កីឡា

U23 ហ្វីលីពីនដកខ្លួនពីលីគ ក្រោយលទ្ធផលមិនសូវល្អនៅស៊ីហ្គេម

បានផុស

៣ years មុន

នៅ

ថ្ងៃពុធ ២៤ ឧសភា ២០២៣

ដោយ

ក្រុមអភិវឌ្ឍយុវជនរបស់លីគបាល់ទាត់ហ្វីលីពីន ដែលមានឈ្មោះថា Azkals Development Team (ADT) សម្រេចដកខ្លួនចេញពីការប្រកួតលីគកំពូលហ្វីលីពីន (PFL) រដូវកាល ២០២២-២៣ បន្ទាប់ពីមិនសូវទទួលបានលទ្ធផលល្អក្នុងព្រឹត្តិការណ៍កីឡាស៊ីហ្គេម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ADT បានជូនដំណឹងដល់លីគ និងសហព័ន្ធកីឡាបាល់ទាត់ហ្វីលីពីន (PFF) រួចហើយអំពីការសម្រេចចិត្តរបស់ខ្លួន។ ការប្រកួតដែលនៅសល់ទាំងអស់របស់ ADT នឹងនាំឱ្យចាញ់ ០-៣ ក្នុងការឈ្នះគូប្រកួតរបស់ពួកគេ។

ការដកខ្លួននេះគឺបន្ទាប់ពីក្រុមដែលមានកីឡាករ១៣នាក់ ក្នុងចំណោម២០នាក់ បានត្រឡប់មកពីចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។

ក្រុមអភិវឌ្ឍយុវជនរបស់លីគគឺបានបង្កើតឡើងនៅឆ្នាំ២០២០ដែលផ្តោតលើក្រុមយុវជនអាយុក្រោម២៣ឆ្នាំដើម្បីសម្រួចយុវជនឱ្យមានភាពខ្លាំងនៅក្នុងតំបន់។ ជាលទ្ធផលការប្រកួតកីឡាស៊ីហ្គេម២លើកចុងក្រោយ ក្រុម U23 ហ្វីលីពីនបង្ហាញទម្រង់លេងគួរឱ្យចាប់អារម្មណ៍ ប៉ុន្តែនៅតែមិនអាចឈានឡើងដល់វគ្គពាក់កណ្តាលផ្តាច់ព្រ័ត្រ។

តាមរយៈការដកខ្លួននេះ វាបានធ្វើឱ្យលីគកំពូលហ្វីលីពីនកាន់តែជួបបញ្ហាស្មុគស្មាញ បន្ទាប់ពីក្រុម United City បានដកខ្លួនកាលពីពាក់កណ្ដាលរដូវកាលដោយសារវិបត្តិហិរញ្ញវត្ថុ។