កីឡា

ក្លិបរបស់អារ៉ាប៊ីសាអូឌីត បានដាក់សំណើប្រហែល ២០០ លានអឺរ៉ូ ក្នុងមួយឆ្នាំ ដល់ Ronaldo

បានផុស

៣ years មុន

នៅ

ថ្ងៃអង្គារ ៦ ធ្នូ ២០២២

ដោយ

ក្លិបរបស់លីគអារ៉ាប៊ីសាអូឌីត Al-Nassr បានដាក់សំណើដ៏ធំមួយ ដើម្បីចុះហត្ថលេខាលើខ្សែប្រយុទ្ធព័រទុយហ្គាល់ Cristiano Ronaldo បន្ទាប់ពីការប្រកួតបាល់ទាត់ពិភពលោក។ នេះបើយោងតាម BBC។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិបមួយចំនួនបានសម្ដែងការចាប់អារម្មណ៍លើ CR7 ដោយ Al-Nassr ផ្តល់ជូនដ៏ធំបំផុតប្រហែល ២០០ លានអឺរ៉ូ ក្នុងមួយឆ្នាំ។

Ronaldo អាយុ ៣៧ ឆ្នាំ គឺជាកីឡាករគ្មានតម្លៃខ្លួន បន្ទាប់ពីកិច្ចសន្យារបស់គេនៅ Manchester United ត្រូវបានបញ្ចប់កាលពីខែមុន ក្រោយមានរឿងរ៉ាវដ៏ចម្រូងចម្រាសក្នុងកិច្ចសម្ភាសន៍មួយ។

នៅក្នុងបទសម្ភាសន៍ជាមួយ TalkTV គេក៏បាននិយាយថា បានបដិសេធកិច្ចព្រមព្រៀង ៣០៥ លានផោន ដើម្បីចូលរួមជាមួយក្លិបអារ៉ាប៊ីសាអូឌីតមួយនៅរដូវក្តៅ ដែលការផ្ទេរនេះនឹងធ្វើឲ្យគេក្លាយជាកីឡាករបាល់ទាត់ដែលមានប្រាក់ខែខ្ពស់បំផុតក្នុងពិភពលោក។

វាត្រូវបានគេយល់ថា Ronaldo បានប្ដេជ្ញាចិត្តយ៉ាងពេញទំហឹងចំពោះយុទ្ធនាការ World Cup ជាមួយព័រទុយហ្គាល់ ហើយមិនមានបំណងធ្វើការសម្រេចចិត្តអំពីផែនការអនាគតរបស់ខ្លួនរហូតដល់ចប់ព្រឹត្តិការណ៍នេះនោះទេ។

ព័រទុយហ្គាល់ ត្រូវប៉ះជាមួយស្វីស ក្នុងវគ្គ ១៦ ក្រុមចុងក្រោយ នៅថ្ងៃអង្គារ។ មុនការប្រកួត Ronaldo បានក្លាយជាបុរសដំបូងគេដែលស៊ុតបញ្ចូលទីនៅ World Cup ៥ ដង ខណៈគេបានទាត់បាល់ប៉េណាល់ទីក្នុងការប្រកួតជម្រុះតាមពូល ដែលជួយឲ្យក្រុមឈ្នះ ៣-២ ទល់នឹង ហ្គាណា។

ទោះបីជាគេជាកីឡាករគ្មានតម្លៃ (ដោយសារគ្មានក្លិប) ក៏ដោយ Ronaldo ក៏មិនត្រូវបានអនុញ្ញាតឲ្យចុះហត្ថលេខាសម្រាប់ក្លិបថ្មីរហូតដល់ថ្ងៃទី ០១ ខែមករា៕

ប្រភព ៖ BBC

អត្ថបទ ៖ មន្នីរ័ត្ន