Connect with us

កីឡា

Son ទំនងជាអវត្តមានពីជម្រើសជាតិកូរ៉េ ក្នុងការប្រកួត World Cup ដោយសារត្រូវវះកាត់ភ្នែក

បានផុស

នៅ

ក្លិប Tottenham Hotspur កាលពីថ្ងៃពុធបាននិយាយថា ខ្សែប្រយុទ្ធ Son Heung-min នឹងទទួលការវះកាត់លើការបាក់ឆ្អឹងជុំវិញភ្នែកខាងឆ្វេងរបស់គេ ដែលធ្វើអោយតារាឆ្នើមរបស់កូរ៉េខាងត្បូងរូបនេះ មានហានិភ័យខកខានមិនបានលេងព្រឹត្តិការណ៍ FIFA World Cup 2022 នៅកាតា ចុងខែនេះ។

Son ត្រូវបានប្ដូរចេញពីការប្រកួតក្នុងតង់ទី១ ខណៈដែល Spurs បានយកឈ្នះ ២-១ លើក្រុម Marseille កាលពីថ្ងៃអង្គារ ដែលបានរក្សាកៅអីរបស់ពួកគេក្នុងវគ្គ ១៦ក្រុមចុងក្រោយនៃក្របខណ្ឌ UEFA Champions League ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Tottenham បាននិយាយនៅក្នុងសេចក្តីថ្លែងការណ៍មួយថា “យើងអាចបញ្ជាក់បានថា Heung-Min Son នឹងធ្វើការវះកាត់ដើម្បីរក្សាលំនឹងការបាក់ឆ្អឹងជុំវិញភ្នែកខាងឆ្វេងរបស់គាត់។ បន្ទាប់ពីការវះកាត់ Son នឹងចាប់ផ្តើមការស្តារនីតិសម្បទាជាមួយបុគ្គលិកពេទ្យរបស់យើង ហើយយើងនឹងធ្វើបច្ចុប្បន្នភាពអ្នកគាំទ្របន្ថែមទៀតនៅពេលកំណត់”។

ក្លិបរបស់ក្របខណ្ឌ Premier League មិនបានផ្តល់កាលបរិច្ឆេទពិតប្រាកដសម្រាប់ការត្រលប់មកវិញរបស់គេនោះទេ ប៉ុន្តែ Son ប្រឈមនឹងការប្រជែងនឹងពេលវេលាដើម្បីត្រៀមខ្លួនសម្រាប់ការប្រកួតបើកឆាក World Cup របស់សាធារណរដ្ឋកូរ៉េ ជាមួយ អ៊ុយរូហ្គាយ នៅថ្ងៃទី២៤ ខែវិច្ឆិកា។ Son គឺជាប្រធានក្រុមរបស់ប្រទេស និងជានិមិត្តរូបជាតិ ដោយសារការលះបង់របស់គេសម្រាប់ទាំងក្លិប និងប្រទេស។

កីឡាករវ័យ ៣០ឆ្នាំរូបនេះបានស៊ុតបញ្ចូលទីបាន ៣៥គ្រាប់ក្នុងការបង្ហាញខ្លួនជាមួយក្រុមជម្រើស​ជាតិចំនួន១០៦ដង​ និងឈ្នះមេដាយមាស នៅ Asian Games ឆ្នាំ២០១៨ ដែលជាមេដាយធានាឱ្យរូបគេរួចផុតពីការបំពេញកាតព្វកិច្ចជាតិ (ចូលហ្វឹកហាត់ទាហាន)។ សាធារណរដ្ឋកូរ៉េ ក៏ត្រូវជួបជាមួយ ព័រទុយហ្គាល់ និងហ្គាណា ក្នុងពូល H ផងដែរ៕

ប្រភព៖ AFP

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត 

ព័ត៌មានអន្ដរជាតិ១ ម៉ោង មុន

ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង

ព័ត៌មានជាតិ១ ម៉ោង មុន

សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស

ចរាចរណ៍៤ ម៉ោង មុន

Update៖ ករណីគ្រោះថ្នាក់រថភ្លើងបុករថយន្ដដឹកអ្នកដំណើររបួសសរុប៤៦នាក់ ក្នុងនោះមានតៃកុងរថភ្លើងម្នាក់

ព័ត៌មានអន្ដរជាតិ៤ ម៉ោង មុន

កាណាដា ប្ដឹងក្រុមហ៊ុន Meta, Snapchat និង TikTok ពីបទរំខានការ​សិក្សារបស់សិស្ស

Sokha Hotels

ព័ត៌មានពេញនិយម