កីឡា
សហព័ន្ធប៊ូលនិងប៉េតង់កម្ពុជា នឹងរៀបចំការប្រកួតកីឡាជ្រើសរើសជើងឯក ឆ្នាំ២០២០នាចុងខែនេះ
ការប្រកួតកីឡាប៉េតង់ជ្រើសរើសជើងឯកថ្នាក់ជាតិ ប្រចាំឆ្នាំ២០២០ គ្រោងនឹងរៀបចំរយៈពេលបីថ្ងៃ ចាប់ពីថ្ងៃទី ២៩ ដល់ថ្ងៃទី៣១ ខែមករា ឆ្នាំ២០២១ខាងមុខ នៅទីលានសហព័ន្ធក្នុងពហុកីឡដ្ឋានជាតិ។ ការប្រកួតជើងឯកថ្នាក់ជាតិនេះ ក្រោមគម្រោងថវិកាគាំទ្ររបស់ក្រសួងអប់រំ យុវជន និង កីឡា។ នេះបើតាមការប្រកាសជូនដំណឹងជាផ្លូវការរបស់សហព័ន្ធកីឡាប៊ូលនិងប៉េតង់កម្ពុជា។
លោក ស សុខា ប្រធានសហព័ន្ធកីឡាប៊ូលនិងប៉េតង់កម្ពុជា បានបញ្ជាក់នៅក្នុងសេចក្តីជូនដំណឹងថា នេះជាការប្រកាសជូនដំណឹងជូនដល់ប្រធានសមាគម ក្លឹបកីឡាប៊ូល និងប៉េតង់ នៅតាមក្រសួងស្ថាប័ន រាជធានី-ខេត្ត ដើម្បីបញ្ជូនកីឡាករ កីឡាការិនីរបស់ខ្លួន ចូលរួមប្រកួតប្រជែងមេដាយ នៅក្នុងព្រឹត្តិការណ៍ថ្នាក់ជាតិ ប្រចាំឆ្នាំ២០២០។ សមាគម ក្លឹប ដែលអាចចុះឈ្មោះចូលរួមប្រកួតបាន គឺក្នុង១ក្រុមបានតែ១ វិញ្ញាសាប៉ុណ្ណោះ ហើយការទទួលពាក្យចូលរួមប្រកួតនៅតែបន្តរហូតដល់ថ្ងៃទី២៥ ខែមករា ឆ្នាំ២០២១ នៅទីស្នាក់ការសហព័ន្ធប៊ូល និងប៉េតង់ កម្ពុជា ក្នុងពហុកីឡដ្ឋានជាតិ ខណៈការប្រជុំចាប់ឆ្នោតចាប់ពូលប្រកួតគ្រោងនឹងធ្វើឡើង នាថ្ងៃទី២៨ ខែមករា ឆ្នាំ២០២១ វេលាម៉ោង ២រសៀលនៅទីស្នាក់ការសហព័ន្ធ។
ចំពោះវិញ្ញាសា ដែលដាក់ឲ្យប្រកួតប្រជែងមានចំនួន៦រួមមាន៖ ១-វិញ្ញាសាបុរស ៣នាក់ ទល់៣នាក់ (ពានធំ), វិញ្ញាសានារី ៣នាក់ ទល់៣នាក់, យុវជន១៨ឆ្នាំចុះ ៣នាក់ទល់៣នាក់ (ឆ្នាំកំណើតពីឆ្នាំ២០០២), យុវនារី ១៨ឆ្នាំចុះ ២នាក់ទល់២នាក់ (ឆ្នាំកំណើតពីឆ្នាំ២០០២), យុវជនអាយុ១៥ឆ្នាំចុះ ១នាក់ទល់១នាក់ (ឆ្នាំកំណើតពីឆ្នាំ២០០៥) និងវិញ្ញាសា១៥ឆ្នាំចុះ ១នាក់ទល់១នាក់ (ឆ្នាំកំណើតពីឆ្នាំ ២០០៥)។
សូមបញ្ជាក់ថា កាលពីការប្រកួតជើងឯកឆ្នាំមុន សហព័ន្ធបានដាក់វិញ្ញាសាឲ្យប្រកួត តែចំនួន៥វិញ្ញាសាប៉ុណ្ណោះ មានគណៈប្រតិភូ គ្រូបង្វឹក និងកីឡាករ-កីឡាការិនី ចំនួន ៣៨៣នាក់ មកពីសមាគមនិងក្លិបចំនួន៣៧ មកពី២៥រាជធានី-ខេត្ត ហើយក្រុមកីឡាប៉េតង់ទីស្តីគណៈរដ្ឋមន្ត្រី បានគ្រងតំណែងជើងឯកការប្រកួតកីឡាប៉េតង់ជើងឯកថ្នាក់ជាតិឆ្នាំ២០១៩ លើវិញ្ញាសាប្រកួត៣នាក់ទល់៣នាក់បុរសក្របខ័ណ្ឌក១(ពានធំ) ខណៈក្រុមកីឡាប៉េតង់ក្រសួងការពារជាតិ ទទួលបានចំណាត់ថ្នាក់លេខ២៕
អត្ថបទ៖ វិសិទ្ធ
សូមចុចអាន៖ ព្រឹត្តិការណ៍ជិះកង់ ដើម្បីផ្សព្វផ្សាយទេសចរណ៍ និងសក្តានុពល ខេត្តព្រះសីហនុ
-
ព័ត៌មានជាតិ១ សប្តាហ៍ agoប្រាសាទសក្ល នៅតែជាគោលដៅទាក់ទាញ សម្រាប់អ្នកស្រាវជ្រាវ និងភ្ញៀវទេសចរ ស្វែងយល់អរិយធម៌ខ្មែរ
-
ព័ត៌មានជាតិ៦ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៣ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានជាតិ១ សប្តាហ៍ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ១ សប្តាហ៍ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ១៧ ម៉ោង agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានជាតិ៥ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានអន្ដរជាតិ៦ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស