កីឡា

វ៉ូវីណាមកម្ពុជាទទួលបានជោគជ័យបំផុតស៊ីហ្គេមឆ្នាំនេះធៀបស៊ីហ្គេមមុនៗ

បានផុស

៣ years មុន

នៅ

ថ្ងៃពុធ ១០ ឧសភា ២០២៣

ដោយ

ការប្រកួតកីឡាវ៉ូវីណាមក្នុងព្រឹត្តិការណ៍កីឡាស៊ីហ្គេម លើកទី៣២ បានបញ្ចប់កាលពីថ្ងៃទី៩ ខែឧសភា បន្ទាប់ពីធ្វើការប្រកួតតាំងពីថ្ងៃទី៦ ខែឧសភា។ ជាលទ្ធផលក្រុមអត្តពលិកវ៉ូវីណាមកម្ពុជាទទួលបានមេដាយច្រើនជាងគេគឺមាស១០ ប្រាក់៨ និងសំរឹទ្ធ៩ សរុប២៧គ្រឿងក្នុងចំណោមវិញ្ញាសាទាំងអស់៣០។

លេខ២បានទៅវៀតណាមដែលបានឈ្នះមេដាយមាស៧ ប្រាក់១២ និងសំរឹទ្ធ១, លេខ៣បានទៅក្រុមថៃដែលឈ្នះមេដាយមាស៥ ប្រាក់៣ និងសំរឹទ្ធ៨។ មីយ៉ាន់ម៉ាលេខ៤បានមេដាយមាស៤ ប្រាក់៣ និងសំរឹទ្ធ១៧ ខណៈឥណ្ឌូណេស៊ីលេខ៥បានមេដាយមាស៣ ប្រាក់១ និងសំរឹទ្ធ១៤។ ឡាវលេខ៦បានមេដាយមាស១ ប្រាក់១ និងសំរឹទ្ធ៥ ហើយចុងក្រោយហ្វីលីពីនមេដាយប្រាក់២ និងសំរឹទ្ធ៦។

កីឡាវ៉វីណាមត្រូវបានដាក់បញ្ចូលក្នុងកីឡាស៊ីហ្គេម លើកដំបូងកាលពីឆ្នាំ២០១១។ ពេលនោះកម្ពុជាក៏បានបញ្ជូនអត្តពលិកចូលរួមប្រកួតដោយឈ្នះបានមេដាយមាស២គ្រឿង ប្រាក់៧គ្រឿង និងសំរឹទ្ធ៨ និងលើកទី២ ឆ្នាំ០១៣ដែលពេលនោះកម្ពុជាឈ្នះមេដាយមាស២គ្រឿងប៉ុណ្ណោះ។ ស៊ីហ្គេម ២០២១ នៅប្រទេសវៀតណាម កម្ពុជាឈ្នះមេដាយមាស៣ ប្រាក់២ និងសំរឹទ្ធ៩។

សម្រាប់ស៊ីហ្គេម លើកទី៣២ ឆ្នាំ២០២៣ ក្នុងនាមជាម្ចាស់ផ្ទះ ក្រុមអត្តពលិកវ៉ូវីណាមកម្ពុជាឈរចំណាត់ថ្នាក់លេខ១ក្នុងតារាងមេដាយមាស បន្ទាប់ពីឈ្នះមេដាយមាស១០គ្រឿង ប្រាក់៨គ្រឿង និងសំរឹទ្ធ៩គ្រឿង។

មេដាយមាសទាំង១០គ្រឿងរបស់កីឡាវ៉ូវីណាមកម្ពុជាមានដូចខាងក្រោម៖

កីឡាករ អេ អាំម៉ារីន ភូថង ឈ្នះមេដាយមាស វិញ្ញាសាទម្ងន់៦៥គក
កីឡាករ សៀន ចាន់នុត ឈ្នះមេដាយមាស វិញ្ញាសាសម្តែងឯកត្តជន
កីឡាករ លី បូរ៉ាមី ឈ្នះមេដាយមាស វិញ្ញាសាសម្តែងទ្វារ៥ឯកត្តជន
កីឡាករ លី បូរ៉ាមី ឈ្នះមេដាយមាស វិញ្ញាសាសម្តែងឯកត្តជន
កីឡាករ អ៉ិម ឡាងឆុង, លី បូរ៉ាមី, ម៉ែន សុវិច្ឆិកា, មិត្ត សារី និង នី ទីហ្សា ឈ្នះមេដាយមាស វិញ្ញាសាសម្តែងដាវក្រុមបុរស
កីឡាការិនី ប៉ាល់ ឆរស្មី ឈ្នះមេដាយមាស វិញ្ញាសាសម្តែងកាំបិតនារីឯកត្តជន
កីឡាការិនី ពៅ សុខា និង សឿ ច័ន្ទលក្ខិណា វិញ្ញាសាសម្តែងដាវគូនារី
កីឡាការិនី ប៉ាល់ ឆរស្មី ឈ្នះមេដាយមាស វិញ្ញាសាសម្តែងដាវនារីឯកត្តជន
កីឡាការិនី ពៅ សុខា, ប៉ាល់ ឆរស្មី, សឿ ច័ន្ទលក្ខិណា, សុខ ស៊ីដានុត និង សុខ សុភី ឈ្នះមេដាយមាស វិញ្ញាសាសម្តែងដាវក្រុមនារី
អត្តពលិក ខុន ច័ន្ទសុភ័ក្រនាថ, មិត្ត សុភ័ត្ត្រា, ប៉ាល់ ឆរស្មី, ពៅ សុខា, ប្រាក់ សុវណ្ណី និង សាន សុជាតិ ឈ្នះមេដាយមាស វិញ្ញាសាសម្តែងក្រុមបុរស-នារីការពារខ្លួន