កីឡា

សិង្ហបុរីដាក់ផែនការយុទ្ធសាស្ត្រ១០ចំណុច អភិវឌ្ឍបាល់ទាត់ ក្រោយមិនជោគជ័យនៅស៊ីហ្គេម

បានផុស

២ years មុន

នៅ

ថ្ងៃអង្គារ ១១ កក្កដា ២០២៣

ដោយ

សមាគមកីឡាបាល់ទាត់ប្រទេសសិង្ហបុរី បានប្រកាសពីផែនការយុទ្ធសាស្ត្រ១០ចំណុច ដើម្បីកែលំអក្រុមបាល់ទាត់អាយុក្រោម ២២/២៣ឆ្នាំ របស់ខ្លួន បន្ទាប់ពីបានត្រួតពិនិត្យពីការចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា ដោយមិនទទួលបានលទ្ធផលល្អប្រសើរ។

កីឡាករ U22 សិង្ហបុរី ខកចិត្តក្រោយចាញ់វៀតណាម នៅស៊ីហ្គេម ២០២៣ កាលពីខែឧសភា (រូបភាព CNA)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមជាផែនការយុទ្ធសាស្ត្រ ១០ចំណុច ដែលបានដាក់ចេញសម្រាប់ត្រៀមកីឡាស៊ីហ្គេមនាពេលខាងមុខទៀត។

១. ក្រុមបាល់ទាត់អាយុក្រោម២២/២៣ឆ្នាំ ត្រូវដាក់ឲ្យស្ថិតក្រោមក្រុមបាល់ទាត់ជម្រើសជាតិសិង្ហបុរីឈុតធំ ដែលដឹកនាំដោយគ្រូបង្គោលជម្រើសជាតិ។

២. កីឡាស៊ីហ្គេមត្រូវចាត់ទុកជាគម្រោង២ឆ្នាំម្តង ដែលអនុញ្ញាតឲ្យមានការអភិវឌ្ឍរយៈពេលយូរអង្វែង។

៣. បង្កើតផែនការអភិវឌ្ឍកីឡាករឯកត្តជន (ម្នាក់ៗ)។

៤. ក្រុម U22/23 ត្រូវផ្តល់អាទិភាពសម្រាប់ព្រឹត្តិការណ៍ប្រកួត២សំខាន់គឺ ការប្រកួតកីឡាស៊ីហ្គេម និងការប្រកួតជើងឯកយុវជនអាស៊ីអាយុក្រោម២៣ឆ្នាំ (AFC U23)។

៥. ត្រួតពិនិត្យឡើងវិញនូវច្បាប់ការប្រកួតលីគកំពូលសិង្ហបុរី ដើម្បីបង្កើតចំនួនពេលវេលាឲ្យកីឡាករអាយុក្រោម២២/២៣ឆ្នាំលេងនៅលើទីលានបានច្រើន។

៦. អនុវត្តនិតីវិធីប្រតិបត្តិស្តង់ដា (SOP) សម្រាប់ព្រឹត្តិការណ៍ប្រកួតអាទិភាពរបស់ក្រុម U22/23 ដែលមានពហុការប្រកួត។

៧. ការរួមបញ្ចូលគ្នារវាងធាតុផ្សំនៃការកសាងចិត្តសាស្ត្រ ស្មារតី និងរៀបចំបុរេសកម្មភាពចាំបាច់មុនព្រឹត្តិការណ៍ប្រកួតផ្លូវការ។

៨. រៀបចំផែនការរបបអាហារឲ្យមានប្រសិទ្ធភាពទាំងការគ្រប់គ្រងលើរបបអាហារ និងបង្កើនអាហារូបត្ថម្ភឲ្យឲ្យស្របតាមស្តង់ដា។

៩. បង្កើតក្រុមវិភាគស៊ីជម្រៅនៅកម្រិតជម្រើសជាតិដើម្បីធ្វើការវិភាគលើដៃគូមុនការប្រកួត វិភាគអំឡុងពេលប្រកួត និងវិភាគក្រោយពេលប្រកួតដើម្បីស្វែងរកចំណុចល្អ អាក្រក់សម្រាប់ធ្វើការកែលំអ។

១០. ការផ្ទៀងផ្ទាត់ផ្នែកវេជ្ជសាស្ត្រឲ្យបានច្បាស់លាស់ចំពោះកីឡាករដែលមានរបួសស្នាម៕

អត្ថបទ៖ វីរបុត្រ

Related Topics:កីឡាបាល់ទាត់អន្តរជាតិ ប្រទេសសិង្ហបុរី