សហព័ន្ធខ្មែរកីឡាទោចក្រយានកម្ពុជា គ្រោងរៀបចំ Pre Sea games ដើម្បីពង្រឹងសមត្ថភាព គណៈកម្មការ

ដោយមានឃើញមានចំណុចខ្វះខាតមួយចំនួន សម្រាប់ការរៀបចំជាលក្ខណៈអន្តរជាតិ ចំពោះគណៈកម្មាការ សហព័ន្ធខ្មែរកីឡាទោចក្រយានកម្ពុជា គ្រោងរៀបចំឲ្យមានការប្រកួតលក្ខណៈអន្តរជាតិ ពិសេស Pre Sea games ដើម្បីទទួលបានបទពិសោធន៍កាន់ច្បាស់សម្រាប់ដឹកនាំការប្រកួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នូ ចំរើន អគ្គលេខាធិការសហព័ន្ធខ្មែរកីឡាទោចក្រយានកម្ពុជា បានលើកឡើងថា ចំពោះការរៀបចំយើង ទទួលស្គាល់ថា មិនល្អ១០០ភាគរយនោះទេ ប៉ុន្តែយើងអាចវាយតំលៃបានថា ពួកគាត់បានខិតខំប្រឹងប្រែងខ្លាំង ក្នុងការទទួលខុសត្រូវ មុខជំនាញរបស់គាត់តាមផ្នែករៀងៗខ្លួន ។ យើងក៍ទទួលស្គាល់ថា យើងមានចំណុចខ្វះខាត ចន្លោះប្រហោងខ្លះ​ក្នុងការរៀបចំ ដោយសារយើងមានរយៈពេលការប្រកួតមានតែ១ថ្ងៃ ដូច្នេះគណៈកម្មការទាំងអស់ មានការនឿយហត់ ក៍ដូចជា ចំនួនក៍មិនគ្រប់គ្រាន់នៅក្នុងការរៀបចំ។

អគ្គលេខាធិការដដែល អះអាងថា បើនិយាយពីការប្រើប្រាស់ភាសាចំពោះគណៈកម្មាការយើងមិនមានបញ្ហាចោទនោះទេ ព្រោះមួយចំនួនគាត់មានការយល់ដឹងពីភាសារ ប៉ុន្តែអ្វីដែលជាបញ្ហានោះ គឺការធ្វើជាលក្ខណៈអន្តរជាតិ ដោយសារ ពួកគាត់មិនដែលធ្លាប់រៀបចំ ដូច្នេះយើងសង្ឃឹមថានិងមានការប្រកួតជា Pre Sea Games ឬប្រកួតអន្តរជាតិណាមួយ ដែលធ្វើឲ្យគាត់ កាន់តែមានការយល់ច្បាស់ ក៍ដូចជាជំនាញក្នុងការរៀចំ បែបលក្ខណៈអន្តរជាតិ។

កន្លងមកសហព័ន្ធក៍មានវគ្គបណ្តុះបណ្តាលជាអន្តរជាតិមួយ ដែលរៀនតាមអនឡាញ ប៉ុន្តែយើងអត់ទាន់ បានបញ្ចូន ពួកគាត់ទៅធ្វើទេ ដោយសារលុះណាតែពួកគាត់ទទួលបានវិញ្ញាបនប័ត្រទទួលស្គាល់ជាផ្លូវការសិន ទើបពួកគាត់អាច ចូលរួមកាត់សេចក្តីការប្រកួតលក្ខណៈអន្តរជាតិបាន។នេះជាការបញ្ចាក់បន្ថែមរបស់ លោកនូ ចំរើន។

គួរបញ្ចាក់ដែរថា តាមរយៈការចុះពិនិត្យផ្ទាល់ទីលានប្រកួត របស់អ្នកជំនាញការរៀបចំការប្រកួតកីឡាស៊ីហ្គេម បានកណត់ឲ្យសហព័ន្ធរៀបចំការប្រកួតឲ្យបានមុនព្រឹត្តការណ៍មកដល់ ចន្លោះក្នុងខែ កុម្ភៈ ឬ មិនា ពីព្រោះអាចមានរយៈពេល៣ខែ មុននិងការប្រកួតស៊ីហ្គេម ។

ការប្រកួតកីឡាស៊ីហ្គេមដែលនិងចាប់ផ្តើមនាខែឧសភាខាងមុខ ប្រភេទកីឡាទោចក្រយាន និង មានគណៈកម្មាការ អន្តរជាតិចំនួន១១រូបចូលរួមកាត់សេចក្តី ក្នុងនោះក៍មានគណៈកម្មាការថ្នាក់ជាតិរបស់កម្ពុជាចំនួន៣០រូបដើម្បីជួយ ការងារមួយចំនួនទៀតឲ្យមានភាពរលូនផងដែរ ៕