កីឡា
Son Heung Min សារភាពថា រូបគេជាចំណែកធំមួយធ្វើឲ្យលោក Conte ត្រូវបណ្ដេញចេញពីតំណែង
ខ្សែប្រយុទ្ធវ័យ៣០ឆ្នាំ Son Heung Min បានទម្លាយអារម្មណ៍ពិតក្នុងកិច្ចសម្ភាសន៍មួយថា ខ្លួនគឺជាហេតុផលមួយនិងរួមចំណែកដ៏ធំ ដែលធ្វើឲ្យគ្រូបង្វឹកជនជាតិអ៊ីតាលីលោក Antonio Conte បាត់បង់ការងាររបស់គាត់។
![](https://www.kampucheathmey.com/wp-content/uploads/2023/03/image-2408.png)
បន្ទាប់ពីការបរាជ័យក្នុងការប្រកួតមិត្តភាព ២-១ របស់កូរ៉េខាងត្បូងក្រោមស្នាដៃក្រុមអ៊ុយរូហ្គាយ Son Heung Min បានបើកចំហអំពីការបណ្តេញលោក Conte ចេញពីតំណែងជាអ្នកចាត់ការទូទៅរបស់ក្លឹបមាន់ខ្នាយមាស Tottenham Hotspur ដោយបានស្តីបន្ទោសខ្លួនឯងចំពោះទម្រង់លេងមិនល្អរបស់លោក។ មិនបានធ្វើតាមអ្វីដែលលោក Conte ចង់បាន រហូតដល់ភាគីម្ខាងទៀតត្រូវបណ្ដេញចេញ។
ជម្រើសជាតិកូរ៉េខាងត្បូងរូបនេះបាននិយាយទាំងសោកសៅថា “ខ្ញុំចង់សុំទោសគាត់! គាត់គឺជាគ្រូបង្វឹកលំដាប់ពិភពលោក ហើយខ្ញុំដឹងគុណគាត់ខ្លាំងណាស់! ខ្ញុំមានអារម្មណ៍ខុស សូមទទួលខុសត្រូវក្នុងការបណ្ដេញគាត់ចេញពីក្លឹប។ ខ្ញុំគួរតែបង្ហាញការសម្ដែងបន្ថែមទៀត។ ប៉ុន្តែខ្ញុំមិនអាចទេ! ខ្ញុំមិនអាចជួយក្រុមបានទេ ខ្ញុំពិតជាសោកស្ដាយចំពោះលោក Conte”។
កីឡាករបាល់ទាត់ Son Heung Min បានបន្ថែមទៀតថា “គាត់គឺជាអ្នកគ្រប់គ្រងដែលមានទេពកោសល្យដ៏អស្ចារ្យ និងមានបទពិសោធន៍ច្រើន។ កីឡាករផ្សេងទៀតគិតយ៉ាងណាចំពោះគាត់ ខ្ញុំមិនដឹងទេ។ ប៉ុន្តែខ្ញុំសុំទោសគាត់! យើងបានធ្វើដំណើរដ៏អស្ចារ្យជាមួយគ្នាមកច្រើនហើយ”។
ទោះយ៉ាងណា ក្នុងរយៈពេល ១៦ ខែក្រោមការដឹកនាំរបស់លោក Conte នៅក្លឹបមាន់ខ្នាយមាស Tottenham Hotspur កីឡាករបាល់ទាត់ Son ស៊ុតបញ្ចូលទីបាន ៣០ គ្រាប់ និងបញ្ជូនបាល់ ១២ ដងក្នុងការបង្ហាញខ្លួន ៦៩ លើក ខណៈកាលពីរដូវកាលមុន Son រកបាន ២៣ គ្រាប់ និងក្លាយជាកីឡាករស៊ុតបញ្ចូលទីច្រើនជាងគេនៅ Premier League ។ ប៉ុន្តែសម្រាប់រដូវកាលនេះវិញ Son ទើបតែរកបាន ៦ គ្រាប់ប៉ុណ្ណោះ ក្នុងការបង្ហាញខ្លួនក្នុង លីគនាពេលកន្លងមកនេះ ។
![](https://www.kampucheathmey.com/wp-content/uploads/2023/03/image-2407.png)
ប្រែសម្រួល៖ សាង ស្រីល័ក្ខ
ចុចអាន៖ជាទូតសុឆន្ទៈឲ្យប្រេនតែមួយ តែតារាថៃ Bright វ៉ាដាច់ Son Heung Min រកចំណូលខ្ពស់បំផុត
ចុចអាន៖ហ្វេនស្រីៗស្ទើរគាំងស្មារតី ក្រោយ Son Heung Min ស្លៀកខោទ្រនាប់បង្អួតសាច់ដុំ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច២ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៩ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ