កីឡា
សារព័ត៌មានថៃ ចុះផ្សាយព្រោងព្រាតថាមានគ្រូបង្វឹក Pro Licence ខ្លួនមកដឹកនាំក្លិបបាល់ទាត់មួយនៅកម្ពុជា
គិតត្រឹមល្ងាចថ្ងៃពុធ ទី៦ ខែមករា ឆ្នាំ២០២១ នេះមានសារព័ត៌មានថៃ ជាច្រើនបានចេញផ្សាយថាមានគ្រូបង្វឹករបស់ជនជាតិខ្លួន១រូប បានធ្វើដំណើរមកប្រទេសកម្ពុជា ដើម្បីដឹកនាំក្លិបបាល់ទាត់មួយនៅក្នុងរដូវកាលឆ្នាំ២០២១ នេះ។ គ្រូបង្វឹកម្នាក់នោះមានឈ្មោះថា Thongchai Rungreangles កាន់សញ្ញាប័ត្រគ្រូបង្វឹកបាល់ទាត់ UEFA Pro Licence ដែលជាកម្រិតសិក្សាខ្ពស់ជាងគេក្នុងពិភពបាល់ទាត់។
សារព័ត៌មាន siamsport.co.th បានសរសេរចំណងជើងធំៗថា «Coach Daat (ឈ្មោះហៅក្រៅ) ហោះទៅដឹកនាំក្រុមបាល់ទាត់១នៅកម្ពុជា»។ ចំណែកសារព័ត៌មាន thairath វិញបានសរសេរចំណងជើងថា «ការប្រកួតប្រជែងថ្មី Coach Daat ចេញទៅដឹកនាំក្លិបបាល់ទាត់កម្ពុជា»។ ចំពោះសារព័ត៌មាន khaosod វិញសរសេរថា « Coach Daat អតីតគ្រូបង្វឹកក្រុម U16 ថៃ ធ្វើដំណើរទៅដឹកនាំក្រុមបាល់ទាត់នៅលីគកម្ពុជា»។
ដោយឡែកសារព័ត៌មាន dailynews.co.th វិញសរសេរដែរថា៖« Coach Daat បដិសេធក្លិបបាល់ទាត់នៅថៃ តែទៅដឹកនាំក្រុមបាល់ទាត់សំបូរយុវជនមួយនៅកម្ពុជា»។ ងាកទៅសារព័ត៌មាន mgronline វិញបានសរសេរថា «គ្រូបង្វឹកថៃត្រូវប៉ាន់ណាស់ ! Coach Daat ធ្វើដំណើរទៅដឹកនាំក្លិបនៅកម្ពុជា»។ ក្រឡេកមើលសារព័ត៌មាន thaipbs.or.th វិញសរសេរថា៖«លោក Thongchai Rungreangles ទៅដឹកនាំក្លិបធំមួយនៅកម្ពុជា»។
សារព័ត៌មានទាំងអស់របស់ថៃ ខាងលើសុទ្ធតែបានបញ្ជាក់ថា លោក Thongchai Rungreangles បានធ្វើដំណើរមកកាន់ប្រទេសកម្ពុជាតាមច្រកអាកាសយានដ្ឋានអន្តរជាតិ Suvarnabhumi Airportក្នុងរាជធានីបាងកក មកកាន់រាជធានីភ្នំពេញ នៅថ្ងៃអង្គារ សប្ដាហ៍នេះជាមួយនឹងជំនួយការ២រូបផ្សេងទៀត នោះគឺគ្រូជំនួយផ្នែកកម្លាំង (Fitness Coach) និងគ្រូបង្វឹកអ្នកចាំទី (Goalkeeper Coach)។
ក្លិបបាល់ទាត់នៅកម្ពុជា ដែលសារព័ត៌មានទាំងបញ្ជាក់ថា លោក Daat នឹងដឹកនាំនោះគឺ «ព្រៃវែងអែហ្វស៊ី» សមាជិកក្នុងលីគលំដាប់ទី២ ឆ្នាំ២០២០ នៅកម្ពុជា។ ដោយប្រភពបញ្ជាក់ថា បុរសជនជាតិថៃ រូបនេះបានចុះកិច្ចសន្យាជាមួយក្លិបព្រៃវែង ក្នុងរយៈពេល១ឆ្នាំ ក្នុងផែនការប្រជែងយកជើងឯកលីគទី២ នៅកម្ពុជា និងដណ្តើមកៅអីឡើងទៅលេងលីគកំពូលកម្ពុជា នៅរដូវកាល២០២១ ខាងមុខ។
លោកត្រូវធ្វើចត្តាឡីស័ក ចំនួន១៤ថ្ងៃសិន ទើបអាចចូលរួមដឹកនាំថ្មីមួយនេះ។ យ៉ាងណាក្តីនៅមិនទាន់មានដំណឹងផ្លូវការណាមួយពីក្លិបបាល់ទាត់ព្រៃវែង ពីក្បាលម៉ាស៊ីនថ្មីនេះនៅឡើយនោះទេ។
លោក Daat មានវ័យមិនដល់៣០ឆ្នាំ តែធ្លាប់ធ្វើជាគ្រូជំនួយជម្រើសជាតិថៃវ័យក្រោម១៩ឆ្នាំនៅឆ្នាំ២០១៥ ហើយឆ្នាំ២០១៨លោកកាន់តំណែងជាគ្រូបង្វឹកយុវជនក្លិប Thailand Bangkok Glass ដែលបច្ចុប្បន្ន BG Pathum United ។ ចូលដល់ពាក់កណ្ដាលឆ្នាំ២០១៨ ដល់ចុងឆ្នាំ ២០១៩ លោកកាន់តំណែងគ្រូបង្វឹកជម្រើសជាតិថៃវ័យក្រោម១៦ឆ្នាំលេងក្នុងពានរង្វាន់ 2018 AFF U-16 Youth Championship ដែលឈ្នះជើងឯករង និងពាន 2018 AFC U-16 Championship ឡើងទៅវគ្គចែកពូល។ ដោយសារបទពិសោធន៍ច្រើនក្នុងក្រុមយុវជននេះហើយទើបលោក សម្រេចចិត្តចោលក្លិបនៅថៃ មកដឹកនាំក្រុមព្រៃវែង ដែលសំបូរយុវជនដែរ។
លោក Thongchai Rungreangles ជាគ្រូបង្វឹកទី៣ ហើយដែលដឹកនាំក្រុមផ្លូវការនៅកម្ពុជា បន្ទាប់ពីលោក Ekapob Potisai កំពុងដឹកនាំក្លិបគីរីវង់សុខសែនជ័យ ដែលមានមូលដ្ឋាននៅខេត្តតាកែវ និងលោក Apisit Im Amphai ដឹកនាំក្រុមបឹងកេត ហើយបច្ចុប្បន្នផ្លាស់ទៅដឹកនាំក្រុមកោះកុងអេហ្វស៊ីសមាជិកក្នុងលីគទី២កម្ពុជា ដែរ៕
ដោយ ៖ ម៉េង ហួរ
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៣ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ