កីឡា

បឹងកេត និង វិសាខា ធ្លាប់ជួបគ្នាតែម្តងគត់ក្នុងពានរង្វាន់សម្តេចតេជោ

បានផុស

៣ years មុន

នៅ

ថ្ងៃសៅរ៍ ៥ វិច្ឆិកា ២០២២

ដោយ

ក្លឹបបាល់ទាត់វិសាខា និង បឹងកេត ត្រូវប៉ះគ្នាក្នុងវគ្គផ្តាច់ព្រ័ត្រពានរង្វាន់សម្តេចអគ្គមហាសេនាបតីតេជោ ហ៊ុន សែន ថ្នាក់ជាតិ លើកទី១៦ ឆ្នាំ២០២២ វេលាម៉ោង៦:៣០នាទីល្ងាច ថ្ងៃអាទិត្យ ស្អែកនេះ នេះនៅកីឡដ្ឋានរបស់ក្លឹបភ្នំពេញក្រោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បឹងកេត មានបទពិសោធជោកជាំជាងវិសាខា ក្នុងពានរង្វាន់សម្តេចតេជោនេះ ដោយសារក្រុមវ័យចំណាស់ជាងនេះបានចូលរួមប្រកួតដំបូងតាំងពីឆ្នាំ២០១៣។ ទោះជាយ៉ាងណា ក្រុមនេះទើបឡើងដល់វគ្គផ្តាច់ព្រ័ត្រ២ដងប៉ុណ្ណោះគិតទាំងឆ្នាំ២០២២នេះ។ ការឈានដល់វគ្គផ្តាច់ព្រ័ត្រ លើកដំបូងកាលពីឆ្នាំ២០១៩ និងបានក្លាយជាជើងឯកតែម្តង។

ចំណែកវិសាខាដែលជាក្លឹបទើបបង្កើតថ្មីបានចូលរួមប្រកួតក្នុងពានរង្វាន់សម្តេចតេជោនេះលើកដំបូងកាលពីឆ្នាំ២០២០ និងធ្វើបានល្អរហូតឈ្នះជើងឯកតែម្តង។ នៅឆ្នាំ២០២១ វិសាខាធ្វើបានល្អទៀតដោយឈានដល់វគ្គផ្តាច់ព្រ័ត្រ និងឈ្នះជើងឯកជាលើកទី២ជាប់គ្នា។ ឆ្នាំ២០២៣២នេះគឺជាការឈានដល់វគ្គផ្តាច់ព្រ័ត្រលើកទី៣ជាប់គ្នាដោយត្រូវជួបបឹងកេត។

មើលប្រវត្តិជួបគ្នា វិសាខា និងបឹងកេត ធ្លាប់ជួបគ្នាតែម្តងគត់កាលពីឆ្នាំ២០២០។ កាលណោះក្រុមទាំងពីរជួពគ្នានៅវគ្គ៨ក្រុមចុងក្រោយថ្នាក់ជាតិ។ ការប្រកួតប្រព្រឹត្តទៅ២ជើង និងស្វិតស្វាញខ្លាំងបំផុត។

ជើងទី១ នៅថ្ងៃទី៣០ ខែសីហា បឹងកេត និង វិសាខា បានបញ្ចប់៩០នាទីដោយលទ្ធផលស្មើគ្នា ១-១ នៅទឹកដីរបស់បឹងកេត។ នៅថ្ងៃទី៨ ខែតុលា ក្រុមទាំងពីរក៏នៅតែមិនអាចធ្វើបានលទ្ធផលឈ្នះចាញ់ឡើយ បន្ទាប់ពីចប់៩០នាទីស្មើគ្នា ៣-៣។ ទីបំផុត ការប្រកួតត្រូវទាត់ប៉េណាល់ទីកាត់សេចក្តីដើម្បីរកអ្នកឈ្នះ ហើយវិសាខា បានយកឈ្នះដោយគ្រាប់បាល់ ៤-៣ ដើម្បីបានឡើងទៅវគ្គពាក់កណ្តាលផ្តាច់ព្រ័ត្រ។

ថ្ងៃអាទិត្យ ស្អែកនេះគឺជាការប៉ះគ្នាលើកទី២រវាងវិសាខា និងបឹងកេត ក្នុងពានរង្វាន់សម្តេចតេជោ ហ៊ុន សែន។ តើ វិសាខានឹងក្លាយជាងឯក៣ឆ្នាំជាប់គ្នា ឬ បឹងកេត បង្កើតកំណត់ត្រាឈ្នះលើកទី២៕

អត្ថបទ៖ វីរបុត្រ

Related Topics:ពានរង្វាន់សម្ដេចតេជោ ហ៊ុន សែន (Hun Sen Cup)