កីឡា

អបអរសាទរ ភ្នំពេញក្រោនបញ្ចប់កំណត់ត្រាមិនដែលចាញ់របស់ Cebu FC ០-៣

បានផុស

១ ខែ មុន

នៅ

ថ្ងៃព្រហស្បតិ៍ ២១ កញ្ញា ២០២៣

ដោយ

ក្រុមបាល់ទាត់តំណាងឲ្យក្លិបកម្ពុជា ភ្នំពេញក្រោន បានបញ្ចប់កំណត់ត្រាមិនដែលចាញ់រយៈពេលប្រមាណ១៣ខែរបស់ក្រុមម្ចាស់ផ្ទះ Dynamic Herb Cebu FC នៃប្រទេសហ្វីលីពីន ដោយលទ្ធផល ០-៣ វគ្គសន្សំពិន្ទុក្នុងពូលនៃពានរង្វាន់ AFC Cup ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតទាំងពីរវគ្គ ភ្នំពេញក្រោនធ្វើបានយ៉ាងល្អទាំងការគ្រប់គ្រងបាល់ ការដាក់សម្ពាធ និងសម្រុកទៅតំបន់គ្រោះថ្នាក់រហូតរកបាន៣គ្រាប់លើក្រុម DH Cebu FC។ ៣គ្រាប់របស់ភ្នំពេញក្រោនរកបានដោយខ្សែប្រយុទ្ធជប៉ុន Shintaro Shimizu នៅនាទីទី៤៣ គ្រាប់ទី២ដោយប្រធានក្រុម អ៊ន ចាន់ប៉ូលីន នៅនាទី៥៥ និងគ្រាប់ទី៣ដោយខ្សែប្រយុទ្ធកូឡុំប៊ី នៅនាទី Andres Nieto នៅនាទី៨៤។

ដោយឡែកក្រុមម្ចាស់ផ្ទះមិនអាចបំប៉ោងសំណាញ់ទីរបស់ភ្នំពេញក្រោនបាន បើទោះបីជាព្យាយាមលេងទម្រង់ការពារ និងវាយបកយ៉ាងណាក៏ដោយ។

តាមរយៈលទ្ធផលនេះ ភ្នំពេញក្រោនបានបញ្ចប់កំណត់ត្រាមិនដែលចាញ់របស់ Cebu FC ដែលមានរយៈប្រមាណ១៣ខែហើយ ប៉ុន្តែនៅពេលនេះស្គាល់បរាជ័យហើយ។

តារាងពិន្ទុបណ្ណោះអាសន្ននៅពូល F ភ្នំពេញក្រោនមាន៣ពិន្ទុ ស្មើជាមួយក្រុម Macarthur FC របស់ប្រទេសអូស្ត្រាលីបានយកឈ្នះក្រុម Shan United របស់មីយ៉ាន់ម៉ាដោយលទ្ធផល 0-៣ នៅក្រៅដី៕