កីឡា
ទង្វើរបស់កីឡាករជប៉ុននៅ World Cup កំពុងផ្ទុះការសរសើរពេញពិភពលោក
កាលពីយប់មិញថ្ងៃទី២៣ ខែវិច្ឆិកា ក្រុមជប៉ុនបានយកឈ្នះអាល្លឺម៉ង់ ក្នុងព្រឹត្តិការណ៍ World Cup ឆ្នាំ២០២២ ធ្វើឱ្យហ្វេនអបអរសាទរ និងស្ញើចសរសើរយ៉ាងខ្លាំង ប៉ុន្តែអ្វីដែលនាំឱ្យគេកាន់តែសរសើរដល់ក្រុមកីឡាករជប៉ុន គឺបន្ទប់ផ្លាស់សម្លៀកបំពាក់របស់ពួកគេ ពិតជាមានសណ្ដាប់ធ្នាប់ល្អ និងគ្មានសំរាមសូម្បីមួយបំណែកនៅលើឥដ្ឋ ក្រោយពេលពួកចាកចេញទៅ។
ក្រៅពីស្មារតីតស៊ូរបស់ក្រុមសាមូរ៉ៃជប៉ុន នៅក្នុងព្រឹត្តិការណ៍ World Cup 2022 អ្នកគាំទ្រទូទាំងពិភពលោកបានសសម្ដែងនូវការកោតសរសើរ និងគោរពយ៉ាងពិសេសចំពោះកីឡាបាល់ទាត់ជប៉ុនគ្រប់រូប បន្ទាប់ពីបានឃើញបន្ទប់ផ្លាស់សម្លៀកបំពាក់របស់ក្រុមនេះ ត្រូវបានសម្អាតយ៉ាងស្អាតបំផុត ដូចពុំមានអ្នកប្រើប្រាស់។
មុនពេលចាកចេញពីបន្ទប់ផ្លាស់សម្លៀកបំពាក់ កីឡាករជប៉ុនទាំងអស់បាននាំគ្នាសម្អាតបន្ទប់យ៉ាងស្អាត ទោះបីវាមិនមែនជាកាតព្វកិច្ច និងទំនួលខុសត្រូវរបស់ពួកគេក៏ដោយ។ ពួកគេថែមទាំងបន្សល់ទុកពាក្យអរគុណនៅលើក្រដាសមួយសន្លឹក ហើយដាក់វានៅក្នុងបន្ទប់ ជូនម្ចាស់ផ្ទះទៀតផង។
ក្រៅពីកីឡាករជប៉ុន អ្នកគាំទ្ររបស់ប្រទេសនេះក៏ទទួលបានការសរសើរយ៉ាងខ្លាំងផងដែរ ចំពោះទម្លាប់នៃការការពារបរិស្ថាន និងអនាម័យនៅទីសាធារណៈ។ ជាក់ស្ដែងបន្ទាប់ពីការប្រកួតនីមួយៗដែលពួកគេបានចូលរួម អ្នកគាំទ្រជនជាតិជប៉ុនតែងតែបន្តស្នាក់នៅ រហូតដល់ចប់សព្វគ្រប់ ដើម្បីប្រមូលសំរាមទាំងអស់នៅកន្លែងឈរ មុនពេលចាកចេញពីកីឡដ្ឋាន។ ទង្វើរបស់ពួកគេត្រូវបានចែកចាយពាសពេញបណ្ដាញសង្គម និងបង្កឱ្យមានការស្ញប់ស្ញែង ក៏ដូចជាការគោរពពីមនុស្សរាប់លាននាក់ នៅជុំវិញពិភពលោកផងដែរ៕
ប្រែសម្រួល៖ សន្យា
ចុចអាន៖ រឿងចៃដន្យបំផុតក្នុងប្រវត្តិសាស្ត្រ World Cup កើតឡើងត្រឹម ២ថ្ងៃ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង