កីឡា

ទង្វើរបស់កីឡាករជប៉ុននៅ World Cup កំពុងផ្ទុះការសរសើរពេញពិភពលោក

បានផុស

១ year មុន

នៅ

ថ្ងៃព្រហស្បតិ៍ ២៤ វិច្ឆិកា ២០២២

ដោយ

កាលពីយប់មិញថ្ងៃទី២៣ ខែវិច្ឆិកា ក្រុមជប៉ុនបានយកឈ្នះអាល្លឺម៉ង់ ក្នុងព្រឹត្តិការណ៍ World Cup ឆ្នាំ២០២២ ធ្វើឱ្យហ្វេនអបអរសាទរ និងស្ញើចសរសើរយ៉ាងខ្លាំង ប៉ុន្តែអ្វីដែលនាំឱ្យគេកាន់តែសរសើរដល់ក្រុមកីឡាករជប៉ុន គឺបន្ទប់ផ្លាស់សម្លៀកបំពាក់របស់ពួកគេ ពិតជាមានសណ្ដាប់ធ្នាប់ល្អ និងគ្មានសំរាមសូម្បីមួយបំណែកនៅលើឥដ្ឋ ក្រោយពេលពួកចាកចេញទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីស្មារតីតស៊ូរបស់ក្រុមសាមូរ៉ៃជប៉ុន នៅក្នុងព្រឹត្តិការណ៍ World Cup 2022 អ្នកគាំទ្រទូទាំងពិភពលោកបានសសម្ដែងនូវការកោតសរសើរ និងគោរពយ៉ាងពិសេសចំពោះកីឡាបាល់ទាត់ជប៉ុនគ្រប់រូប បន្ទាប់ពីបានឃើញបន្ទប់ផ្លាស់សម្លៀកបំពាក់របស់ក្រុមនេះ ត្រូវបានសម្អាតយ៉ាងស្អាតបំផុត ដូចពុំមានអ្នកប្រើប្រាស់។

មុនពេលចាកចេញពីបន្ទប់ផ្លាស់សម្លៀកបំពាក់ កីឡាករជប៉ុនទាំងអស់បាននាំគ្នាសម្អាតបន្ទប់យ៉ាងស្អាត ទោះបីវាមិនមែនជាកាតព្វកិច្ច និងទំនួលខុសត្រូវរបស់ពួកគេក៏ដោយ។ ពួកគេថែមទាំងបន្សល់ទុកពាក្យអរគុណនៅលើក្រដាសមួយសន្លឹក ហើយដាក់វានៅក្នុងបន្ទប់ ជូនម្ចាស់ផ្ទះទៀតផង។

ក្រៅពីកីឡាករជប៉ុន អ្នកគាំទ្ររបស់ប្រទេសនេះក៏ទទួលបានការសរសើរយ៉ាងខ្លាំងផងដែរ ចំពោះទម្លាប់នៃការការពារបរិស្ថាន និងអនាម័យនៅទីសាធារណៈ។ ជាក់ស្ដែងបន្ទាប់ពីការប្រកួតនីមួយៗដែលពួកគេបានចូលរួម អ្នកគាំទ្រជនជាតិជប៉ុនតែងតែបន្តស្នាក់នៅ រហូតដល់ចប់សព្វគ្រប់ ដើម្បីប្រមូលសំរាមទាំងអស់នៅកន្លែងឈរ មុនពេលចាកចេញពីកីឡដ្ឋាន។ ទង្វើរបស់ពួកគេត្រូវបានចែកចាយពាសពេញបណ្ដាញសង្គម និងបង្កឱ្យមានការស្ញប់ស្ញែង ក៏ដូចជាការគោរពពីមនុស្សរាប់លាននាក់ នៅជុំវិញពិភពលោកផងដែរ៕