កីឡា

កុក បូរីស មិនអាចលេងបានទេ កម្ពុជា ប៉ះ ព្រុយណេ ស្អែកនេះ

បានផុស

២ years មុន

នៅ

ថ្ងៃពុធ ២៨ ធ្នូ ២០២២

ដោយ

ខ្សែការពារ កុក បូរីស មិនអាចលេងបានទេនៅពេលក្រុមជម្រើសជាតិកម្ពុជា ទទួល ជម្រើសជាតិ ព្រុយណេ វេលាម៉ោង៥ល្ងាច ផ្សាយផ្ទាល់ដោយទូរទស្សន៍ BTV ថ្ងៃព្រហស្បតិ៍ ទី២៩ ខែធ្នូ នេះសម្រាប់ការប្រកួតសន្សំពិន្ទុលើកទី៣ ក្នុងពូល A នៃជម្រើសជើងឯក AFF Championship ឆ្នាំ២០២២។

សម្រាប់ការប្រកួតដែលកម្ពុជាឈ្នះហ្វីលីពីន ដោយលទ្ធផល ៣-២ កាលពីថ្ងៃទី២០ ខែធ្នូ កន្លងទៅនេះ កុក បូរីស ត្រូវបានប្តូរចូលជំនួស អន ចាន់ប៉ូលីន ហើយបានបង្កកំហុសត្រូវបានអាជ្ញាកណ្តាលពិន័យកាតលឿង នៅនាទីទី ៦៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលកម្ពុជាចាញ់ម្ចាស់ផ្ទះឥណ្ឌូនេស៊ី ដោយលទ្ធផល ១-២ កាលពីថ្ងៃទី២៣ ខែធ្នូ កន្លងទៅនេះ កុក បូរីស ត្រូវបានប្តូរចូលជំនួស អ៊ិន សូដេវិដ នៅនាទី ៦៧ ហើយបង្កកំហុសត្រូវបានអាជ្ញាកណ្តាលពិន័យកាតលឿង នៅនាទី៦៨។ ដូច្នេះការទទួលបានពិន័យកាតលឿង២លើកជាប់គ្នា ខ្សែការពារកម្ពុជារូបនេះមិនអាចលេងបានទេនៅពេលកម្ពុជាប្រកួតជាមួយព្រុយណេ ថ្ងៃទី២៩ ខែធ្នូនេះ។ រូបគេជាកីឡាករកម្ពុជាតែម្នាក់គត់ដែលទទួលបានកាតលឿងសម្រាប់ការប្រកួតទាំងពីរលើករបស់កម្ពុជា។

ចំណែកកីឡាករព្រុយណេវិញ ខ្សែការពារ Awang Jufri ក៏មិនអាចលេងបានដែរសម្រាប់ការប្រកួតជាមួយកម្ពុជា ដោយសាររូបគេទទួលបានពិន័យកាតក្រហមនៅពេល ព្រុយណេ ចាញ់ឥណ្ឌូនេស៊ី ០-៧ កាលពីថ្ងៃទី២៦ ខែធ្នូ កន្លងទៅ។

សូមបញ្ជាក់ថា ព្រុយណេ អស់ឱកាសឡើងវគ្គបន្តហើយ បន្ទាប់ពីចាញ់៣ប្រកួតជាប់គ្នាគឺចាញ់ថៃ ០-៥, ចាញ់ ហ្វីលីពីន ១-៥ និងចាញ់ឥណ្ឌូនេស៊ី ០-៧។ ថ្ងៃស្អែកជាការប្រកួតបង្ក្រប់កិច្ចរបស់ ព្រុយណេ ខណៈកម្ពុជា ជាការប្រកួតលើកទី៣ បន្ទាប់ពីលើកទី១ឈ្នះ ហ្វីលីពីន ៣-២, លើកទី២ ចាញ់ឥណ្ឌូនេស៊ី ១-២ និងថ្ងៃទី២ ខែមករា ឆ្នាំ២០២៣ ខាងមុខ ត្រូវប្រកួតបញ្ចប់សន្សំពិន្ទុក្នុងពូលជាមួយម្ចាស់ផ្ទះថៃ៕