ប្រដាល់​វ័យ​ក្មេង​ដែល​ល្បី​ល្បាញ​តាម​រយៈ​កណ្តាប់​ដៃ​ពិឃាត​ដែល​លឿន​រហ័ស ច្បាស់ និង​មាន​ទម្ងន់។ ជា​រឿយ​ៗ​រូប​គេ​បានផ្តួល​ដៃ​គូ​ឲ្យ​សន្លប់​តាម​រយៈ​កណ្តាប់​ដៃ​ប្រចាំ​ត្រកូល​របស់​ខ្លួន។

យ៉ាង​ណា​ពីរ​ប្រកួត​ចុង​ក្រោយ កូន​សិស្ស​របស់​លោក​គ្រូ​ ពេជ្រ សុផាន់ បាន​ប្រើ​កែង​ដ៏​គ្រោះ​ថ្នាក់​ជាង​កណ្តាប់​ដៃ​​ផ្តួល​ដៃ​គូ​ឲ្យ​សន្លប់​ពីរ​លើក​ជាប់​គ្នា។ កាល​វគ្គ​សន្សំ​ពិន្ទុ​ជុំ​ចុង​ក្រោយ រូប​គេ​បាន​ផ្តួល​កីឡាករ​ថៃ ផេតម៉េតម៉ៃ ឲ្យ​សន្លប់​ធំ​ក្នុង​ទឹក​ទី​២ តាម​រយៈ​​វ៉ៃ​កែង​លើ​ក្តោង​ច្រមុះ និង​ចុង​ក្រោយ​គឺ​ផ្តួល​ ធន់ ផានិត ឲ្យ​សន្លប់​ធំ​ដើម​ទឹក​ទី​១​ដើម្បី​ផ្លែ​កែង​​លើ​ក្តោង​ច្រមុះ​ទៀត។

គិត​ទាំង​ការ​ផ្តួល ធន់ ផានិត ឲ្យ​សន្លប់​ល្ងាច​មិញ ពេជ្រ សម្បត្តិ​ បាន​ផ្តួល​ដៃ​គូ​ឲ្យ​សន្លប់​៣​លើក​ហើយ​ក្នុង​ចំណោម​ការ​ប្រកួត​៥​លើក​ចុង​ក្រោយ គឺ ផេតម៉េតម៉ៃ ឲ្យ​សន្លប់​ក្នុង​ទឹក​ទី​២ និង​ រ៉ាក់ថែ ឲ្យ​សន្លប់​ក្នុង​ទឹក​ទី​២​កាល​វគ្គ​សន្សំ​ពិន្ទុ។ ​២​ប្រកួត​ទៀត​ចាញ់​ពិន្ទុ ទួនប៉េ និង​ឈ្នះពិន្ទុ ផាត់ថាណា។

វគ្គ​សន្សំ​ពិន្ទុ

  • ប្រកួត​ទី១ ចាញ់​ ទួនប៉េ ដោយ​ពិន្ទុ​
  • ប្រកួត​ទី២ ផ្តួល រ៉ាក់ថែ ឲ្យ​សន្លប់​​​ទឹក​ទី​២ ដោយ​កណ្តាប់​ដៃ
  • ប្រកួត​ទី​៣ ឈ្នះ ផាត់ថាណា ដោយ​ពិន្ទុ
  • ប្រកួត​ទី៤ ផ្តួល ផេតម៉េម៉ៃ ឲ្យ​សន្លប់​​ទឹក​ទី​២ ដោយ​ផ្លែ​កែង

វគ្គ​ពាក់​កណ្តាល​ផ្តាច់​ព្រ័ត្រ

  • ផ្តួល ធន់ ផានិត ឲ្យ​សន្លប់​ទឹក​ទី​១ ដោយ​ផ្លែ​កែង​

វគ្គ​ផ្តាច់​ព្រ័ត្រ ថ្ងៃ​ទី​១៨ ខែ​តុលា

  • ពេជ្រ សម្បត្តិ VS ផាត់ថាណា

អត្ថបទ៖​ វីរបុត្រ



Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ២ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៣ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៣ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម