កីឡា

តារាបាល់បោះខ្មែរ-អាមេរិក Dar ៖«ការរង់ចាំ១០ឆ្នាំ ទីបំផុតបានសម្រេច»

បានផុស

៣ years មុន

នៅ

ថ្ងៃព្រហស្បតិ៍ ១៨ ឧសភា ២០២៣

ដោយ

កីឡាករបាល់បោះខ្មែរ-អាមេរិក Dominic Anthony Dar ស្ទើរតែមិនជឿដែលកម្ពុជាធ្វើបានសម្រេច បន្ទាប់ពីខំប្រឹងអស់រយៈពេល១០ឆ្នាំក្នុងព្រឹត្តិការណ៍កីឡាស៊ីហ្គេម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Dar ជាកីឡាករបាល់បោះកម្ពុជាម្នាក់ដែលត្រូវបានកោះហៅចូលរួមក្រុមជម្រើសជាតិកម្ពុជាជាច្រើនលើកមកហើយសម្រាប់ការចូលរួមប្រកួតកីឡាស៊ីហ្គេម។ ទោះបីជារូបគេជាកីឡាករឆ្នើមម្នាក់ដែលទទួលបានការចាប់អារម្មណ៍ច្រើនពីប្រជាជនជនកម្ពុជា និងបណ្តាប្រទេសផ្សេងៗ ប៉ុន្តែល្អម្នាក់ឯងមិនទាន់គ្រប់គ្រាន់ជួយឲ្យក្រុមទាំងមូលទទួលបានលទ្ធផលល្អឈានដល់វគ្គមេដាយឡើយ។

ទោះបីជាយ៉ាងណា ការចូលរួមជាមួយក្រុមបាល់បោះកម្ពុជាប្រមាណ១០ឆ្នាំចុងក្រោយ ទីបំផុតកីឡាករខ្មែរ-អាមេរិករូបនេះស្គាល់មេដាយពាក់លើ-កជាមួយក្រុមបាល់បោះជម្រើសជាតិកម្ពុជាហើយ បន្ទាប់ពីក្រុមកម្ពុជាបានឈ្នះមេដាយមាសវិញ្ញាសា៣ទល់៣ និងមេដាយប្រាក់វិញ្ញាសា៥ទល់៥ក្នុងកីឡាស៊ីហ្គេម លើកទី៣២ ឆ្នាំ២០២៣។

កីឡាករពាក់អាវលេខ៧បាននិយាយថា ៖«រយៈពេល១០ឆ្នាំ…ស្ទើរតែមិនជឿថា យើងធ្វើបានសម្រេច ប៉ុន្តែសមិទ្ធផលនេះមិនមែនសម្រាប់តែក្រុមនៅពេលនេះទេ។ វាក៏សម្រាប់អតីតកីឡាករទាំងអស់ដែលធ្លាប់បានលេងកន្លងមក។ ពិតណាស់ ខ្ញុំមិនអាចបំភ្លេចបានទេចំពោះប្រជាជនកម្ពុជាដ៏ល្អ និងអ្នកគាំទ្រទាំងអស់។ សូមអរគុណច្រើនដល់លោកគ្រូ Austin Koledoye, Niches Aron និងមន្ត្រីសហព័ន្ធក៏ដូចជា NOCC។ ធ្វើការងារស្ថិតនៅពីក្រោយជោគជ័យនេះ ហើយក៏ផ្តល់ឱកាសឲ្យខ្ញុំបានពាក់អាវជម្រើសជាតិកម្ពុជា។ ខ្ញុំពិតជាស្រឡាញ់ពេញចិត្តណាស់»។

សូមបញ្ជាក់ថា Anthony Dar ត្រូវបានកោះហៅចូលរួមក្នុងក្រុមបាល់បោះជម្រើសជាតិកម្ពុជាតាំងពីឆ្នាំ២០១៣ដើម្បីចូលរួមប្រកួតកីឡាស៊ីហ្គេមនៅប្រទេសមីយ៉ាន់ម៉ា និងចុងក្រោយ ត្រូវបានកោះហៅនៅឆ្នាំ២០២៣នេះ ដូច្នេះជាពេលវេលា១០ឆ្នាំដែលរូបគេចូលរួមជាមួយក្រុមបាល់បោះកម្ពុជា និងទទួលបានមេដាយជាលើកដំបូង៕

អត្ថបទ៖ វីរបុត្រ

Related Topics:កីឡាស៊ីហ្គេម

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា