កីឡា
យប់នេះ កម្ពុជា ប៉ះ ហ្វីលីពីន លើកទី៥ក្នុងស៊ីហ្គេម
ក្រុមបាល់ទាត់ជម្រើសជាតិកម្ពុជាអាយុក្រោម២២ឆ្នាំ (U22) ត្រូវប្រកួតជាមួយ U22 ហ្វីលីពីន វេលាម៉ោង៧យប់ ថ្ងៃអង្គារ៍ ទី២ ខែឧសភានេះ សម្រាប់ការប្រកួតសន្សំពិន្ទុក្នុងពូល A ជុំទី២ ក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣។
កាលប្រកួតប្រជុំទី១ ក្រុមម្ចាស់ផ្ទះកម្ពុជាបានឈ្នះទីម័រខាងកើតដោយលទ្ធផល ៤-០ ដើម្បីទទួលបាន៣ពិន្ទុពេញ ហើយដៃគូមិនទាន់ស៊ុតឡើយ ខណៈហ្វីលីពីនប្រកួតដំបូងបានចាញ់ឥណ្ឌូណេស៊ី ដោយលទ្ធផល ៣-០ ហើយក៏មិនទាន់ស៊ុតចូលដៃគូបានដែរ។
ឆ្លងកាត់ការប្រកួតមួយលើកដំបូងគ្នា កម្ពុជាកំពុងឈរលើកំពូលតារាងពូល A ហើយលេខ២ក្រុមឥណ្ឌូណេស៊ី ខណៈចំណាត់ថ្នាក់លេខ៣មីយ៉ាន់ម៉ា ហើយហ្វីលីពីនលេខ៤ និងលេខ៥ ទីម័រខាងកើត។
បើគិតតែក្នុងកីឡាស៊ីហ្គេម កម្ពុជា និង ហ្វីលីពីន ធ្លាប់ជួបគ្នា៤ដងគិតចាប់តាំងពីឆ្នាំ២០០៥មក។ លើកទី១ ស៊ីហ្គេម ឆ្នាំ២០០៥ ហ្វីលីពីនបានយកឈ្នះកម្ពុជាដោយលទ្ធផល ៤-២ ប៉ុន្តែជួបគ្នាលើកទី២ ស៊ីហ្គេម ឆ្នាំ២០១៥ កម្ពុជាបានឈ្នះហ្វីលីពីនវិញដោយលទ្ធផល ៣-១។ បន្ទាប់មកស៊ីហ្គេម ឆ្នាំ២០១៧ កម្ពុជាចាញ់ហ្វីលីពីន ០-២ និងចុងក្រោយ ស៊ីហ្គេម ឆ្នាំ២០១៩ ស្មើគ្នា ១-១។
ប្រសិនបើកម្ពុជាអាចរកបានជ័យជម្នះលើហ្វីលីពីនយប់នេះ ម្ចាស់ផ្ទះកម្ពុជានឹងមានរំពឹងក្នុងការឡើងទៅវគ្គពាក់កណ្តាលផ្តាច់ព្រ័ត្រ។ ផ្ទុយទៅវិញ ប្រសិនបើហ្វីលីពីនទទួលបានលទ្ធផលល្អ នោះហ្វីលីពីន កាន់តែមានកម្លាំងចិត្តប្រកួតជាមួយក្រុមបន្ទាប់ ដោយសារពួកគេបានឆ្លងកាត់ជាមួយក្រុមខ្លាំងក្នុងពូលគឺ ឥណ្ឌូណេស៊ីរួចហើយ។
សម្រាប់ម្ចាស់ផ្ទះកម្ពុជាមានការព្រួយបារម្ភខ្លះ ដោយសារប្រធានក្រុម សៀង ចន្ធា បានរបួសត្រូវបានប្តូរចេញនៅវគ្គទី២នៅពេលកម្ពុជាប្រកួតជាមួយទីម័រខាងកើត កាលពីថ្ងៃទី២៩ ខែមេសា។ រហូតដល់ពេលនេះមិនទាន់មានដំណឹងជាក់លាក់ពីរបួសរបស់ប្រធានក្រុមឡើយ។
យុវជនឆ្នើម ជូ ស៊ិនទិ រកបាន២គ្រាប់ម្នាក់ឯងពេលឈ្នះ ទីម័រខាងកើត ៤-០ និងរំពឹងមានវត្តមានលើទីលានទៀតយប់នេះ។ យុវជនគួរឲ្យចាប់អារម្មណ៍ម្នាក់ទៀតគឺ ស រតនា ត្រូវបានប្តូរចូលវគ្គទី២ ប៉ុន្តែរូបគេរកបាន១គ្រាប់ និង Assist បាន១គ្រាប់ ដូច្នេះប្រសិនបើ សៀង ចន្ធា មិនអាចលេងជម្រើស១១នាក់ដំបូងបាន រូបគេអាចជម្រើស។
ប្រវត្តិជួបគ្នា៤លើកក្នុងស៊ីហ្គេមរវាងកម្ពុជា និងហ្វីលីពីន
- កម្ពុជា ២-៤ ហ្វីលីពីន ស៊ីហ្គេម ២០០៥
- កម្ពុជា ៣-១ ហ្វីលីពីន ស៊ីហ្គេម ២០១៥
- កម្ពុជា ០-២ ហ្វីលីពីន ស៊ីហ្គេម ២០១៧
- កម្ពុជា ១-១ ហ្វីលីពីន ស៊ីហ្គេម ២០១៩
តារាងពិន្ទុបណ្តោះអាសន្ន ពូល A
- កម្ពុជា មាន៣ពិន្ទុ (១ប្រកួត)
- ឥណ្ឌូណេស៊ី មាន៣ពិន្ទុ (១ប្រកួត)
- មីយ៉ាន់ម៉ា មានសូន្យពិន្ទុ (មិនទាន់ប្រកួត)
- ហ្វីលីពីន មានសូន្យពិន្ទុ (១ប្រកួត)
- ទីម័រខាងកើតមានសូន្យពិន្ទុ (១ប្រកួត)
តារាងពិន្ទុបណ្តោះអាសន្ន ពូល B
- ថៃ មាន៣ពិន្ទុ (១ប្រកួត)
- វៀតណាម មាន៣ពិន្ទុ (១ប្រកួត)
- ម៉ាឡេស៊ី មានសូន្យពិន្ទុ (មិនទាន់ប្រកួត)
- សិង្ហបុរី មានសូន្យពិន្ទុ (១ប្រកួត)
- ឡាវ មានសូន្យពិន្ទុ (១ប្រកួត)
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ