កីឡា

ថ្ងៃនេះ គង់ សំបូរ ប៉ះជើងខ្លាំងម្ចាស់ខ្សែក្រវាត់ WBC ធ្លាប់ចាញ់កីឡាករកម្ពុជា២ដង

បានផុស

៣ years មុន

នៅ

ថ្ងៃសៅរ៍ ៤ មីនា ២០២៣

ដោយ

កីឡាករប្រដាល់កម្ពុជា គង់ សំបូរ ត្រូវប្រកួតជាមួយកីឡាករអ៉ីរ៉ង់ Sajad Sattari នៅសង្វៀនល្បីឈ្មោះរបស់ប្រទេសថៃ Rajadamnern World Series នៅថ្ងៃសៅរ៍ ទី៤ ខែមីនានេះដោយមានការផ្សាយផ្ទាល់លើទូរទស្សន៍ Workpoint 23។

សម្រាប់ដៃគូរបស់ គង់ សំបូរ ក៏ជាជើងខ្លាំងពិតប្រាកដម្នាក់ដែលមានបទពិសោធច្រើនទាំងមួយថៃ និងឃីកបុកស៊ីង។ Sajad Sattari អាយុ២១ឆ្នាំបានចាប់ប្រឡូកក្នុងអាជីពប្រដាល់តាំងពីឆ្នាំ២០១៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លងកាត់ការប្រកួតផ្លូវការលើសង្វៀន២៩ ក្នុងនោះឈ្នះ២១ដង ចាញ់៨ដង និងស្មើ១ ហើយធ្លាប់ផ្តួលដៃគូឲ្យសន្លប់១៣ដង។ បើនិយាយពីសមិទ្ធផលវិញ កីឡាករអ៉ីរ៉ង់រូបនេះធ្លាប់ឈ្នះជលងឯកច្រើនក្នុងកម្រិតយុវជន ប៉ុន្តែសម្រាប់ការប្រកួតធំពេញវ័យគឺឈ្នះខ្សែក្រវាត់មួយថៃ WBC ឆ្នាំ២០២២កន្លងទៅថ្មីនេះដែលបានក្លាយជាកីឡាករអ៉ីរ៉ង់ទីមួយក្នុងការឈ្នះខ្សែក្រវាត់អន្តរជាតិមួយនេះ។

Sajad Sattari ធ្លាប់បានប្រកួតជាមួយកីឡាករកម្ពុជា៣ដងហើយ។ លើកទី១ រូបគេបានប្រកួតឈ្នះកីឡាករ អេលីត ភក្តី ដោយពិន្ទុកាលពីឆ្នាំ២០១៩ នៅសង្វៀន CNC ហើយនៅសង្វៀនដដែលនេះ រូបគេបានប្រកួតចាញ់ ឡុង សំណាង ដោយពិន្ទុ២ដង។

ជំនួបជាមួយ គង់ សំបូរ គឺជាការជួបកីឡាករកម្ពុជាទី៣ ប៉ុន្តែជាលើកដំបូងដែលរូបគេប្រកួតជាមួយកីឡាករកម្ពុជាលើទឹកដីប្រទេសថៃ៕

អត្ថបទ៖ វីរបុត្រ