កីឡា
ប្រតិភូកីឡាអាស៊ានប៉ារ៉ាហ្គេម បញ្ចេញទស្សនៈជុំវិញកីឡដ្ឋានប្រកួតអាស៊ានប៉ារ៉ាហ្គេម ២០២៣
ប្រធានសហព័ន្ធកីឡាជនពិការអាស៊ីអាគ្នេយ៍ (APSF) លោក Osoth Bhavilai បានសម្ដែងសុទិដ្ឋិនិយមជុំវិញដំណើរទស្សនកិច្ចពហុកីឡដ្ឋានជាតិមរតកតេជោ ជាទីដែលបម្រើដល់ការប្រកួតកីឡាអាស៊ានប៉ារ៉ាហ្គេម លើកទី ១២ ឆ្នាំ ២០២៣ នៅកម្ពុជា។ នេះនៅក្រោយដំណើរទស្សនកិច្ច រួមជាមួយប្រតិភូ ថ្នាក់ដឹកនាំ និងមន្ត្រីបច្ចេកទេស នៃសហព័ន្ធកីឡាជនពិការអាស៊ីអាគ្នេយ៍ (APSF) នៅពហុកីឡដ្ឋានជាតិមរតកតេជោ នាថ្ងៃទី ១៧ ខែធ្នូ ឆ្នាំ ២០២២។
លោក Osoth Bhavilai មានប្រសាសន៍ថា «ការត្រួតពិនិត្យគ្រប់កីឡដ្ឋានប្រកួត បើទោះបីជាមានកីឡដ្ឋានខ្លះជួសជុលឡើងវិញ ប៉ុន្តែវាតែបន្តិចបន្តួចប៉ុណ្ណោះ អ្វីដែលប្រសើរនោះគឺវានៅកៀកកន្លែងស្នាក់នៅដែលអត្តពលិកអាចធ្វើដំណើរថ្មើរជើងទៅកាន់កីឡដ្ឋានប្រកួតដោយងាយស្រួល នេះគឺជាអ្វីដែលយើងបានឃើញ»។
«ក្នុងចំណោម ១៣ ប្រភេទកីឡា មាន ១១ ប្រភេទ ដែលយើងទទួលយកបាន ប៉ុន្តែនៅតែប៊ូស្យា (Bocia) និងបាល់បោះពិការភ្នែក (Goalball) ប៉ុណ្ណោះដែលយើងមិនទាន់បានឃើញពីការជួសជុល ក៏ដូចជាទីលានប្រកួត (floor) មែនទែន»។ លោក Osoth បានបន្ថែម។
ជុំវិញភូមិកីឡា ប្រធានសហព័ន្ធសញ្ជាតិថៃរូបនេះបានបន្តឲ្យដឹងទៀតថា «យើងព្រួយបារម្ភអំពីជណ្ដើរយន្ត ថាតើមានជណ្ដើរយន្តប៉ុន្មាន ទោះបីជាយ៉ាងណាក៏ដោយ ដោយសារភូមិកីឡានៅជិតទីតាំងប្រកួត ដូច្នេះយើងមិនចាំបាច់មានការដឹកជញ្ជូនពីកន្លែងមួយទៅកន្លែងមួយ ពួកគាត់មួយចំនួនអាចធ្វើដំណើរថ្មើរជើងពីភូមិកីឡា ទៅកីឡដ្ឋានបាន។ បញ្ហាព្រួយបារម្ភមួយទៀតរបស់យើងគឺបញ្ហាទំហំទ្វារបន្ទប់ទឹក ថាតើរទេះរបស់អត្តពលិកអាចចូលបាន ឬយ៉ាងណា ពីព្រោះយើងមិនទាន់បានឃើញនៅឡើយ ដូច្នេះយើងសង្ឃឹមថាបានឃើញទំហំទ្វារស្តង់ដារ»។
លោក Osoth Bhavilai បានសម្ដែងសុទិដ្ឋិនិយមថា កីឡដ្ឋាន និងទីលានប្រកួតភាគច្រើនគឺថ្មី ដែលមិនមែនជាកង្វល់ដ៏ធំឡើយ អ្វីដែលសំខាន់លោកត្រូវការការធ្វើការឲ្យបានកាន់តែជិតស្និទ្ធជាមួយ CAMAPGOC ដើម្បីអាចធ្វើឲ្យការរៀបចំបានកាន់តែល្អប្រសើរ។
ការប្រកួតកីឡាអាស៊ានប៉ារ៉ាហ្គេម លើកទី ១២ ឆ្នាំ ២០២៣ នៅកម្ពុជា បានអនុម័តប្រភេទកីឡារួចរាល់ហើយ ដោយសម្រេចយកកីឡា ១៣ ប្រភេទ បូកកីឡាសម្ដែង ១ ប្រភេទ ក្នុងនោះផងដែរ ទីលានប្រកួតចំនួន ១៣ គឺមាន ១១ ទីលាន នឹងធ្វើការប្រកួតនៅក្នុងពហុកីឡដ្ឋានជាតិមរតកតេជោ និង ២ ទីតាំងផ្សេងទៀត ប្រកួតនៅក្រៅពីពហុកីឡដ្ឋានជាតិមរតកតេជោ។ ការប្រកួត នឹងធ្វើឡើងពីថ្ងៃទី ០៣ ដល់ថ្ងៃទី ០៩ ខែមិថុនា ឆ្នាំ ២០២៣៕
អត្ថបទ ៖ មន្នីរ័ត្ន
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ