កីឡា
កីឡាករសង្ស័យមានសញ្ជាតិពីរ ពុំមានឈ្មោះជាមួយក្រុមជម្រើសជាតិអេក្វាឌ័រ សម្រាប់ការប្រកួត World Cup ឡើយ
សហព័ន្ធកីឡាបាល់ទាត់អេក្វាឌ័រ បាននិយាយកាលពីថ្ងៃអង្គារថា ខ្សែការពារ Byron Castillo ត្រូវបានដកចេញពីក្រុមជម្រើសជាតិ សម្រាប់ការប្រកួតបាល់ទាត់ពិភពលោក (FIFA World Cup 2022) ដើម្បីជៀសវាង “ការដាក់ទណ្ឌកម្មអយុត្តិធម៌” បន្ថែមទៀត នៅក្នុងជម្លោះលើសញ្ជាតិរបស់កីឡាករ។
កាលពីសប្ដាហ៍មុន តុលាការអាជ្ញាកណ្ដាលសម្រាប់កីឡា (CAS) បានសម្រេចថា Castillo មានសិទ្ធិទៅលេងនៅប្រទេសកាតា ប៉ុន្តែបានដាក់ទណ្ឌកម្មសហព័ន្ធជុំវិញ “ការក្លែងបន្លំ” លិខិតឆ្លងដែនរបស់គេ។ នោះបានជម្រះផ្លូវសម្រាប់ប្រជាជាតិអាមេរិកខាងត្បូង ដើម្បីចូលរួមក្នុងការប្រកួត World Cup បន្ទាប់ពីឈីលី និងប៉េរូ បានប្រជែងគ្នាដណ្ដើមកៅអីអេក្វាឌ័រ ជុំវិញសិទ្ធិរបស់ Castillo។
សហព័ន្ធបាល់ទាត់ឈីលី (FFCH) បាននិយាយថា គេមានភស្តុតាងដែលថា កីឡាកររូបនេះ កើតនៅប្រទេសកូឡុំប៊ី ក្នុងឆ្នាំ ១៩៩៥ ហើយមិនមែននៅទីក្រុង Playas ប្រទេសអេក្វាឌ័រ ក្នុងឆ្នាំ ១៩៩៨ នោះទេ។ FFCH បានចោទប្រកាន់ “ការប្រើប្រាស់សំបុត្រកំណើតក្លែងក្លាយ ការប្រកាសអាយុ និងសញ្ជាតិក្លែងក្លាយ”។
យ៉ាងណាមិញ សហព័ន្ធបាល់ទាត់ពិភពលោក (FIFA) បានច្រានចោលកាលពីខែកញ្ញា ហើយថា Castillo ដែលលេងក្នុងវគ្គជម្រុះចំនួន ៨ លើក ឲ្យអេក្វាឌ័រ ត្រូវបានចាត់ទុកថាមាន “សញ្ជាតិអេក្វាឌ័រអចិន្ត្រៃយ៍”។
ករណីនេះបានទៅដល់តុលាការអាជ្ញាកណ្ដាលសម្រាប់កីឡា (CAS) ដែលបានតម្កល់មួយផ្នែកលើបណ្ដឹងឧទ្ធរណ៍របស់ប្រទេសឈីលី និងប៉េរូ។
តុលាការបាននិយាយថា Castillo មានសិទ្ធិលេងឲ្យអេក្វាឌ័រក្នុងវគ្គជម្រុះ “ដោយពិចារណាថាអាជ្ញាធរអេក្វាឌ័របានទទួលស្គាល់ Byron Castillo ជាជនជាតិអេក្វាឌ័រ”។ ប៉ុន្តែវាបានបន្ថែមថា “ខណៈពេលដែលលិខិតឆ្លងដែនអេក្វាឌ័ររបស់កីឡាករគឺពិតជាពិតប្រាកដ ព័ត៌មានមួយចំនួនដែលបានផ្តល់ឲ្យ គឺមិនពិត។ ជាពិសេស ទាក់ទងនឹងថ្ងៃខែឆ្នាំកំណើត និងទីកន្លែងកំណើតរបស់កីឡាករមិនត្រឹមត្រូវ ចាប់តាំងពីកីឡាកររូបនេះពិតជាបានកើតនៅទីក្រុង Tumaco ប្រទេសកូឡុំប៊ី នៅថ្ងៃទី ២៥ ខែមិថុនា ឆ្នាំ ១៩៩៥”។
សហព័ន្ធកីឡាបាល់ទាត់ត្រូវបានបញ្ជាឲ្យបង់ប្រាក់ពិន័យចំនួន ១០០,០០០ ហ្វ្រង់ស្វីស (ប្រមាណ ១០ ម៉ឺនដុល្លារ) ហើយក្រុមបុរស នឹងត្រូវដក ៣ ពិន្ទុ ក្នុងការប្រកួតជម្រុះ World Cup ឆ្នាំ ២០២៦។
សហព័ន្ធអេក្វាឌ័រ បាននិយាយនៅក្នុងសេចក្ដីថ្លែងការណ៍មួយកាលពីថ្ងៃអង្គារថា Castillo នឹងមិនធ្វើដំណើរទៅប្រទេសកាតាទេ។
សហព័ន្ធកីឡាបាល់ទាត់អេក្វាឌ័រ មានកាតព្វកិច្ចមិនដាក់បញ្ចូលកីឡាករ Byron Castillo Segura ក្នុងបញ្ជីចុងក្រោយដែលបង្ហាញដល់ FIFA ប្រឈមមុខនឹងហានិភ័យ នៃទណ្ឌកម្មអយុត្តិធម៌បន្ថែមទៀត។
អេក្វាឌ័រ នឹងត្រូវប្រកួតដំបូងក្នុងការប្រកួត World Cup ទល់នឹងប្រទេសម្ចាស់ផ្ទះកាតា នៅថ្ងៃអាទិត្យនេះ៕
ប្រភព ៖ supersport.com
អត្ថបទ ៖ មន្នីរ័ត្ន
ឈ្នះរង្វាន់ម៉ូតូទៀតហើយ!!! ទឹកដោះគោ អង្គរមីល ចុះចែករង្វាន់ផ្ទាល់ ដល់អតិថិជននៅក្រុងបាវិត ខេត្តស្វាយរៀង!
ថៃ ត្រូវប៉ាន់នាំចេញ ទុរេន ដំឡូង និងសាច់មាន់ក្នុងកិច្ចព្រមព្រៀងពាណិជ្ជកម្មសេរី
ព្រួញមួយបាញ់បានសត្វពីរ កម្មវិធីបណ្តុះបណ្តាលជំនាញបច្ចេកទេសដល់យុវជនក្រីក្រ
ស្វែងយល់ផ្លូវដែកនៅកម្ពុជា អាចរត់បានត្រឹមល្បឿនមធ្យម ៤០គីឡូម៉ែត្រ/ម៉ោង
ស្ដ្រីម្នាក់ប្ដឹងនាយការិយាល័យនគរបាលចរាចរណ៍រាជធានីភ្នំពេញ ទារសំណង១០ម៉ឺនដុល្លារ ពីបទ ឃុំឃាំងមនុស្សខុសច្បាប់
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ agoលម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore