កីឡា
ហេតុអ្វី Messi មិនទាន់បន្តកុងត្រាជាមួយ PSG?
យោងតាមសារព័ត៌មាន El Nacional តារាឆ្នើមរបស់ក្លិប Paris Saint-Germain (PSG) Lionel Messi បានធ្វើសំណើមួយចំនួនទៅកាន់ក្លិបបច្ចុប្បន្នរបស់ខ្លួន។ Messi មិនទាន់ឈានដល់ការព្រមព្រៀងលើការបន្តកុងត្រាថ្មីនៅឡើយទេ។
របាយការណ៍បានអះអាងថា Messi ដែលបច្ចុប្បន្នរកបាន ៤១លានដុល្លារក្នុងមួយរដូវកាលចង់បានការកើនឡើងបន្ថែមទៀតចំពោះប្រាក់ឈ្នួលបច្ចុប្បន្នរបស់គេជាមួយក្រុមនៅលីគកំពូលបារាំង (Ligue 1) មួយនេះ។
លក្ខខណ្ឌមួយទៀតគឺ Messi ចង់ឲ្យក្លិបបារាំងពង្រឹងក្រុមរបស់ខ្លួនឱ្យកាន់តែខ្លាំងទៀត។ ខណៈពេលដែល PSG ជាក្រុមខ្លាំងរួចទៅហើយនៅក្នុងលីគបារាំង ប៉ុន្តែពួកគេនៅមិនទាន់អាចប្រកួតប្រជែងនៅក្នុងក្របខណ្ឌទ្វីបអឺរ៉ុប UEFA Champions League បាននៅឡើយ។ Messi ចង់ឱ្យក្រុមពង្រឹងបន្ថែមទៀត និងប្រជែងយកពានទាំងអស់តាមដែលអាចធ្វើទៅបាន។
កីឡាករអាហ្សង់ទីនរូបនេះបានធ្វើសំណើមួយទៀត ដែលក្លិបត្រូវបានគេទុកឱ្យមានការយល់ច្រឡំ។ វាត្រូវបានគេរាយការណ៍ថា គេចង់សម្រាកបន្ថែមជាមួយក្លិប នៅពេលដែលចេញទៅចូលរួមជាមួយក្រុមជម្រើសជាតិអាហ្សង់ទីន។
ក្រុមជម្រើសជាតិអាហ្សង់ទីនប្រកួតច្រើនដងក្នុងមួយឆ្នាំ ហើយពួកគេមកជាមួយនឹងការទទួលខុសត្រូវបន្ថែមលើការធ្វើដំណើរផងដែរ។ ជាលទ្ធផល Messi ចង់បានការសម្រាកបន្ថែម ដែលអាចមានន័យថា គេនឹងខកខានការប្រកួត Ligue 1 មួយចំនួន។
PSG បានរកឃើញសំណើចុងក្រោយរបស់ Lionel Messi ថាជាសំណើដ៏អាម៉ាស់មួយ នេះបើយោងតាមរបាយការណ៍ខាងលើ។
ម្ចាស់ពានរង្វាន់ Ballon d’Or ៧សម័យកាល បច្ចុប្បន្នកំពុងស្ថិតក្នុងខែចុងក្រោយនៃកិច្ចសន្យារបស់ខ្លួនជាមួយក្លិបបារាំង។ គេបានចូលរួមជាមួយក្រុមនៅឆ្នាំ២០២១ ហើយចាប់តាំងពីពេលនោះមកបានបង្ហាញខ្លួនចំនួន ៦១ដងក្នុងការប្រកួតទាំងអស់ ដោយស៊ុតបញ្ចូលទីបាន ២៧គ្រាប់ និងបញ្ចូនបាល់ ២៩ដង។
ទោះបីជាមានវ័យ ៣៥ឆ្នាំក៏ដោយ Lionel Messi នៅតែជាកីឡាករដ៏សំខាន់បំផុតរបស់អាហ្សង់ទីន។ ថ្មីៗនេះគេបានជួយឱ្យអាហ្សង់ទី ឈ្នះពានរង្វាន់បាល់ទាត់ពិភពលោក FIFA World Cup នៅប្រទេសកាតា ដោយស៊ុតបញ្ចូលទីបាន ៧គ្រាប់ និងបញ្ចូនបាល់ ២ដង។
ទោះជាយ៉ាងណា Messi នៅមិនទាន់មានលក្ខខណ្ឌជាមួយ PSG អំពីការបន្តកុងត្រារបស់គេនៅឡើយទេ។ របាយការណ៍បង្ហាញថា បុរសអាហ្សង់ទីនរូបនេះ ប្រហែលជាមិនបន្តស្នាក់នៅក្នុងរដ្ឋធានីបារាំងទៀតទេ៕
ប្រភព៖ sportskeeda.com
អត្ថបទ៖ មន្នីរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង