អង់គ្លេស មិនអនុញ្ញាតឲ្យកីឡាកររបស់ខ្លួន​ នៅជាមួយភរិយា និងមិត្តស្រី អំឡុងពេលប្រកួត World Cup

កីឡាករបាល់ទាត់របស់ក្រុមតោកំណាចអង់គ្លេស នឹងត្រូវនៅដាច់ដោយឡែកពីដៃគូរបស់ពួកគេ អំឡុងព្រឹត្តិការណ៍ប្រកួតកីឡាបាល់ទាត់ពិភពលោកនៅប្រទេសកាតា ដើម្បីទប់ស្កាត់ការរីករាលដាលនៃជំងឺកូវីដ១៩។

ប៉ុន្មានថ្ងៃថ្មីៗនេះ ភរិយានិងមិត្តស្រីរបស់កីឡាករមួយចំនួន ត្រូវចំណាយពេលនៅលើកប៉ាល់ទេសចរណ៍ក្នុងទីក្រុង ដូហា ដែលមានចម្ងាយ១៦គីឡូម៉ែត្រពីសណ្ឋាគាររបស់ក្រុមជម្រើសជាតិអង់គ្លេស នៅរមណីយដ្ឋាន Al Wakra។

បញ្ជានេះ ទំនងជាត្រូវបានចេញដោយអ្នកចាត់ការ Gareth Southgate រហូតដល់ការប្រកួតចុងក្រោយក្នុងវគ្គចែកពូលត្រូវបានបញ្ចប់ នៅថ្ងៃអង្គារសប្តាហ៍ក្រោយ។

បញ្ជានេះបានកើតឡើង បន្ទាប់ពីអង់គ្លេសឈ្នះអ៊ីរ៉ង់ ៦-២ ដោយកីឡាករនានា បានដើរទៅកាន់កន្លែងដែលក្រុមគ្រួសាររបស់ពួកគេ កំពុងអង្គុយទស្សនា។

ប្រធានក្រុមអង់គ្លេស Harry Kane បានឱបភរិយា Katie Goodland ខណៈ Jack Grealish បានទៅជជែកជាមួយមិត្តស្រីឈ្មោះ Sasha Attwood។

ទោះបីជាយ៉ាងណាក៏ដោយ Grealish បានសរសើរអ្នកចាត់ការក្រុមជម្រើសជាតិអង់គ្លេស ដែលបានខិតខំប្រឹងប្រែងអស់ពីសមត្ថភាព ដើម្បីធ្វើឲ្យពួកគេមានផាសុកភាពអំឡុងការស្នាក់នៅក្នុងប្រទេសកាតា៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ មានឆ្ងល់អត់ ហេតុអ្វី World Cup នៅ កាតា ថែមម៉ោងច្រើនៗ ខុសរាល់ដង?