កីឡា

កីឡាករ Kickboxing ថៃ ដែលញ៉ិកញ៉ក់លើសង្វៀន ប៊ិះនឹងត្រូវដកចេញពីការប្រកួតស៊ីហ្គេមនៅ កម្ពុជា

បានផុស

៥៣ នាទី មុន

នៅ

ថ្ងៃព្រហស្បតិ៍ ១៨ ឧសភា ២០២៣

ដោយ

យោងសេចក្តីរាយការណ៍បញ្ចាក់មកថា លោក Jimmy ឬ Phikanesh Sukkin តាមពិតត្រូវសហព័ន្ធប្រដាល់អាស៊ីហាមមិនឲ្យឡើងសង្វៀន ខណៈអ្នកប្រដាល់ Kickboxing រូបនេះបញ្ចេញកាយវិការ LGBTQ+ លើសង្វៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈវីដេអូឃ្លិបដែលបង្ហោះតាមបណ្ដាញសង្គមកន្លងមក Jimmy អត្តពលិកប្រដាល់ Kickboxing បានបង្ហាញសកម្មភាពសប្បាយចិត្ត ក្រោយឈ្នះការប្រកួតដោយធ្វើកាយវិការអោនដើម្បីអរគុណទស្សនិកជន មុននឹងឱបដើម្បីបង្ហាញការគោរពចំពោះគូប្រកួតមកពីប្រទេសវៀតណាម។

ថ្វីត្បិតតែស្ទីលរីករាយរបស់ Jimmy ដែលបង្ហាញជាខ្លួនគាត់ ហើយត្រូវបានអ្នកនិយមលេងអ៊ីនធឺណិត និងអ្នកទស្សនាពេញចិត្តក្ដី។ ប៉ុន្តែនៅពីក្រោយឆាកមានគេរាយការណ៍ថាគាត់ត្រូវសហព័ន្ធប្រដាល់អាស៊ីចេញបញ្ជាព្រមាន កុំឲ្យបង្ហាញខ្លួនបែបនេះលើឆាកម្ដងទៀតនិងចុះកិច្ចសន្យាបញ្ជាក់ជាភស្តុតាងផងដែរ។

ដោយសហព័ន្ធប្រដាល់សេរីអាស៊ី បញ្ជាក់ហេតុផលនៃការហាមឃាត់នោះថា ក្រុមវៀតណាម មិនសប្បាយចិត្តនឹងអាកប្បកិរិយារបស់ Jimmy ប៉ុន្តែលោក ខ្លួនឯងបានប្រឆាំងនឹងហើយសួរបកវិញថា “ខ្ញុំបានសួរទាំងគ្រូបង្វឹក និងអត្តពលិកវៀតណាម។ ពួកគេមានភាពរួសរាយរាក់ទាក់ជាមួយខ្ញុំ។ គាត់មិនបាននិយាយអ្វីអំពីការសម្តែងរបស់ខ្ញុំទេ។ ពួកគេក៏សរសើរស្នាដៃរបស់ខ្ញុំដែរ ដូច្នេះខ្ញុំឆ្ងល់ថាអ្នកណាមិននិយាយការពិត?”។

ទោះយ៉ាងណាក៏ដោយ សមាគមកីឡាប្រដាល់ថៃ បានចេញមុខបង្ហាញជំហរចំពោះព្រឹត្តិការណ៍នេះ ដោយបានជម្រាបទៅសហព័ន្ធថា បើមិនអនុញ្ញាតឲ្យ Jimmy ប្រកួតបន្ត អត្តពលិកប្រដាល់សេរីរបស់ថៃក៏នឹងមិនចូលរួមប្រកួតដូចគ្នា រហូតដល់ទីបំផុតសហព័ន្ធសម្រេចអនុញ្ញាតឲ្យអ្នកប្រដាល់រូបនេះ បន្តប្រកួតរហូតដណ្ដើមបានមេដាយសំរឹទ្ធ។

សូមបញ្ជាក់ដែរថា Jimmy គឺជាអ្នកខេត្ត Nakhon Si Thammarat ហើយក៏ជាអតីតកីឡាករការ៉ាតេយុវជនជម្រើសជាតិថៃទម្ងន់ ៥៥ គីឡូក្រាម ជាប់ចំណាត់ថ្នាក់ទី ១០ លើពិភពលោក មុនពេលដែលលោកក្លាយជាអ្នកប្រដាល់Kickboxing នាខែធ្នូ ឆ្នាំ ២០២២៕