ខ្លាំង​មែន​! Capitan ផ្ដួល Ramazanov ដើម្បី​ក្លាយជា​ម្ចាស់​ខ្សែក្រវាត់​ពិភពលោក​ថ្មី
Connect with us
Helistar Cambodia - Helicopter Charter Services

កីឡា

ខ្លាំង​មែន​! Capitan ផ្ដួល Ramazanov ដើម្បី​ក្លាយជា​ម្ចាស់​ខ្សែក្រវាត់​ពិភពលោក​ថ្មី

Published

on

មិនធម្មតា​ទេ​តារា​ប្រដាល់​ថៃ Capitan Petchyindee Academy ក្លាយជា​ម្ចាស់​ខ្សែក្រវាត់​ថ្មី ONE BANTAMWEIGHT KICKBOXING WORLD CHAMPIONSHIP បន្ទាប់ពី​ផ្ដួល Ramazanov ឲ្យ​សន្លប់​មិន​ដល់​២​ទឹក​ស្រួលបួល​ផង​នៅ​ព្រឹត្តិការណ៍ ONE: UNBREAKABLE នៅ​យប់​ថ្ងៃទី ២២ មករា នេះ​ឯ​កីឡដ្ឋាន Singapore Indoor Stadium ប្រទេស​សិង្ហ​បុរី​។

គ្រាន់តែ​ស្នូរ​ជួង​ទឹក​ទី​១ Capitan ដើរចូល​ប្រើ​កណ្ដាប់ដៃ អមដោយ​ការ​ទាត់​ជើង​ក្រោម​មិន​ខ្លាចរអា​នឹង​ម្ចាស់​ខ្សែក្រវាត់​ទាល់តែសោះ​។ ចំណែក Alaverdi Ramazanov បាន​ប្រើ​បច្ចេកទេស​វាយឆ្មក់ និង​ដកថយ​មួយៗ​។ នៅ​ពាក់កណ្ដាល​ទឹក​ដំបូង Capitan ចេញ​កណ្ដាប់​ឆ្វេង​ស្ដាំ​មួយ​ពីរ​ធ្វើ​ឲ្យ​កីឡាករ​រុស្សី​ផ្ងាក​ថា​ក្រោយ​ទៅ​ក្បែរ​រេញ ប៉ុន្តែ កីឡាករ​ថៃ​មិនអាច​ផ្ដាច់​បានឡើយ​។

Ramazanov នៅ​បន្ត​តាំងចិត្ត និង​គេច​ហើយ​ឆ្មក់​វិញ​ចំៗ លើ Capitan ដែរ​ប៉ុន្តែ មិន​ធ្ងន់​រហូតដល់​គ្រោះថ្នាក់​ឡើយ មុននឹង​បញ្ចប់​ទឹក​នេះ​។

​ទឹក​ទី​២ Capitan នៅតែ​រក្សា​ជំហរ​ដដែល​ពោល ទាត់​ក្រោម​ផង និង​សម្រុក​កណ្ដាប់ដៃ​កាន់តែខ្លាំង​ពេល​ដឹង​កម្លាំង​របស់ Ramazanov ថយចុះ​។ ការប្ដូរ​គ្នា​មួយ​ប្រាវ​នៅ​ដើម​ទឹក​ទី​២​មិនមាន​ភាគី​ណា​រងរបួស​។ ប៉ុន្តែ ជាង​ពាក់កណ្ដាល​ទឹក កូនសិស្ស​មកពី​ក្លិប Petchyindee Academy បាន​សម្រុក​កណ្ដាប់ដៃ​ចំ​គោលដៅ​ឆ្វេង​ស្ដាំ និង កៀរ​ម្ចាស់​ខ្សែក្រវាត់​ទៅ​ក្បែរ​សង្វៀន មុននឹង​បញ្ចប់​ដោយ​កណ្ដាប់ដៃ​ញាប់​រន្ថើន​ធ្វើ​ឲ្យ​គូប្រកួត​ដួល​លើ​ក្ដារ​រេញ​។

​ទីបំផុត Capitan ផ្ដួល Ramazanov ឲ្យ​សន្លប់​នៅ​នាទី​ទី ១:៥៦ នៃ​ទឹក​ទី​២​ដើម្បី​គ្រង​ខ្សែក្រវាត់​ពិភពលោក​លើកដំបូងរ​បស់​ខ្លួន​។

​ម្ចាស់​ខ្សែក្រវាត់​ថ្មី Capitan បាន​ថ្លែង​ថា «​សូម​អរគុណ គ្រូបង្វឹក ក្រុមការងារ​ពាក់ព័ន្ធ ដែល​ធ្វើ​ឲ្យ​ខ្ញុំ​មាន​ថ្ងៃនេះ និង​ឈ្នះ​ខ្សែក្រវាត់​។ ខ្ញុំ​រង់ចាំ​ការឡើង​ការពារ​ខ្សែក្រវាត់​ឲ្យ​សម្រេច និង រក្សា​ខ្សែក្រវាត់​ឲ្យ​យូរ​តាមតែ​អាចធ្វើ​ទៅបាន​»​។

​គួរ​ដឹងថា Capitan សាង​កំណត់ត្រា​ផ្ដួល​គូប្រកួត​លឿន​បំផុត​នៅ ONE Super Serie ដោយ​ប្រើពេល​ត្រឹម ៦ វិនាទី​ប៉ុណ្ណោះ​ដើម្បី​ផ្ដួល​មិត្ត​រួម​ជាតិ Petchtanong ឲ្យ​សន្លប់​ឈឹង​នៅ​ព្រឹត្តិការណ៍ ONE: A NEW BREED III កាលពី​ខែកញ្ញា ឆ្នាំ​២០២០៕

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services