កីឡា
ក្រោយឈ្នះមេដាយសំរឹទ្ធពិភពលោក សមត្ថភាព Impunity KH រីកចម្រើនជាងមុន
ក្រុមកីឡាអេឡិចត្រូនិកកម្ពុជា Impunity KH បានវិលត្រឡប់មកដល់ប្រទេសកំណើតវិញហើយកាលពីល្ងាចមិញ បន្ទាប់ពីចូលរួមប្រកួត IESF World Championship នៅប្រទេសឥណ្ឌូនេស៊ីដែលបានបញ្ចប់កាលពីថ្ងៃទី១១ ខែធ្នូ។
សម្រាប់ការចូលរួមប្រកួតជើងឯកពិភពលោកនេះ ក្រុមតំណាងកម្ពុជាបានបង្កើតកំណត់ត្រាជាលើកដំបូងក្នុងការទទួលបានមេដាយសំរឹទ្ធ បន្ទាប់ពីឈ្នះ២ប្រកួត និងចាញ់២ប្រកួត។ ប្រកួតទី១ ក្រុមកម្ពុជាឈ្នះក្រុមជម្រើសជាតិណាមីប៊ី ២-០, ប្រកួតលើកទី២ ឈ្នះក្រុមម៉ាឡេស៊ី ២-១ ខណៈប្រកួតលើកទី៣ និងទី៤ វគ្គពាក់កណ្តាលផ្តាច់ព្រ័ត្រដូចគ្នា ប៉ុន្តែចាញ់ឥណ្ឌូនេស៊ី ២-១ និងចាញ់ហ្វីលីពីន ២-០ ដោយទទួលបានត្រឹមចំណាត់ថ្នាក់លេខ៣ មេដាយសំរឹទ្ធ ប្រាក់រង្វាន់២ម៉ឺនដុល្លារអាមេរិក។
លោក លន់ សាមឌី អគ្គលេខាធិការសហព័ន្ធកីឡាអេឡិចត្រូនិកកម្ពុជា បានប្រាប់ពេលមកដល់ខ្មែរពីល្ងាចមិញថា នេះជាកំណត់ត្រាថ្មីដែលកីឡាអេឡិចត្រូនិកកម្ពុជាឈ្នះមេដាយកម្រិតពិភពលោក។ «យើងឃើញថា សមត្ថភាពកីឡាករអេឡិចត្រូនិករបស់យើងរីកចម្រើនជាងឆ្នាំមុនៗដែលធ្វើឲ្យអាចឈ្នះក្រុមមកពីប្រទេសផ្សេងៗដូចជាក្រុមនៅតំបន់អាស៊ានផងដែរ។ សមិទ្ធផលនេះជាកម្លាំងជំរុញទឹកចិត្តរបស់កម្ពុជាសម្រាប់ការចូលរួមប្រកួតកីឡាស៊ីហ្គេម ឆ្នាំ២០២៣ ដែលរៀបចំនៅកម្ពុជាយើង»។
ជាមួយគ្នានេះ និស្សិតខ្មែរដែលកំពុងរៀននៅប្រទេសឥណ្ឌូណេស៊ីក៏បានចូលលើកទឹកចិត្តដល់ក្រុមកម្ពុជាផងដែរ។
ការប្រកួតជើងឯកពិភពលោកនេះមាន៦វិញ្ញាសា eFootball, Dota2, Tekken, CS: Go, Mobile Legends: Bang Bang និង PUBG Mobile ដែលមានអត្តពលិកអេឡិចត្រូនិកមកពីទូទាំងពិភពលោកជាង៧០០នាក់ចូលរួមប្រកួត និងមានប្រទេសជាសមាជិកសហព័ន្ធកីឡាអេឡិចត្រូនិកអន្តរជាតិសរុប១០៧ប្រទេសចូលរួមដែលក្នុងនោះមានទាំងមហាសន្និបាតកីឡាអេឡិចត្រូនិកពិភពលោកប្រចាំឆ្នាំ។
មហាសន្និបាត Esports ប្រចាំឆ្នាំរបស់ IeSF ត្រូវបានធ្វើនៅថ្ងៃទី ៥-៦ ខែធ្នូ ដែលបានជ្រើសតាំងសមាជិកក្រុមប្រឹក្សាប្រតិបត្តិបន្ថែម៥រូបទៀត និងបោះឆ្នោតជ្រើសរើសប្រធានសហព័ន្ធកីឡាអេឡិចត្រូនិកអន្តរជាតិដោយប្រធានចាស់ជាប់ឆ្នោតជាប្រធានអាណត្តិថ្មីគឺលោក Vlad Marinescu ជនជាតិអាមេរិក។ ចំណែកសមាជិកក្រុមប្រឹក្សាប្រតិបត្តិថ្មី៥រូបគឺលោក Flip de Bruyn មកពីប្រទេសណាមីប៊ី, លោក Lance Mudd មកពីសហរដ្ឋអាមេរិក, លោក Lukasz Klimcyzk មកពីប៉ូឡូញ, លោក Tiago Fernandes មកពីព័រទុយហ្គាល់ និងលោក Constantine Surkont មកពីរុស្ស៊ី៕
អត្ថបទ៖ វីរបុត្រ
អតីតសេដ្ឋិនី វៀតណាម ដែលរងការកាត់ទោសប្រហារជីវិត អង្វរតុលាការសុំដកអគារមួយខ្នងទុកឲ្យកូនស្រី
កូនស្រីមហាសេដ្ឋីកាស៊ីណូ ហុងកុង ទម្លាយទាំងតូចចិត្តថា បានមរតកតិចជាងបងប្អូនផ្សេងទៀត
ធ្លាយចចាមអារ៉ាមថា មេ MU ថៃ ត្រូវតុលាការចេញដីកាចាប់ខ្លួនពីបទឆបោក
ទៅលេងសៀមរាប ចាយត្រឹម ៥ ដុល្លារ ទទួលបទពិសោធន៍ជិះកន្រ្តកវិលខ្ពស់បំផុតទី ៣ នៅអាស៊ាន
គិតត្រឹមឆ្នាំ ២០២២ កម្ពុជាសម្រេចសាងសង់ផ្លូវសរុបបានប្រវែងប្រមាណ ៦៦ ៧២៣ គីឡូម៉ែត្រ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?