មានឆ្ងល់អត់ ហេតុអ្វី World Cup នៅ កាតា ថែមម៉ោងច្រើនៗ ខុសរាល់ដង?

រឿងមួយក្នុងចំណោមរឿងថ្មីៗដែលគេភ្ញាក់ផ្អើលខ្លាំង ក្នុងព្រឹត្តិការណ៍ប្រកួតបាល់ទាត់ពិភពលោកនៅប្រទេសកាតាឆ្នាំនេះគឺ ការបន្ថែមម៉ោងយ៉ាងច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមពេលនេះ ការ​ប្រកួតចំនួន៥ សរុបទៅមានការបន្ថែមម៉ោងរហូតដល់ទៅ ៨៥នាទីឯណោះ ខណៈ​ការ​ប្រកួតរវាង​អង់គ្លេស​ជាមួយ​​អ៊ីរ៉ង់ ​មាន​រយៈពេល​មិន​គួរ​ឲ្យជឿ​ដល់​ទៅ ១១៧ នាទី និង១៦វិនាទី។

ហេតុផលនៃការបន្ថែមម៉ោងយ៉ាងច្រើនបែបនេះ គឺដោយសារការប្រកួតត្រូវបានផ្អាកព្រោះតែកីឡាកររងរបួស ការឆែកមើល VAR ការប្តូរកីឡាករ ការពិន័យ និងកាតក្រហម បូករួមទាំងកីឡាករមួយចំនួនតែងតែពន្យាពេលដោយការធ្វើពុតរបួសជាដើម។ ដូច្នេះហើយ ម៉ោងនឹងត្រូវបានបំពេញឲ្យគ្រប់។

ប្រធានគណៈកម្មាធិការអាជ្ញាកណ្តាលរបស់ FIFA លោក Pierluigi Collina បានបញ្ជាក់កាលពីសប្តាហ៍មុនថា មន្ត្រីទីបួន ត្រូវបានណែនាំឲ្យតាមដានពេលវេលាដែលបាត់បង់ ក្នុងអំឡុងពេលការប្រកួតនៅប្រទេសកាតា ដូចដែលពួកគេបានព្យាយាមធ្វើនៅ World Cup ក្នុងប្រទេសរុស្ស៊ីកាលពីឆ្នាំ២០១៨។

លោកបានប្រាប់អ្នកយកព័ត៌មាននៅឯសន្និសីទមុនការប្រកួតថា “នៅប្រទេសរុស្ស៊ី យើងបានព្យាយាមធ្វើឲ្យមានភាពសុក្រឹតជាងមុន ក្នុងការប៉ះប៉ូវពេលវេលាដែលបាត់បង់ អំឡុងពេលប្រកួត ហើយនោះជាមូលហេតុដែលត្រូវមានការបន្ថែមម៉ោង ៦, ៧ ឬឈានដល់៨នាទី។ សូមគិតដូច្នេះ! ប្រសិនបើអ្នកស៊ុតចូល៣គ្រាប់ក្នុងមួយតង់ អ្នកប្រហែលជានឹងខាតពេលសរុប ៤ឬ៥នាទីសម្រាប់ការអបអរគ្រាប់បាល់ មុនពេលចាប់ផ្តើមការប្រកួតជាបន្ត”៕

ប្រែសម្រួល៖ Vann Vann

ប្រភព៖ BBC

ចុចអាន៖ អ្នកគាំទ្រ បារាំងនិងអូស្រ្តាលី វាយគ្នាប្រាវ ក្រោយចប់ការប្រកួត