កីឡា

រកឃើញ៤ក្រុមឡើងវគ្គពាក់កណ្តាលផ្តាច់ព្រ័ត្រលីគខាប់២០២៣

បានផុស

៣ years មុន

នៅ

ថ្ងៃអាទិត្យ ៩ មេសា ២០២៣

ដោយ

ការប្រកួតពានរង្វាន់ខេមបូឌានលីគខាប់ ២០២៣ រកឃើញ៤ក្រុមឡើងវគ្គពាក់កណ្តាលផ្តាច់ព្រ័ត្រ បន្ទាប់ពីធ្វើការប្រកួតវគ្គសន្សំពិន្ទុក្នុងពូល៧សប្តាហ៍កន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការប្រកួតសប្តាហ៍ទី៧ ថ្ងៃអាទិត្យ ទី៩ ខែមេសានេះ ពូល B ក្រុមណាហ្គាវើលដ៏ ទទួលបានជ័យជម្នះយ៉ាងធំធេងលើក្រុមម្ចាស់ផ្ទះអង្គរថាយហ្គឺរ ដោយលទ្ធផល០-៧ ខណៈម៉ោងដំណាលគ្នានេះ ព្រះខ័នរាជស្វាយរៀង បានត្រឹមស្មើជាមួយម្ចាស់ផ្ទះ អាយអេសអាយ ដង្កោសែនជ័យ ដោយលទ្ធផល ២-២។ ដូច្នេះនៅពូលនេះ ភ្នំពេញក្រោន ៦ប្រកួតឈ្នះទាំង៦ប្រកួតមាន១៨ពិន្ទុ ឈរលើកំពូលតារាង និង ណាហ្គាវើលដ៍ មាន១៣ពិន្ទុ ពីការឈ្នះ៤ ស្មើ១ និងចាញ់ ឈរលេខ២ ឡើងទៅកាន់វគ្គពាក់កណ្តាលផ្តាច់ព្រ័ត្រជាមួយភ្នំពេញក្រោន។

ចំណែកនៅពូល A អ្នកគាំទ្របានដឹងហើយកាលពីថ្ងៃសៅរ៍ ទី៨ ខែមេសា ដោយក្រុមកំពូលតារាង វិសាខា និងគិរីវង់សុខសែនជ័យ លេខ២ជាក្រុមឡើងទៅកាន់វគ្គពាក់កណ្តាលផ្តាច់ព្រ័ត្រ។

ក្រុមលេខ១ក្នុងពូល A ត្រូវប៉ះក្រុមលេខ២ ក្នុងពូល B ហើយលេខ២ក្នុងពូល A ត្រូវប៉ះ ក្រុមលេខ១ក្នុងពូល B។ ការប្រកួតវគ្គពាក់កណ្តាលផ្តាច់ព្រ័ត្រត្រូវធ្វើឡើងពីរជើងគឺក្នុងដី និងក្រៅដី៕

អត្ថបទ៖ វីរបុត្រ