កីឡា

ប៉ាល់ ឆរស្មី មិននឹកស្មានដល់ការឈ្នះពានអត្តពលិកឆ្នើមស៊ីហ្គេមជាលើកទី២

បានផុស

២ years មុន

នៅ

ថ្ងៃសៅរ៍ ២៧ ឧសភា ២០២៣

ដោយ

កីឡាការិនីវ៉ូវីណាមជម្រើសជាតិកម្ពុជា ប៉ាល់ ឆរស្មី បានឈ្នះពានរង្វាន់អត្តពលិកឆ្នើមមួយក្នុងចំណោមពានរង្វាន់អត្តពលិកឆ្នើមពីរប្រចាំព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។

តាមពិតទៅនេះជាលើកទី២ដែលកីឡាការិនីកម្ពុជា ប៉ាល់ ឆរស្មី បានឈ្នះពានរង្វាន់អត្តពលិក បន្ទាប់ពីធ្លាប់បានឈ្នះម្តងហើយកាលពីឆ្នាំ២០១១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ាល់ ឆរស្មី បានរៀបរាប់ពីអារម្មណ៍ផ្ទាល់ខ្លួនថា ៖«ពានរង្វាន់ កីឡាការិនីឆ្នើម លើកទី១ ទទួលបាននៅឆ្នាំ២០១១ ដែលជាលើកដំបូងនៃការចូលរួមប្រកួតកីឡាស៊ីហ្គេម តែអ្វីដែលមិននឹកស្មានគឺមានឱកាសមាសទទួលបានពានរង្វាន់នេះម្តងទៀតនៃការចូលរួមប្រកួតស៊ីហ្គេម លើកចុងក្រោយរបស់ខ្ញុំនៅលើទឹកដីកំណោះតខ្លួនឯង»។

«ការលះបង់ ពិតជាមានតម្លៃមិនអាចកាត់ថ្លៃបាន ហើយ ទោះជាត្រូវដើរយូរ ឬឆាប់ វាមិនសំខាន់ តែអ្វីដែលសំខាន់ គឺដើរឲ្យដល់គោលដៅនោះគឺជាមោទនភាព»។ ប៉ាល់ ឆរស្មី បានសង្កត់ធ្ងន់។

សូមបញ្ជាក់ថា កីឡាការិនីឆ្នើម ប៉ាល់ ឆរស្មី បានឈ្នះបានឈ្នះមេដាយ៦គ្រឿងគឺមាស៤ ប្រាក់១ និងសំរឹទ្ធ១ពីកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។ កាលស៊ីហ្គេម ឆ្នាំ២០១១ កីឡាការិនីរូបនេះបានឈ្នះមេដាយមាស១ និងប្រាក់៣៕