កីឡា
ម៉ាឡេស៊ី ចង់ឈ្នះមេដាយមាស តែ១គត់ពីកីឡាវូស៊ូ ក្នុងស៊ីហ្គេម នៅកម្ពុជា
សហព័ន្ធកីឡាវូស៊ូម៉ាឡេស៊ី (WFM) បានកំណត់យកមេដាយមាសតែ១គ្រឿងប៉ុណ្ណោះ ក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ២០២៣ នៅព្រះរាជាណាចក្រកម្ពុជា។
លោក Chong Kim Fatt ប្រធានសហព័ន្ធកីឡាវូស៊ូម៉ាឡេស៊ី បាននិយាយថា គោលដៅទាបត្រូវបានកំណត់ បន្ទាប់ពីសហព័ន្ធកីឡាវូស៊ូ ប្រចាំទ្វីបអាស៊ី (WFA) ណែនាំទម្រង់ការប្រកួតថ្មីដែលមានការប្រកួតប្រជែងជាងមុន ដោយរួមបញ្ចូលគ្នានូវវិញ្ញាសាចំនួន ២ នៅក្នុងវិញ្ញាសាថាវលូ (Taolu) ដែលនឹងបង្ហាញខ្លួនជាលើកដំបូងនៅក្នុងព្រឹត្តិការណ៍កីឡានារាជធានីភ្នំពេញ ចាប់ពីថ្ងៃទី០៥ ដល់ថ្ងៃទី១៧ ខែឧសភា។
លោក Chong Kim Fatt ប្រធាសហព័ន្ធកីឡាវូស៊ូនៃប្រទេសម៉ាឡេស៊ី បាននិយាយថា «វាពិតជានឹងមានការលំបាកនៅពេលដែលការរួមបញ្ចូលគ្នាត្រូវបានបង្កើតឡើង ប៉ុន្តែខ្ញុំមានទំនុកចិត្តថា ប្រសិនបើគោលដៅគឺផ្អែកលើថាវលូ Taolu នោះឱកាសនឹងកាន់តែប្រសើរជាងនេះ ដោយសារពួកគេនៅតែធ្វើការហ្វឹកហាត់ក្នុងអំឡុងពេលជំងឺរាតត្បាតកូវីដ-១៩»។
«ប្រហែលជាគោលដៅរបស់យើងគឺទាបជាងមេដាយដែលយើងធ្លាប់បានឈ្នះនៅវៀតណាម ព្រោះលើកនេះមានអត្តពលិកថ្មីកាន់តែច្រើន ប៉ុន្តែជាមួយនឹងលទ្ធភាពដែលម្ចាស់ជើងឯកពិភពលោក Wong Wen Son មានវត្តមាន វានឹងជួយប្រទេសនេះបង្កើតការប្រកួតប្រជែងដ៏ល្អក្នុងកម្រិតអន្តរជាតិ» លោកបានបន្ថែម។
លោកមានទំនុកចិត្តថា ក្រុមកីឡាវូស៊ូជាតិម៉ាឡេស៊ីនឹងអាចនាំយកមេដាយប្រាក់ និងមេដាយសំរឹទ្ធមកផ្ទះ ក្នុងវិញ្ញាសាថាវលូ (Taolu) ក្នុងការប្រកួតកីឡាដ៏ល្បីបំផុតនៅអាស៊ីអាគ្នេយ៍។ សម្រាប់ការប្រកួត ស៊ីហ្គេម លើកទី៣១ ប្រទេសម៉ាឡេស៊ី ក្រុមជម្រើសជាតិវូស៊ូម៉ាឡេស៊ី បានឈ្នះមេដាយមាស២គ្រឿង ប្រាក់១គ្រឿង និងសំរឹទ្ធ២គ្រឿង ដែលទាំងអស់នេះសុទ្ធតែនៅក្នុងវិញ្ញាសាថាវលូ។
កីឡាវូស៊ូ មានដើមកំណើតនៅប្រទេសចិន ហើយមូលដ្ឋានគ្រឹះសំខាន់នៃក្បាច់គុននេះ គឺហ្វឹកហាត់ដើម្បីទទួលបានសុខភាពល្អ ស្មារតីភ្លឺថ្លា និងរាងកាយមាំមួន។ កីឡានេះត្រូវបានដាក់បញ្ចូលលើកដំបូងក្នុងព្រឹត្តិការណ៍កីឡាអាស៊ីអាគ្នេយ៍ លើកទី១៦ ឆ្នាំ១៩៩១ នៅប្រទេសហ្វីលីពីន៕
ប្រភព៖ bernama.com
អត្ថបទ ៖ មន្នីរ័ត្ន
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%