កីឡា

អ្នកចុះឈ្មោះចូលរួមការប្រកួតប្រណាំងកង់ «កីឡាដើម្បីទេសចរណ៍ ទេសចរណ៍ដើម្បីទាំងអស់គ្នា» បានជិត១០០នាក់ហើយ

បានផុស

១០ ខែ មុន

នៅ

ថ្ងៃអង្គារ ៩ កញ្ញា ២០២៥

ដោយ

សហព័ន្ធកីឡាទោចក្រយានបានឲ្យដឹងថា គិតមកដល់ពេលនេះអ្នកចុះឈ្មោះចូលរួមការប្រកួតប្រណាំងកង់ក្នុងព្រឹត្តិការណ៍ «កីឡាដើម្បីទេសចរណ៍ ទេសចរណ៍ដើម្បីទាំងអស់គ្នា» បានជិត ១០០នាក់ហើយ ស្របពេលការទទួលចុះឈ្មោះនៅតែបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គលេខាធិការសហព័ន្ធកីឡាទោចក្រយាន លោក នូ ចំរើន បានឲ្យដឹងថា ព្រឹត្តិការណ៍លើកស្ទួយវិស័យទេសចរណ៍នៅខេត្តព្រះសីហនុមានអ្នកចុះឈ្មោះបានប្រហែលជិត ១០០នាក់ហើយនៅពេលនេះ។ សហព័ន្ធជឿជាក់ថានឹងមានអ្នកចុះឈ្មោះចូលរួមប្រកួតបន្ថែមទៀត ពីព្រោះសន្ទុះនៃការគាំទ្រវិស័យកីឡាទោចក្រយានបានកំពុងកើនឡើង និងជាព្រឹត្តិការណ៍កម្សាន្តសប្បាយលើកស្ទួយវិស័យទេសចរណ៍ផង។

សហព័ន្ធក៏នៅតែបន្តទទួលការចុះឈ្មោះពីមហាជនផងដែរដែលមានបំណងចូលរួមប្រកួតប្រជែងក្នុងព្រឹត្តិការណ៍ដែលនឹងធ្វើនៅខេត្តព្រះសីហនុលើកនេះ។ ចូលរួមលើកស្ទួយវិស័យកីឡាក្នុងស្រុកឲ្យកាន់តែផុលផុស និងបង្កើនការផ្សព្វផ្សាយឲ្យបានដល់ភ្ញៀវជាតិ-អន្តរជាតិបន្ថែមទៀត។

ប្រសិនបើមហាជនចង់ចុះឈ្មោះចូលរួមការប្រកួតប្រណាំងកង់ភ្នំ ចម្ងាយ ៣០គីឡូម៉ែត្រអាចទាក់ទងទៅកាន់សហព័ន្ធបាន។ ការចុះឈ្មោះចូលរួមមិនតម្រូវឲ្យបង់ថវិកានោះទេស្របពេលអ្នកឈ្នះទទួលបានប្រាក់រង្វាន់លើកទឹកចិត្តទៀតផង។ ព្រឹត្តិាករណ៍ «កីឡាដើម្បីទេសចរណ៍ ទេសចរណ៍ដើម្បីទាំងអស់គ្នា» ខាងផ្នែកប្រណាំងកង់ភ្នំនេះនឹងធ្វើឡើងនៅព្រឹកថ្ងៃសុក្រ ទី១៩ ខែកញ្ញា ឆ្នាំ២០២៥៕